Just In
-
-
-
-
Don't Miss
-
48 മണിക്കൂര് ഒരു തുള്ളി മദ്യം കിട്ടില്ല, ബിവറേജും ബാറും അടച്ചിടും; കേരളത്തില് നാളെ മുതല് ഡ്രൈ ഡേ -
മദ്യപിച്ച് വാഹനമോടിച്ച വ്യക്തിയെ വെറുതെവിട്ട് കോടതി, കാരണം ഓട്ടോ ബ്ര്യൂവറി സിന്ഡ്രം അഥവാ മദ്യപാന രോഗം -
ഞങ്ങളെല്ലാം നല്ല സുഹൃത്തുക്കളായിരുന്നു, പിന്നീട് പ്രശ്നങ്ങൾ; പരസ്പരം സെറ്റിൽ സംഭവിച്ചത്; ഗായത്രി -
ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ് -
ഇനി വെറും 10 നാൾ കൂടി; പൾസർ നിരയിലെ വല്യേട്ടൻ എൻഫീൽഡിന്റെ കച്ചോടം പൂട്ടിക്കുമോ? -
IPL 2024: ചാഹലിനെ ആര്സിബിയ്ക്ക് നഷ്ടപ്പെട്ടത് ആ മണ്ടത്തരം കാരണം; ലേലത്തില് നടന്നത് എന്ത്? വെളിപ്പെടുത്തല് -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
ദീര്‍ഘ കാലാടിസ്ഥാനത്തില്‍ നിങ്ങള്‍ക്ക് വലിയൊരു തുക സമ്പാദ്യമായി ലഭിക്കുവാനുള്ള ശരിയായ മാര്‍ഗമാണ് മ്യൂച്വല്‍ ഫണ്ട് നിക്ഷേപങ്ങള്‍. എന്നാല്‍ മ്യൂച്വല്‍ ഫണ്ട് നിക്ഷേപങ്ങളെ സംബന്ധിച്ചുള്ള ചില അബദ്ധ ധാരണകള്‍ കാരണം പലരും മ്യൂച്വല്‍ ഫണ്ടുകളില്‍ നിക്ഷേപം നടത്താതെ മാറി നില്‍ക്കുന്ന കാഴചയാണ് ഇപ്പോള്‍കാണുവാന്‍ സാധിക്കുന്നത്. മ്യൂച്വല്‍ ഫണ്ട് നിക്ഷേപങ്ങളെക്കുറിച്ച് പ്രചരിക്കുന്ന മൂന്ന് പ്രധാന കെട്ടുകഥകള്‍ എന്തൊക്കെയാണെന്നും അവയ്ക്ക് പിറകിലെ വസ്തുത എന്തെന്നും നമുക്കൊന്ന് പരിശോധിക്കാം.
മ്യൂച്വല്‍ ഫണ്ടുകളുടെ വില്‍പ്പന പ്രയാസകരം?
മ്യൂച്വല്‍ ഫണ്ടുകള്‍ വില്‍ക്കുവാന്‍ പ്രയാസകരമാണ് എന്നതാണ് ആദ്യത്തെ മിത്ത്. എന്നാല്‍ ഈ കെട്ടുകഥയില്‍ നിന്നും വ്യത്യസ്തമായി മ്യൂച്വല്‍ ഫണ്ടുകള്‍ ഉയര്‍ന്ന ലിക്വിഡിറ്റി ഉള്ളവയാണ് എന്നതാണ് യാഥാര്‍ത്ഥ്യം. മ്യൂച്വല്‍ ഫണ്ട് യൂണിറ്റുകള്‍ ഏത് സമയത്തും നിക്ഷേപകര്‍ക്ക് റെഡീം ചെയ്യുവാന്‍ സാധിക്കും.രണ്ടോ മൂന്നോ പ്രവൃത്തി ദിവസങ്ങള്‍ക്കുള്ളില്‍ പണം നിക്ഷേപകന്റെ അക്കൗണ്ടിലേക്കെത്തിച്ചേരും.
മ്യൂച്വല്‍ ഫണ്ടുകള്‍ പൂര്‍ണമായും ഇക്വിറ്റികളാണ് ?
