സ്ഥിര നിക്ഷേപങ്ങൾക്ക് ഉയർന്ന പലിശ നിരക്ക്; ഈ ബാങ്കുകളുടെ സ്‌പെഷ്യൽ എഫ്ഡി സ്കീമുകൾ അറിയാം

ഓഹരി വിപണിയിലെ ചാഞ്ചാട്ടം, നിക്ഷേപകരെ സുരക്ഷിതമായ നിക്ഷേപ ഓപ്ഷനുകൾ തിരയുന്നതിലേക്ക് ഇടയാക്കിയിട്ടുണ്ട്. നിക്ഷേപകരെ ആകർഷിക്കാനായി ചില ബാങ്കുകൾ സ്ഥിര നിക്ഷേപങ്ങൾക്ക് ഉയർന്ന പലിശ നിരക്ക് വാഗ്‌ദാനം ചെയ്യുന്നുണ്ട്. എന്നാൽ ഈ ഓഫർ പരിമിത കാലത്തേക്കാണ്. സുരക്ഷിത സ്ഥിര നിക്ഷേപത്തിലൂടെ നല്ല വരുമാനം നേടാൻ ആഗ്രഹിക്കുന്ന നിക്ഷേപകർക്ക് ഇതൊരു മികച്ച അവസരമാണ്.

പഞ്ചാബ് ആൻഡ് സിന്ദ് ബാങ്കും ഐഡിബിഐ ബാങ്കും നിക്ഷേപകരെ ആകർഷിക്കാനായി സ്‌പെഷ്യൽ സ്ഥിര നിക്ഷേപ പദ്ധതികൾ ഓഫർ ചെയ്യുന്നുണ്ട്. അതിൽ നിക്ഷേപകർക്ക് 8.10 ശതമാനം പലിശ നൽകുന്നു. ഈ ഫിക്സഡ് ഡെപ്പോസിറ്റ് സ്കീമുകളുടെ പലിശ നിരക്ക് മുൻകൂട്ടി നിശ്ചയിച്ചിട്ടുള്ളതിനാൽ നിക്ഷേപകരുടെ പണം പൂർണ്ണമായും സുരക്ഷിതമായിരിക്കും. 2024 ഡിസംബർ 31 വരെയാണ് ഈ എഫ്ഡി സ്കീമുകളുടെ കാലാവധി. അതിനാൽ, ഈ എഫ്ഡി സ്കീൽ നിക്ഷേപിച്ച് ഉയർന്ന റിട്ടേൺ നേടാൻ ആഗ്രഹിക്കുന്നവർ എത്രയും വേഗം നിക്ഷേപിക്കുക.

ഐഡിബിഐ ബാങ്ക് സ്‌പെഷ്യൽ എഫ്ഡി

ഐഡിബിഐ ബാങ്ക് ഉത്സവ് എഫ്ഡി സ്കീമിന് കീഴിൽ, ഒരാൾക്ക് 300 ദിവസം, 375 ദിവസം, 444 ദിവസം, 700 ദിവസം എന്നിങ്ങനെ നിക്ഷേപിക്കാം. നിക്ഷേപിക്കുന്നതിനുള്ള അവസാന തീയതി 2024 ഡിസംബർ 31 ആണ്. ഈ സ്കീമിന്റെ പ്രയോജനം നേടാൻ ഈ തീയതിക്ക് മുമ്പ് നിക്ഷേപം നടത്തണം.

പലിശ നിരക്ക്

ഐഡിബിഐ ബാങ്ക് സാധാരണ പൗരന്മാർക്ക് 300 ദിവസത്തെ എഫ്ഡിയിൽ 7.05% പലിശ വാഗ്‌ദാനം ചെയ്യുന്നുണ്ട്. അതേസമയം, 375 ദിവസത്തെ എഫ്‌ഡിയിൽ 7.25 ശതമാനവും, 444 ദിവസത്തേക്കും 700 ദിവസത്തേക്കും യഥാക്രമം 7.35%, 7.20 ​ശതമാനവും പലിശ നിരക്കുകൾ നൽകുന്നു. ഓരോ എഫ്‌ഡി സ്കീമിനും സാധാരണ പൗരന്മാരേക്കാൾ 0.5 ശതമാനം കൂടുതൽ പലിശ മുതിർന്ന പൗരന്മാർക്ക് ബാങ്ക് നൽകുന്നുണ്ട്.

പഞ്ചാബ് ആൻഡ് സിന്ദ് ബാങ്ക് എഫ്ഡി പലിശ നിരക്ക്

പഞ്ചാബ് ആൻഡ് സിന്ദ് ബാങ്ക് വിവിധ കാലയളവുകളിലായി നിരവധി പ്രത്യേക എഫ്ഡികൾ ഉപഭോക്താക്കൾക്കായി നൽകുന്നുണ്ട്. നിക്ഷേപിക്കുന്നതിനുള്ള അവസാന തീയതി 2024 ഡിസംബർ 31 ആണ്. 222 ദിവസത്തിനുള്ളിൽ കാലാവധി പൂർത്തിയാകുന്ന പ്രത്യേക എഫ്ഡികളിൽ 6.30% പലിശ നൽകുന്നു. 333 ദിവസത്തേക്ക് ഇത് 7.20% പലിശ നിരക്ക് നൽകുന്നു. 444 ദിവസത്തിനുള്ളിൽ കാലാവധി പൂർത്തിയാകുന്ന എഫ്ഡികൾക്ക് 7.30% പലിശയും 555 ദിവസത്തെ സ്ഥിര നിക്ഷേപങ്ങളിൽ 7.45% പലിശയും ബാങ്ക് നൽകുന്നുണ്ട്. ഇതുകൂടാതെ, 777 ദിവസത്തെ പ്രത്യേക എഫ്ഡികളിൽ, ഉപഭോക്താക്കൾക്ക് 7.25% പലിശനിരക്കും 999 ദിവസത്തെ നിക്ഷേപങ്ങൾക്ക് 6.65% പലിശനിരക്കും , ബാങ്ക് വാഗ്‌ദാനം ചെയ്യുന്നു.

സൂപ്പർ സീനിയർ സിറ്റിസൺസിന് 8.10% വരെ പലിശ ലഭിക്കും. 180 ദിവസമോ അതിൽ കൂടുതലോ കാലാവധിയുള്ള എഫ്ഡികൾക്ക് സിന്ദ് ബാങ്ക് 4% മുതൽ 7.95% വരെ പലിശ നൽകുന്നു. അതേസമയം, 555 ദിവസ കാലയളവിലെ സ്ഥിര നിക്ഷേപങ്ങൾക്ക് സൂപ്പർ സീനിയർ പൗരന്മാർക്ക് 8.10% പലിശ ബാങ്ക് നൽകുന്നുണ്ട്.

അറിയിപ്പ്: മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.