'തലമുറകളായി ക്യാൻസർ വരുന്നുണ്ട്', എങ്കിൽ നിങ്ങൾ എടുക്കേണ്ടത് ഒരു പ്രത്യേക ഇൻഷുറൻസ് ആണ്

ക്യാൻസർ എന്ന രോഗം ഇന്ന് പൊതുവേ എല്ലായിടത്തും സാധാരണമാണ്. ഭീമമായ തുക ചികിത്സയ്ക്ക് വേണ്ട ഈ രോഗം, മറ്റുള്ളവരുടെ അപേക്ഷിച്ച ഭേദമാകാൻ കൂടുതൽ സമയം എടുക്കുന്നതും, കൂടുതൽ സങ്കീർണമായതുമാണ്. ഇൻഷുറൻസുകളിൽ പൊതുവേ ക്യാൻസർ കവർ ലഭിക്കാറില്ല എന്ന് മാത്രമല്ല, അത് കഴിഞ്ഞും ക്യാൻസറിന്റെ ചെലവുകൾ അധികരിക്കാറാണ് പതിവ്.

നിങ്ങളുടെ തലമുറകളിൽ ആർക്കെങ്കിലും ക്യാൻസർ വന്നിട്ടുണ്ടെങ്കിൽ, അതായത് ഉദരത്തിൽ ക്യാൻസർ വന്നിട്ടുണ്ടെങ്കിൽ ആരോഗ്യ ഇൻഷുറൻസ് തിരഞ്ഞെടുക്കുമ്പോൾ വളരെ ശ്രദ്ധയോടെ സമീപിക്കേണ്ടതുണ്ട്. ക്യാൻസർ ചികിത്സക്കുള്ള ഉയർന്ന ചെലവ് കണക്കിലെടുത്ത്, നിങ്ങൾക്ക് വേണ്ടത് സമഗ്രമായ സാമ്പത്തിക സംരക്ഷണമാണ്. ഇതിനായി ക്രിട്ടിക്കൽ-ഇൽനസ് കവറും, ഇൻഡെമ്നിറ്റി പ്ലാനും തമ്മിലുള്ള വ്യത്യാസം ആദ്യം മനസ്സിലാക്കേണ്ടതുണ്ട്.

1. ക്രിട്ടിക്കൽ-ഇല്ല്നസ് കവർ:

ഇത് ഗുരുതര രോഗങ്ങൾ കണ്ടുപിടിക്കപ്പെട്ടാൽ (ഉദാഹരണത്തിന് ക്യാൻസർ) ഒരു ലമ്പ് സം തുക ഒരുമിച്ച് നൽകുന്ന ഇൻഷുറൻസ് പദ്ധതിയാണ്. ഈ തുക ആശുപത്രി ചെലവുകൾക്ക് പുറമേ മറ്റ് ആവശ്യങ്ങൾക്കുമുപയോഗിക്കാം.

ഉപയോഗപ്പെടുന്ന സാഹചര്യങ്ങൾ:

*ക്യാൻസർ പോലെയുള്ള ദീർഘകാല ചികിത്സക്കുള്ള സാമ്പത്തിക സഹായം.

*വരുമാന നഷ്ടം, പരിചരണ ചെലവുകൾ, ആൽട്ടർനേറ്റീവ് ചികിത്സ എന്നിവയ്ക്കായി ഉപയോഗിക്കാം.

*വിദേശത്ത് മികച്ച ചികിത്സ സ്വീകരിക്കേണ്ട ആവശ്യം വരുമ്പോൾ അതിനുള്ള സഹായം.

പരിമിതികൾ:

*ഗുണം കിട്ടുന്നതിനായി രോഗം നിർദിഷ്ട ഗുരുതര തലത്തിലെത്തിയിരിക്കണം.

*രോഗം ഡയഗ്നോസിസ് ചെയ്യുമ്പോൾ മാത്രമേ തുക ലഭ്യമാകൂ.

2. ഇൻഡെമ്നിറ്റി പ്ലാൻ

ഇത് നിങ്ങളുടെ ആശുപത്രി ബിൽ പ്രകാരം സംഭവിച്ച ചെലവുകൾ തിരിച്ചടയ്ക്കുകയോ നേരിട്ട് ആശുപത്രിയിൽ അടയ്ക്കുകയോ ചെയ്യുന്ന പ്ലാനാണ്.

