എച്ച്ഡിഎഫ്‌സി ക്രെഡിറ്റ് കാർഡ് ഉപയോഗിക്കുന്നവർ ശ്രദ്ധിക്കുക, ചില മാറ്റങ്ങളുണ്ട്, വിശദമായി അറിയാം

ഇന്ന് ക്രെഡിറ്റ് കാർഡുകൾ ഉപയോഗിക്കാത്ത ആളുകൾ വളരെ കുറവാണ്. കൃത്യമായി പണം തിരിച്ചടയ്ക്കാൻ സാധിച്ചാൽ ക്രെഡിറ്റ് കാർഡുകൾ നൽകുന്ന സമാധാനം ചെറുതല്ല. എച്ച്ഡിഎഫ്‌സി ബാങ്ക് ഇൻഫിനിയ മെറ്റൽ ക്രെഡിറ്റ് കാർഡിനുള്ള റിവാർഡ് പോയിന്റ് മാനദണ്ഡങ്ങൾ പരിഷ്കരിച്ചിട്ടുണ്ട്. അതുകൊണ്ടുതന്നെ ഈ ക്രെഡിര്റ് കാർഡ് ഉപയോഗിക്കുന്നവർ ശ്രദ്ധിക്കുന്നത് നല്ലതാണ്. റിവാർഡ് പോയിന്റുകൾ ഇപ്പോൾ പ്രതിമാസം പരമാവധി അഞ്ച് തവണ വരെ റിഡീം ചെയ്യാൻ കഴിയും.2026 ഫെബ്രുവരി 1 മുതലാണ് ഈ മാറ്റം.

നേരത്തെ, ബാങ്ക് റിവാർഡ് പോയിന്റ് റിഡംപ്ഷൻ പ്രതിമാസം പരമാവധി 3 തവണയായി കുറച്ചതായി റിപ്പോർട്ടുകൾ ഉണ്ടായിരുന്നു. എന്നാൽ ബാങ്ക് അത് വീണ്ടും പ്രതിമാസം അഞ്ച് തവണയായി പരിഷ്കരിച്ചു. "2026 ഫെബ്രുവരി 1 മുതൽ പ്രാബല്യത്തിൽ വരുന്നതിനാൽ, നിങ്ങളുടെ ഇൻഫിനിയ ക്രെഡിറ്റ് കാർഡിലെ റിവാർഡ് പോയിന്റുകൾ പ്രതിമാസം പരമാവധി അഞ്ച് തവണ വരെ റിഡീം ചെയ്യാൻ കഴിയും." - എന്ന് എച്ച്ഡിഎഫ്സി ബാങ്ക് വെബ്സൈറ്റ് പറയുന്നു.

എച്ച്ഡിഎഫ്‌സി ബാങ്ക് ഇൻഫിനിയ മെറ്റൽ ക്രെഡിറ്റ് കാർഡിൽ ചെലവഴിക്കുന്ന ഓരോ 150 രൂപയ്ക്കും കാർഡ് ഉടമയ്ക്ക് അഞ്ച് റിവാർഡ് പോയിന്റുകൾ നേടാൻ കഴിയും. അതേസമയം സ്മാർട്ട്ബൈ വാങ്ങലുകൾക്ക് 10 മടങ്ങ് വരെ റിവാർഡ് പോയിന്റുകൾ നേടാം.

മറ്റ് വിശദാംശങ്ങൾ

ഒരു സ്റ്റേറ്റ്മെന്റ് സൈക്കിളിൽ പരമാവധി 2 ലക്ഷം രൂപ വരെ റിവാർഡ് പോയിന്റുകൾ റിഡീം ചെയ്യാം. ഫ്ലൈറ്റുകൾ, ഹോട്ടൽ ബുക്കിംഗുകൾ, എയർമൈലുകൾ എന്നിവയ്ക്ക്, പ്രതിമാസം 1.5 ലക്ഷം രൂപയായി റിവാർഡ് പോയിന്റ് റിഡീം ചെയ്യാം. ആപ്പിൾ ഉൽപ്പന്നങ്ങളും തനിഷ്ക് വൗച്ചറുകളും വാങ്ങുമ്പോൾ മൊത്തം ബിൽ മൂല്യത്തിന്റെ 70% വരെ റിഡീം ചെയ്യാം. ബാക്കി തുക ക്രെഡിറ്റ് കാർഡ് വഴി അടയ്ക്കണം. ക്രെഡിറ്റ് കാർഡ് 365 ദിവസത്തിൽ കൂടുതൽ ഉപയോഗിച്ചിട്ടില്ലെങ്കിൽ, ശേഖരിച്ച റിവാർഡ് പോയിന്റുകൾ അസാധുവാക്കപ്പെടും.

ഇൻഫിനിയ മെറ്റൽ ക്രെഡിറ്റ് കാർഡ്

പ്രീമിയം സേവനങ്ങൾ നൽകുന്ന ക്രെഡിറ്റ് കാർഡ് ആണ് എച്ച്ഡിഎഫ്‌സി ബാങ്ക് ഇൻഫിനിയ മെറ്റൽ ക്രെഡിറ്റ് കാർഡ്. ബാങ്ക് നിങ്ങളുടെ യോഗ്യത വിലയിരുത്തുകയും കാർഡിന് യോഗ്യത നേടിയിട്ടുണ്ടോ എന്ന് നിങ്ങളെ വ്യക്തിപരമായി അറിയിക്കുകയും ചെയ്യും. ഇൻഫിനിയ മെറ്റൽ ക്രെഡിറ്റ് കാർഡ് സൗജന്യമല്ല. 12,500 രൂപ അംഗത്വ ഫീസും വാർഷിക ഫീസായി 12,500 രൂപയും നൽകണം. അതോടൊപ്പം ഈ തുകയുടെ നികുതിയും ഈടാക്കും.

എച്ച്ഡിഎഫ്സി ബാങ്ക് ഡെബിറ്റ് കാർഡ്

എച്ച്ഡിഎഫ്സി ബാങ്ക് അടുത്തിടെ തങ്ങളുടെ ഡെബിറ്റ് കാർഡ് ഉപഭോക്താക്കൾക്ക് സൗജന്യ എയർപോർട്ട് ലോഞ്ച് ആക്‌സസ് ലഭിക്കുന്നതിനുള്ള യോഗ്യതാ മാനദണ്ഡങ്ങൾ പരിഷ്കരിച്ചിരുന്നു. 2026 ജനുവരി 10 മുതൽ, 10,000 രൂപ എന്ന ത്രൈമാസ ചെലവ് മാനദണ്ഡങ്ങൾ പാലിക്കുന്ന ഉപഭോക്താക്കൾക്ക് അവരുടെ രജിസ്റ്റർ ചെയ്ത മൊബൈൽ നമ്പറിലോ ഇമെയിൽ ഐഡിയിലോ 2 പ്രവൃത്തി ദിവസങ്ങൾക്കുള്ളിൽ ഒരു എസ്എസ്എസ്/ഇമെയിൽ ലഭിക്കും. അതിൽ അവരുടെ ലോഞ്ച് ആക്‌സസ് വൗച്ചർ ക്ലെയിം ചെയ്യുന്നതിനുള്ള ലിങ്ക് അടങ്ങിയിരിക്കുന്നു. ഉപഭോക്താവ് ഈ ലിങ്കിൽ ക്ലിക്ക് ചെയ്ത് വൗച്ചർ ക്ലെയിം ചെയ്യേണ്ടതുണ്ട്.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.