Click it and Unblock the Notifications
നിങ്ങള് ദീര്ഘകാലമായി ഓണ്ലൈന്,ഡിജിറ്റല് ഇടപാടുകള്ക്കായി ഡെബിറ്റ് കാര്ഡ് ഉപയോഗിച്ചില്ല എങ്കില് ചിലപ്പോള് നിങ്ങളുടെ ബാങ്ക് കാര്ഡ് ഡീ ആക്ടിവേറ്റ് ചെയ്തേക്കാം.
നിങ്ങള് ദീര്ഘകാലമായി ഓണ്ലൈന്,ഡിജിറ്റല് ഇടപാടുകള്ക്കായി ഡെബിറ്റ് കാര്ഡ് ഉപയോഗിച്ചില്ല എങ്കില് ചിലപ്പോള് നിങ്ങളുടെ ബാങ്ക് കാര്ഡ് ഡീ ആക്ടിവേറ്റ് ചെയ്തേക്കാം. മുന്നിര സ്വകാര്യ ബാങ്കുകളെല്ലാം ഉപയോഗിക്കാതെ കിടക്കുന്ന കാര്ഡുകള് പ്രവര്ത്തന രഹിതമാക്കുവാന് തീരുമാനമെടുത്തിരിക്കുകയാണ്. റിസര്വ് ബാങ്കിന്റെ മാര്ഗ നിര്ദേശങ്ങള് പ്രകാരമാണ് ഈ നടപടിയെന്നാണ് ബാങ്കുകള് പറയുന്നത്. സ്ഥിരമായി ഉപയോഗിക്കാത്ത കാര്ഡുകള് ഉപയോഗിച്ചു നടത്താവുന്ന തട്ടിപ്പുകള് ഒഴിവാക്കുവാനാണ് ബാങ്കുകളുടെ ഈ നീക്കം.
എന്നാല് അത് എടിഎമ്മുകളില് നിന്നും പണം പിന്വലിക്കുന്നതിനെയും പിഒഎസ് ടെര്മിനലുകളിലെ ഇടപാടുകളെയും ബാധിക്കുകയില്ല. അവ തടസ്സമില്ലാതെ നടക്കും. ഫിസിക്കല് കാര്ഡ് ലഭ്യമല്ലാത്ത ഇടപാടുകളില് മാത്രമാണ് കാര്ഡ് പ്രവര്ത്തന രഹിതമാക്കുക. നിങ്ങള്ക്ക് എടിഎമ്മില് നിന്ന് പണമെടുക്കമെങ്കില് എടിഎമ്മില് ചെന്ന് കാര്ഡ് ഉപയോഗിച്ച് പണം പിന്വലിക്കുവാന് സാധിക്കും. പര്ച്ചേസ് നടത്തി കടയില് കാര്ഡ് സ്വയ്പ് ചെയ്യുവാനും തടസ്സങ്ങളുണ്ടാവില്ല.
നിങ്ങള് ഒരു നിശ്ചിത കാലയളവിലേക്ക് ഓണ്ലൈന് ഇടപാടുകള് നടത്തിയില്ല എങ്കില് ബാങ്ക് കാര്ഡിന്റെ ഓണ്ലൈന് പെയ്മെന്റ് ഫീച്ചര് നീക്കം ചെയ്യും. എന്നാല് ഇതില് പരിഭ്രമിക്കേണ്ട കാര്യമൊന്നുമില്ല. നിങ്ങളുടെ ഇന്റര്നെറ്റ് ബാങ്കിഗ് സേവനത്തില് ലോഗ് ഇന് ചെയ്തുകൊണ്ട് ഓണ്ലൈന് ഇടപാടുകള്ക്കായി ഡെബിറ്റ് കാര്ഡ് റീ ആക്ടിവേറ്റ് ചെയ്യാം.
ഐസിഐസിഐ ബാങ്ക് തങ്ങളുടെ മൊബൈല് അപ്ലിക്കേഷനിലൂടെ കാര്ഡിന്റെ സ്റ്റാറ്റസ് പരിശോധിക്കുവാനുള്ള സേവനം നല്കുന്നുണ്ട്. ആപ്പിലൂടെയോ ഇന്റര്നെറ്റ് ബാങ്കിംഗ് ഉപയോഗിച്ചോ ഐവിആര് വഴിയോ ഐസിഐസിഐ ബാങ്ക് ഉപയോക്താക്കള്ക്ക് കാര്ഡുകളുടെ ഓണ്ലൈന് ഇടപാടുകള് ആക്ടിവേറ്റ് ചെയ്യാം.
