നമ്മളില് ഭൂരിഭാഗം പേരും സ്വകാര്യ മേഖലയില് തൊഴിലെടുക്കുന്നവരാണ്. അതുകൊണ്ടു തന്നെ മികച്ച അവസരങ്ങള് ലഭിക്കുമ്പോള്, നിലവിലുള്ളതിനേക്കാള് മികച്ച വേതനം ലഭിക്കുമ്പോള്, ഇപ്പോഴുള്ളതിനേക്കാള് ഉയര്ന്ന പൊസിഷനിലേക്കുള്ള അവസരം ലഭിക്കുമ്പോള് ഒക്കെയും പുതിയ തൊഴിലിടങ്ങളിലേക്ക് മാറാന് നാം മടികാണിക്കാറില്ല. എന്നാല് പുതിയ സ്ഥാപനത്തിലേക്ക് മാറാന് തയ്യാറെടുക്കുമ്പോള് തന്നെ പിഎഫ് അക്കൗണ്ടിലെ തുക പിന്വലിക്കുവാന് ധൃതി കാണിക്കുന്ന ചിലരുണ്ട്.
പല കാരണങ്ങള് നിലവിലെ സാഹചര്യത്തില് തൊഴില് സ്ഥാപനം മാറുമ്പോള് പിഎഫ് തുക പിന്വലിക്കുന്നത് ശരിയായ തീരുമാനമാണെന്ന് വേണമെങ്കില് പറയാം. അല്ലെങ്കില് പുതിയ കമ്പനിയുമായി ബന്ധിപ്പിച്ചിട്ടുള്ള പിഎഫ് അക്കൗണ്ടിലേക്ക് പഴയ കമ്പനിയുടെ പിഎഫ് അക്കൗണ്ടിലെ തുക മാറ്റുകയാണ് ചെയ്യേണ്ടത്.
പോസ്റ്റ് ഓഫീസ് നിക്ഷേപങ്ങളിലൂടെ ചുരുങ്ങിയ വര്ഷങ്ങള് കൊണ്ട് നിങ്ങളുടെ നിക്ഷേപം ഇരട്ടിയാക്കാം
ജോലി മാറുമ്പോള് ഇപിഎഫ് പിന്വലിക്കുന്നതിന് ചില ദോഷഫലങ്ങളുണ്ട്. നിങ്ങള് തുടക്കക്കാരനായ ഒരു വ്യക്തിയാണെങ്കില് പിഎഫ് തുക പിന്വലിക്കുകയാണെങ്കില് ഇപിഎഫ്ഒ നിങ്ങളുടെ നിക്ഷേപത്തിന്മേല് വാഗ്ദാനം ചെയ്യുന്ന ഉയര്ന്ന ആദായം നിങ്ങള്ക്ക് നഷ്ടമാകും.
റിട്ടയര്മെന്റ് സമയത്ത് മൊത്തമായി തുക സ്വീകരിക്കുവാന് നിങ്ങള്ക്ക് സാധിച്ചില്ലെന്നും വരാം. എന്നാല് നേരത്തേയുള്ള പിഎഫ് പിന്വലിക്കലിന്റെ ഏറ്റവും പ്രധാനപ്പെട്ട പ്രശ്നം നികുതി ഇളവുമായി ബന്ധപ്പെട്ടുള്ളതാണ്. 5 വര്ഷങ്ങള് നിക്ഷേപിക്കും മുമ്പായി നിങ്ങള് തുക പിന്വലിച്ചാല് ആദായ നികുതി നിയമത്തിലെ വകുപ്പ് 80സി പ്രകാരമുള്ള നികുതി ഇളവിന് നിങ്ങള്ക്ക് അര്ഹതയുണ്ടാകില്ല.
ദിവസം 100 രൂപ മാറ്റി വച്ചാലും കോടിപതിയാകാം; നിക്ഷേപം എങ്ങനെ?
ജോലി മാറിയ ഉടനെ പിഎഫ് പിന്വലിക്കുന്നത് കൊണ്ട് അക്കൗണ്ട് ഉടമയ്ക്ക് ഉണ്ടാകുന്ന മറ്റൊരു വലിയ നഷ്ടം പെന്ഷനേട്ടങ്ങള് ലഭിക്കുകയില്ല എന്നതാണ്. പുതിയൊരു കമ്പനിയിലേക്ക് ജോലി മാറി പോകുമ്പോള് പിഎഫ് അക്കൗണ്ടില് നിന്നും തുക പിന്വലിച്ചാല് ഇപിഎഫ്ഒ വാഗ്ദാനം ചെയ്യുന്ന പെന്ഷന് നേട്ടങ്ങള് ഒന്നും തന്നെ അക്കൗണ്ട് ഉടമയ്ക്ക് ലഭിക്കുകയില്ല.
ഇപിഎഫ്ഒയുടെ നയ നിബന്ധനകള് പ്രകാരം ഒരു അംഗത്തിന് പെന്ഷന് ലഭിക്കണമെങ്കില് ആ വ്യക്തി 10 വര്ഷത്തെ നിക്ഷേപം പൂര്ത്തിയാക്കിയിരിക്കണം. നിക്ഷേപകന് 58 വയസ്സ് പൂര്ത്തിയായതിന് ശേഷമാണ് പെന്ഷന് ലഭിച്ചു തുടങ്ങുക. അതായത് നിങ്ങള്ക്ക് പെന്ഷന് നേട്ടങ്ങള് വേണമെങ്കില് 10 വര്ഷത്തെ നിക്ഷേപം നിര്ബന്ധമാണെന്നര്ഥം.