മ്യൂച്വല്‍ ഫണ്ടുകള്‍ പൂര്‍ണമായും ഇക്വിറ്റികളാണ് എന്നതാണ് അടുത്ത വിശ്വാസം. ഇത് പൂര്‍ണമായും തെറ്റായ ധാരണയാണ്. ഇക്വിറ്റി മ്യൂച്വല്‍ ഫണ്ടുകള്‍ കൂടാതെ മറ്റ് ഫണ്ട് കാറ്റഗറികളുമുണ്ട്. ഡെബ്റ്റ് മ്യൂച്വല്‍ ഫണ്ടുകള്‍ അതിനൊരുദാഹരണമാണ്. നിങ്ങള്‍ ഒരു ഇക്വിറ്റി മ്യൂച്വല്‍ ഫണ്ടില്‍ നിക്ഷേപം നടത്തുമ്പോള്‍ നിങ്ങള്‍ ഒരു കമ്പനിയുടെ ഓഹരി വാങ്ങിക്കുകയാണ് ചെയ്യുന്നത്. ഇനി നിക്ഷേപം നടത്തുന്നത് ഡെബ്റ്റ് ഫണ്ടുകളിലാണെങ്കില്‍ നിങ്ങള്‍ക്ക് കമ്പനിയ്ക്ക് പണം കടമായി നല്‍കുകയുമാണ് ചെയ്യുന്നത് എന്നതാണ് ഇക്വിറ്റി, ഡെബ്റ്റ് ഫണ്ടുകള്‍ തമ്മിലുള്ള വ്യത്യാസം.
ഹൈബ്രിഡ് ഫണ്ടുകള്‍
ഹൈബ്രിഡ് ഫണ്ടുകള്‍ എന്ന പേരില്‍ മറ്റൊരു വിഭാഗം ഫണ്ടുകള്‍ കൂടിയുണ്ട്. അവയില്‍ ഇക്വിറ്റി ഫണ്ടുകളും ഡെബ്റ്റ് ഫണ്ടുകളും അടങ്ങിയിരിക്കുന്നു. വിപണയുടെ ചലനങ്ങള്‍ക്ക് അനുസരിച്ചായിരിക്കും അവയുടെ വിന്യാസം നിശ്ചയിക്കപ്പെടുന്നത്. ഈ മൂന്ന് ഫണ്ട് കാറ്റഗറികള്‍ക്കും പുറമേ കമ്മോഡിറ്റികളില്‍ നിക്ഷേപം നടത്തുന്ന ഫണ്ട് വിഭാഗങ്ങള്‍ കൂടിയുണ്ട്.
കുറഞ്ഞ എന്‍എവിയുള്ള മ്യൂച്വല്‍ ഫണ്ടുകള്‍ മോശം ഫണ്ടുകള്‍?
കുറഞ്ഞ എന്‍എവിയുള്ള മ്യൂച്വല്‍ ഫണ്ടുകള്‍ മോശം ഫണ്ടുകളാണെന്നും ഒരു മിത്ത് പ്രചാരത്തിലുണ്ട്. യഥാര്‍ത്ഥത്തില്‍ നെറ്റ് അസറ്റ് വാല്യൂ അഥവാ എന്‍എവി എന്നതിന് ഫണ്ടുകളുടെ ക്വാളിറ്റിയുമായി യാതൊരു ബന്ധവുമില്ല. മ്യൂച്വല്‍ ഫണ്ടുകളുടെ യൂണിറ്റുകളുടെ മൂല്യം എന്നത് മാത്രമാണ് എന്‍എവി കൊണ്ട് അര്‍ത്ഥമാക്കുന്നത്. അതായത് ഫണ്ടിന്റെ എന്‍എവി കുറവാണെങ്കില്‍ നിങ്ങള്‍ക്ക് കൂടുതല്‍ യൂണിറ്റ് മ്യൂച്വല്‍ ഫണ്ടുകള്‍ വാങ്ങിക്കുവാന്‍ സാധിക്കും. മ്യൂച്വല്‍ ഫണ്ടിന്റെ എന്‍എവി ഉയരുമ്പോള്‍ നിങ്ങളുടെ നിക്ഷേപ മൂല്യവും മുകളിലേക്ക് ഉയരും.
ഒരു ഉദാഹരണം പരിശോധിക്കാം
ഉദാഹരണത്തിന് നിങ്ങള്‍ക്ക് 50,000 രൂപ ഒരു മ്യൂച്വല്‍ ഫണ്ടില്‍ നിക്ഷേപം നടത്താന്‍ ആഗ്രഹമുണ്ട് എന്നിരിക്കട്ടെ. ഇപ്പോള്‍ ആ മ്യൂച്വല്‍ ഫണ്ടിന്റെ ഓരോ യൂണിറ്റിന്റെയും എന്‍എവി 50 രൂപയാണെന്നും കരുതാം. എങ്കില്‍ നിങ്ങള്‍ക്ക് ആ മ്യൂച്വല്‍ ഫണ്ടിന്റെ 10,000 യൂണിറ്റുകളാണ് വാങ്ങിക്കുവാന്‍ സാധിക്കുക. ഇനി അടുത്ത വര്‍ഷം ആ മ്യൂച്വല്‍ ഫണ്ടിന്റെ എന്‍എവി 60 രൂപയായി ഉയര്‍ന്നു എന്നിരിക്കട്ടെ. അപ്പോള്‍ നിങ്ങളുടെ നിക്ഷേപ മൂല്യം 60,000 രൂപയായി വര്‍ധിക്കും.
