ഹോം ലോൺ പലിശ കുറഞ്ഞേ... പക്ഷെ നിങ്ങൾക്ക് അത് കിട്ടില്ല, ഈ പ്രശ്നം ഇപ്പോൾ തന്നെ പരിഹരിച്ചോളൂ

വായ്പകളുടെ പലിശ നിരക്ക് വലിയ രീതിയിലാണ് ഇന്ത്യയിലെ ജനങ്ങളെ ബാധിക്കുന്നത്. അതുകൊണ്ട് തന്നെ അത് കുറഞ്ഞു കിട്ടുക എന്നാൽ വലിയ ആശ്വാസമാണ് സാധാരണക്കാർക്ക് ഉണ്ടാകാറുള്ളത്.
റിസർവ് ബാങ്ക് ഓഫ് ഇന്ത്യ റിപ്പോ റേറ്റ് കുറച്ചതിനെ തുടർന്ന് നിരവധി പൊതു മേഖലാ ബാങ്കുകളും ഭവന വായ്പാ പലിശ കുറച്ചിരുന്നു. പുതിയ പലിശ നിരക്കുകൾ പ്രകാരം, ചില ബാങ്കുകൾ 8.1% മുതൽ റിപ്പോ റേറ്റ്-ലിങ്ക് ചെയ്ത ഭവന വായ്പകൾ നൽകുന്നുണ്ട്. അടുത്തിടെ, സ്വകാര്യ മേഖലാ ബാങ്കുകളും ഈ പലിശക്കുറവ് ഉപഭോക്താക്കൾക്ക് കൈമാറുമെന്ന പ്രതീക്ഷയുണ്ട്.

ഇതൊരു ആശ്വാസ വാർത്തയാണെങ്കിലും ഈ കുറവ് എല്ലാവർക്കും ഒരുപോലെ ബാധകമല്ല എന്നതാണ് സങ്കടകരം. സിബിൽ സ്കോർ എന്ന ക്രെഡിറ്റ് റേറ്റിംഗിന്റെ അടിസ്ഥാനത്തിലാണ് ബാങ്കുകൾ പലിശ നിരക്ക് നിശ്ചയിക്കുന്നത്. അതിനാൽ, സിബിൽ സ്കോർ ഉയർന്നവർക്ക് മാത്രമേ ഏറ്റവും കുറഞ്ഞ പലിശ നിരക്കിൽ ഭവന വായ്പ അന്നും ഇന്നും ലഭിക്കുകയുള്ളൂ എന്നതാണ് യാഥാർഥ്യം.

എന്താണ് സിബിൽ സ്കോർ?

സിബിൽ സ്കോർ ഒരു വ്യക്തിയുടെ വായ്പാ ചരിത്രം, ക്രെഡിറ്റ് കാർഡ് ഉപയോഗം, കുടിശ്ശികകളുടെ നില എന്നിവയുടെ അടിസ്ഥാനത്തിൽ കണക്കാക്കുന്ന 3-അക്ക സംഖ്യയാണ്. 750-800 സിബിൽ മാർക്ക് സ്കോർ മികച്ചതായാണ് കണക്കാക്കുന്നത്. 800-ൽ മുകളിൽ സ്കോർ ഉള്ളവർക്ക് ഏറ്റവും കുറഞ്ഞ പലിശ നിരക്കിൽ വായ്പ ലഭിക്കും. 750-ൽ താഴെ സ്കോർ ഉള്ളവർക്ക് കൂടുതൽ പലിശ നിരക്കിലാണ് വായ്പ ലഭിക്കുക.

സിബിൽ സ്കോർ ഭവന വായ്പയെ എങ്ങനെ ബാധിക്കുന്നു?

സിബിൽ സ്കോർ കുറയുമ്പോൾ ഭവന വായ്പയുടെ പലിശ നിരക്കും ഇ എം ഐയും വർദ്ധിക്കും.

ഉദാഹരണം:

800-ൽ മുകളിൽ സിബിൽ സ്കോർ ഉള്ളവർക്ക് 8.1% പോലുള്ള കുറവായ പലിശ നിരക്കിൽ വായ്പ ലഭിക്കും. സ്കോർ കുറഞ്ഞാൽ പലിശ നിരക്ക് ഉയരും, അതിനാൽ ഇ എം ഐയും മൊത്തം തിരിച്ചടക്കേണ്ട തുകയും വർദ്ധിക്കും.

ബാങ്കുകൾ എന്താണ് ഓഫർ ചെയ്യുന്നത്?

*ബാങ്ക് ഓഫ് മഹാരാഷ്ട്ര

a) ഭവന വായ്പയുടെ പൊതു പലിശ നിരക്ക് - 8.1%

b) കുറഞ്ഞ പലിശ നിരക്ക് ലഭിക്കാൻ 800-ന് മുകളിൽ സിബിൽ സ്കോർ ആവശ്യമാണ്.

*യൂണിയൻ ബാങ്ക് ഓഫ് ഇന്ത്യ

a) 8.1% പലിശ നിരക്കിൽ ഭവന വായ്പ ലഭിക്കും.

b) സിബിൽ സ്കോർ കുറഞ്ഞാൽ കൂടുതൽ പലിശ നിരക്കിൽ വായ്പ നൽകും.

സിബിൽ സ്കോർ മെച്ചപ്പെടുത്താനുള്ള വഴികൾ

1. ഇ എം ഐ, ക്രെഡിറ്റ് കാർഡ് അടവുകൾ കൃത്യമായി അടയ്ക്കുക.

2. അനാവശ്യമായ പുതിയ വായ്പാ അപേക്ഷകൾ ഒഴിവാക്കുക.

3. ക്രെഡിറ്റ് റിപ്പോർട്ട് സ്ഥിരമായി പരിശോധിക്കുക.

4. ക്രെഡിറ്റ് ഉപയോഗം 20%-നകത്തു നിലനിർത്തുക.

5. വായ്പാ കാലതാമസങ്ങൾ ഒഴിവാക്കുകയും തിയതിയ്ക്ക് മുൻപായി അടയ്ക്കുകയും ചെയ്യുക.

സിബിൽ സ്കോർ ഉയർന്നവർക്ക് കുറഞ്ഞ പലിശ നിരക്കിൽ ഭവന വായ്പ ലഭിക്കും. സ്കോർ കുറഞ്ഞാൽ പലിശ നിരക്കും ഇ എം ഐയും ഉയരും.
ഭവന വായ്പ എടുക്കാൻ ആലോചിക്കുന്നവർ സിബിൽ സ്കോർ മെച്ചപ്പെടുത്താൻ ശ്രദ്ധിക്കണം.
നിങ്ങളുടെ സിബിൽ സ്കോർ ചെക് ചെയ്ത് നോക്കുക, മെച്ചപ്പെടുത്താൻ വേണ്ട നടപടികൾ സ്വീകരിക്കുക, അപ്പോൾ കുറഞ്ഞ പലിശ നിരക്കിൽ ഭവനം എന്ന സ്വപ്‌നം നിങ്ങൾക്ക് സാക്ഷാത്കരിക്കാൻ സാധിക്കും.