ഉപയോഗപ്പെടുന്ന സാഹചര്യങ്ങൾ:

*ഡോക്ടർ ഫീസ്, സർജറി, കിമോതെറാപ്പി, റേഡിയേഷൻ, പരിശോധനകൾ തുടങ്ങി ആശുപത്രിയുമായി ബന്ധപ്പെട്ട മുഴുവൻ ചെലവും കവർ ചെയ്യും.

*വാർഷിക ഹെൽത്ത് ചെക്കപ്പ് സൗകര്യം ലഭിക്കും (അനവധി പോളിസികളിൽ).

*ക്യാൻസർ പോലെയുള്ള ദീർഘകാല ചികിത്സയ്ക്കുള്ള കൂടുതൽ സംരക്ഷണം.

പരിമിതികൾ:

*ആശുപത്രിയിലായിരിക്കുമ്പോൾ മാത്രമേ കവർ ചെയ്യാൻ കഴിയൂ.

*രോഗം ഭാവിയിൽ വീണ്ടും വരുമ്പോൾ ചില പോളിസികളിൽ പരിധി ഉണ്ടായേക്കാം.

ഏത് പ്ലാൻ തിരഞ്ഞെടുക്കണം?

*മികച്ച സംരക്ഷണം നേടാൻ രണ്ടും എടുക്കുന്നത് ഉചിതമാണ്.

*ഇൻഡെമ്നിറ്റി പ്ലാൻ: ആശുപത്രി ചെലവുകൾ നേരിട്ട് അടയ്ക്കുന്നതിനും പ്രത്യക്ഷ ചെലവുകൾ കുറയ്ക്കുന്നതിനും സഹായിക്കും.

*ക്രിട്ടിക്കൽ-ഇല്ല്നസ് പ്ലാൻ: ആശുപത്രിക്ക് പുറത്തുള്ള സാമ്പത്തിക ബാധ്യതകൾ (വരുമാന നഷ്ടം, കുടുംബ പരിപാലനം, യാത്ര ചെലവുകൾ മുതലായവ) കൈകാര്യം ചെയ്യാൻ സഹായിക്കും.

ബജറ്റിൽ പരിധിയുണ്ടെങ്കിൽ, ആദ്യം ഉയർന്ന ലം സം തുക നൽകേണ്ട ഇൻഡെമ്നിറ്റി പ്ലാൻ തിരഞ്ഞെടുക്കുക. ക്യാൻസർ പോലുള്ള ഗുരുതര രോഗങ്ങൾക്കുള്ള പ്രത്യേക ക്യാൻസർ സ്പെസിഫിക് ഇൻഷുറൻസ് പോലും പരിഗണിക്കാവുന്നതാണ്.

ഇൻഷുറൻസ് എടുക്കുമ്പോൾ ശ്രദ്ധിക്കേണ്ട കാര്യങ്ങൾ:

1. കുടുംബത്തിന്റെ ഹിസ്റ്ററി മുഴുവൻ തുറന്നുപറയുക. മറച്ചുവെച്ചാൽ ഭാവിയിൽ ക്ലെയിം നിഷേധിക്കപ്പെടാം.

2. ലൈഫ് ടൈം റീന്യുവബിലിറ്റി ഉള്ളത് മാത്രം തിരഞ്ഞെടുക്കുക.

3. സബ് ലിമിറ്റ് ഇല്ലാത്ത പോളിസികൾ തിരഞ്ഞെടുക്കുക, പ്രത്യേകിച്ച് ക്യാൻസർ ചികിത്സയിലേക്കുള്ളത്.

4. ₹15-20 ലക്ഷം (അല്ലെങ്കിൽ അതിൽ കൂടുതലായും) ലഭിക്കുന്നതാണോ എന്ന് വിലയിരുത്തുക.

കുടുംബത്തിന്റെ ഹിസ്റ്ററി പരിഗണിച്ച് നിങ്ങളുടെ ആവശ്യമനുസരിച്ച് വ്യാപകമായ സുരക്ഷ നൽകുന്ന ഇൻഷുറൻസ് തിരഞ്ഞെടുക്കുക. രോഗം ബാധിച്ച് ബുദ്ധിമുട്ടുന്ന കാലത്ത് ആരോഗ്യ ചെലവുകൾ ഉയർന്നുപോകുന്നതിനാൽ സമഗ്ര കവർ ഉള്ള പ്ലാനുകൾക്കാണ് മുൻഗണന നൽകേണ്ടത്.