മക്കളുടെ കുട്ടിക്കാലം മുതൽ തന്നെ മാതാപിതാക്കൾ അവരുടെ പേരിൽ സമ്പാദ്യം ആരംഭിക്കാവുന്നതാണ്. 10 വയസ്സിൽ താഴെയുള്ള കുട്ടികൾക്ക് വേണ്ടി നിക്ഷേപം ആരംഭിക്കാനും നിയന്ത്രിക്കാനും മാതാപിതാക്കൾക്ക് സാധിക്കും. 10 വയസിന് ശേഷം കുട്ടികളുടെ പേരിലേയ്ക്ക് തന്നെ നിക്ഷേപത്തിന്റെ ഉടമസ്ഥാവകാശം മാറ്റാൻ കഴിയുമെന്ന് ബാങ്കുകൾ, പോസ്റ്റോഫീസുകൾ തുടങ്ങിയ ധനകാര്യ സ്ഥാപനങ്ങൾ പറയുന്നു.
സുരക്ഷിത നിക്ഷേപം
പ്രായപൂർത്തിയാകാത്തവർക്കായി ഒരു സേവിംഗ്സ് അക്കൗണ്ട് ആരംഭിക്കുന്നതിനു പിന്നിലെ പ്രാഥമിക ലക്ഷ്യം പണത്തിന്റെ സുരക്ഷയാണ്. 10 വയസ്സിന് താഴെയുള്ള കുട്ടികൾ സ്വന്തമായി നിക്ഷേപം കൈകാര്യം ചെയ്യാൻ പ്രാപ്തരല്ല. അതുകൊണ്ട് തന്നെ പ്രായപൂർത്തിയാകാത്തവർക്കായി മാതാപിതാക്കൾക്ക് ആരംഭിക്കാൻ കഴിയുന്ന രണ്ട് സുരക്ഷിത നിക്ഷേപ ഓപ്ഷനുകളാണ് താഴെ പറയുന്നവ.
ജോലിക്കാർക്കും പ്രവാസികൾക്കും രണ്ട് ലക്ഷം രൂപ ലാഭിക്കാം; പാഴാക്കി കളയരുത് ഈ അവസരം
പ്രായപൂർത്തിയാകാത്തവർക്കുള്ള എഫ്ഡി
ബാങ്കുകൾ, പോസ്റ്റോഫീസുകൾ, ആർബിഐ സാക്ഷ്യപ്പെടുത്തിയ നോൺ-ബാങ്കിംഗ് ഫിനാൻസ് സ്ഥാപനങ്ങൾ, മൈക്രോഫിനാൻസ് സ്ഥാപനങ്ങൾ എന്നിവയുൾപ്പെടെയുള്ളവ വാഗ്ദാനം ചെയ്യുന്ന ഏറ്റവും പരമ്പരാഗതവും എളുപ്പവുമായ നിക്ഷേപ മാർഗമാണ് സ്ഥിര നിക്ഷേപം (എഫ്ഡി). മാതാപിതാക്കൾക്കോ നിയമപരമായ രക്ഷാകർത്താക്കൾക്കോ കുട്ടികളുടെ പേരിൽ അവർ ആഗ്രഹിക്കുന്നത്ര തുക നിക്ഷേപിക്കാൻ സാധിക്കും. നിക്ഷേപ പരിധി നിശ്ചയിച്ചിട്ടില്ല എന്നതാണ് ശ്രദ്ധേയമായ കാര്യം.
പ്രായപൂർത്തിയാകാത്തവർക്കുള്ള പി.പി.എഫ്
സ്ഥിര നിക്ഷേപങ്ങളുമായി താരതമ്യപ്പെടുത്തുമ്പോൾ താരതമ്യേന സുരക്ഷിതമായ മറ്റൊരു നിക്ഷേപമാണ് പബ്ലിക് പ്രൊവിഡന്റ് ഫണ്ട് (പിപിഎഫ്) അക്കൗണ്ടുകൾ. കാരണം പിപിഎഫിന് കേന്ദ്രസർക്കാരിന്റെ നേരിട്ടുള്ള പിന്തുണയുണ്ട്. മാത്രമല്ല പിപിഎഫ് അക്കൗണ്ടിൽ നൽകുന്ന പലിശ സ്ഥിര നിക്ഷേപങ്ങളിൽ വാഗ്ദാനം ചെയ്യുന്നതിനേക്കാൾ കൂടുതലാണ്. എന്നാൽ പിപിഎഫ് അക്കൗണ്ടിലെ നിക്ഷേപത്തിന് ഉയർന്ന പരിധി നിശ്ചയിച്ചിട്ടുണ്ട്.
മക്കളുടെ വിദ്യാഭ്യാസത്തിന് കാശ് മാറ്റി വയ്ക്കുന്നവർ ശ്രദ്ധിക്കുക; നിക്ഷേപിക്കേണ്ടത് എവിടെ? എങ്ങനെ?
പിപിഎഫിലെ നിക്ഷേപ പരിധി
ഒരു വ്യക്തിക്ക് ഒരുസാമ്പത്തിക വർഷത്തിൽ പരമാവധി 1.5 ലക്ഷം രൂപ മാത്രമേ പിപിഎഫ് അക്കൗണ്ടിൽ നിക്ഷേപിക്കാൻ കഴിയൂ. കൂടാതെ പിപിഎഫിന് ഒരു ലോക്ക്-ഇൻ പിരീഡ് ഉണ്ട്. 15 വർഷമാണ് ഈ കാലാവധി. സെക്ഷൻ 80 സി പ്രകാരം അകാല / ഭാഗിക പിൻവലിക്കലിനും നികുതി ആനുകൂല്യത്തിനും ചില വ്യവസ്ഥകളും ബാധകമാണ്.
malayalam.goodreturns.in