അതേ സമയം കാര്ഡ് ഉപഭോഗം നിയന്ത്രിക്കുവാനുള്ള സംവിധാനവും ഉപയോക്താക്കള്ക്ക് വിവിധ ബാങ്കിംഗ് സേവനദാതാക്കള് വാഗ്ദാനം ചെയ്യുന്നു. ഇതുവഴി ഡെബിറ്റ്, എടിഎം കാര്ഡുകള് ഓണ് ചെയ്യാനും ഓഫ് ചെയ്യാനും അവര്ക്ക് സാധിക്കും. തട്ടിപ്പുകളില് രക്ഷനേടാന് ഈ സേവനം ഉപയോഗപ്പെടുത്താവുന്നതാണ്.
കോവിഡ് വ്യാപനത്തിന്റെ പശ്ചാത്തലത്തില് രാജ്യത്ത് ഓണ്ലൈന് തട്ടിപ്പുകളും വര്ധിച്ചു വരികയാണ്. ബാങ്കുകളുടെ പുതിയ ഈ നയം തട്ടിപ്പുകളുടെ എണ്ണം കുറയ്ക്കുവാന് സഹായകമാകും. ഗ്രാമ പ്രദേശങ്ങളില് താമസിക്കുന്ന ഉപയോക്താക്കള്ക്കും മുതിര്ന്ന പൗരന്മാര്ക്കും ഇത് ഏറെ ഗുണകരമാകും.
More From GoodReturns
10 രൂപയിൽ താഴെയുള്ള പെന്നി സ്റ്റോക്കുകൾ: ഈ തെറ്റ് ചെയ്താൽ പണം നഷ്ടപ്പെടും!
സ്വാതന്ത്ര്യദിനം: ബംഗളൂരുവിൽ ഗതാഗത നിയന്ത്രണം; യാത്രക്കാർ അറിയേണ്ടതെല്ലാം
ഓണത്തിന് നാട്ടിലേക്ക് സ്വർണം വാങ്ങുന്നുണ്ടോ? ലാഭകരമാക്കാൻ ഈ കാര്യങ്ങൾ അറിഞ്ഞിരിക്കൂ
ക്രെഡന്റ് കണക്ട് എൻ കേർ ലിസ്റ്റിംഗ്: വമ്പൻ കുതിപ്പിന് സാധ്യതയോ? നിക്ഷേപകർ അറിയേണ്ട നിർണ്ണായക വിവരങ്ങൾ
എസ്ജിബി 2019-20 സീരീസ് IV: കാലാവധിക്ക് മുൻപേ പണം പിൻവലിക്കാൻ അവസരം; നിക്ഷേപകർ ശ്രദ്ധിക്കേണ്ട കാര്യങ്ങൾ
നിഫ്റ്റി ഓട്ടോയിൽ വൻ കുതിപ്പ്; ഓണം സീസണിൽ ഈ ഓഹരികൾ ശ്രദ്ധിക്കണോ?
ബെംഗളൂരുവിൽ തരിശുഭൂമി വൃത്തിയാക്കാൻ ഇന്ന് അവസാന അവസരം; അനാസ്ഥ കാണിച്ചാൽ ലക്ഷങ്ങൾ പിഴ!
നിഫ്റ്റി ഓട്ടോയിൽ വൻ ചാഞ്ചാട്ടം: ഓഹരി വിപണിയിലെ ഈ മാറ്റങ്ങൾ നിക്ഷേപകർ ശ്രദ്ധിക്കണം
പ്രമോദിനി മെഡികെയർ എൻഎസ്ഇയിൽ: മൈക്രോക്യാപ് ഓഹരികളിൽ വൻ കുതിപ്പിന് വഴിയൊരുങ്ങുമോ?
ദുബായിൽ സ്വർണ്ണവില കുതിക്കുന്നുവോ? ഇന്നത്തെ 22K, 24K നിരക്കുകൾ ഇങ്ങനെ
ഏഥർ എനർജി എജിഎം ഇന്ന്: ഇവി ഓഹരികളിൽ വൻ കുതിച്ചുചാട്ടമുണ്ടാകുമോ?
Sign in with Google