Monthly SIP: എല്ലാമാസവും 5000 രൂപ നിക്ഷേപിക്കാമോ..? എളുപ്പത്തിൽ 95 ലക്ഷം രൂപ സമ്പാദിക്കാം, വിശദമായി വായിക്കൂ

'എത്ര നേരത്തെ നിക്ഷേപം ആരംഭിക്കുന്നോ, അത്രയും കൂടുതൽ സമ്പാദിക്കാം' എന്നതാണ് നിക്ഷേപത്തിന്‍റെ സൂത്രവാക്യം. 5000 രൂപ നിക്ഷേപത്തിലൂടെ 95 ലക്ഷം രൂപവരെ നിങ്ങൾക്ക് സമ്പാദിക്കാം. പക്ഷെ അതിന് കൃത്യമായ നിക്ഷേപ പദ്ധതിയും ആസൂത്രണവും അത്യാവശ്യമാണ്. നിങ്ങൾ ചെറുപ്പമാണെങ്കിൽ, നിങ്ങൾക്ക് സമയമുണ്ടെങ്കിൽ, മ്യൂച്വൽ ഫണ്ടുകളിലെ എസ്ഐപി നിക്ഷേപത്തിലൂടെ ഭാവിയിലേക്കായി ലക്ഷങ്ങൾ സമ്പാദിക്കാൻ സാധിക്കും.

കോമ്പൗണ്ടിംഗിന്‍റെ ശക്തി

ഓഹരി വിപണിയിലൂടെ സമ്പത്ത് കെട്ടിപ്പടുക്കുന്നതിനുള്ള ഒരു ജനപ്രിയ മാർഗമാണ് മ്യൂച്വൽ ഫണ്ട് സിസ്റ്റമാറ്റിക് ഇൻവെസ്റ്റ്‌മെന്റ് പ്ലാനുകൾ. ഒരു മ്യൂച്വൽ ഫണ്ട് സ്കീമിലേക്ക് നിക്ഷേപകൻ ഒരു നിശ്ചിത തുക കൃത്യമായ ഇടവേളകളിൽ (പ്രതിമാസം, ത്രൈമാസം പോലെ) നിക്ഷേപം നടത്തുന്ന ഒരു രീതിയാണിത്. ഇത് ദീർഘകാലയളവിൽ സമ്പത്ത് സൃഷ്ടിക്കാനും വിപണിയിലെ ചാഞ്ചാട്ടങ്ങൾക്കിടയിലും അച്ചടക്കത്തോടെ നിക്ഷേപം തുടരാനും സഹായിക്കുന്നു. കോമ്പൗണ്ടിംഗ് അഥവാ കൂട്ടുപലിശയിലൂടെയാണ് എസ്ഐപി നിങ്ങളുടെ സമ്പാദ്യം വളർത്തുന്നത്. അതുവഴി ചെറിയ നിക്ഷേപത്തിലൂടെ ഉയർന്ന സമ്പാദ്യം ഉണ്ടാക്കാം. അതുകൊണ്ടാണ് മ്യൂച്വൽ ഫണ്ട് എസ്ഐപികളിൽ നിന്നുള്ള പരമാവധി വരുമാനം ലഭിക്കുന്നതിന് ദീർഘകാലത്തേക്ക് നിക്ഷേപം തുടരാൻ സാമ്പത്തിക വിദഗ്ധർ ശുപാർശ ചെയ്യുന്നത്.

5000 രൂപ, 95 ലക്ഷം സമ്പാദ്യം

പ്രതിമാസം 5000 രൂപ എസ്ഐപി വഴി മ്യൂച്വൽ ഫണ്ടിൽ നിക്ഷേപിക്കുമ്പോൾ എത്രകാലം കൊണ്ട് 95 ലക്ഷം രൂപ സമ്പാദിക്കാമെന്ന് നമുക്ക് കണക്ക് കൂട്ടാം. ഈ കണക്കിൽ നമ്മൾ പ്രതീക്ഷിക്കുന്ന റിട്ടേൺ 12 ശതമാനം ആണ്.

എസ്ഐപി തുക: പ്രതിമാസം 5,000 രൂപ

നിക്ഷേപ കാലാവധി: 25 വർഷം

പ്രതീക്ഷിക്കുന്ന റിട്ടേൺ നിരക്ക്: 12%

നിക്ഷേപിച്ച തുക: 15,00,000 രൂപ

പ്രതീക്ഷിക്കുന്ന വരുമാനം: 79,88,175 രൂപ.

ആകെ സമ്പാദ്യം: 94,88,175 രൂപ

85 ശതമാനവും പലിശയിലൂടെ

മുകളിലുള്ള കണക്ക് പരിശോധിച്ചാൽ നിങ്ങൾക്ക് ഒരുകാര്യം മനസിലാകും. 95 ലക്ഷം രൂപയിൽ വെറും 15 ശതമാനം മാത്രമാണ് നിങ്ങൾ നിക്ഷേപിച്ച തുക. ബാങ്കി 85 ശതമാനവും പലിശയിലൂടെയാണ് ലഭിക്കുന്നത്. ഇതിനർത്ഥം ദീർഘകാലാടിസ്ഥാനത്തിൽ സമ്പത്ത് സൃഷ്ടിക്കുന്നതിൽ കോമ്പൗണ്ടിംഗിന്റെ ശക്തി ഒരു പ്രധാന പങ്ക് വഹിക്കുന്നു എന്നാണ്. പ്രതിമാസം 5,000 രൂപ എസ്‌ഐ‌പി തുക ഉപയോഗിച്ച് ഒരാൾക്ക് ഏകദേശം 95 ലക്ഷം രൂപയുടെ കോർപ്പസ് സ്ഥിരമായി സൃഷ്ടിക്കാൻ കഴിയും. വ്യക്തമായി പറഞ്ഞാൽ, ഈ കോർപ്പസ് മൂല്യം പണപ്പെരുപ്പം, നികുതി തുടങ്ങിയ ഘടകങ്ങൾ കണക്കിലെടുക്കുന്നില്ല.

സ്റ്റെപ്പ്-അപ്പ് എസ്ഐപി

നിങ്ങളുടെ സാമ്പത്തിക ലക്ഷ്യങ്ങൾ വേഗത്തിൽ കൈവരിക്കുന്നതിന് 'സ്റ്റെപ്പ്-അപ്പ്' എസ്ഐപി വേണമെങ്കിൽ സ്വീകരിക്കാം. എല്ലാവർഷവും നിശ്ചിത ശതമാനം നിക്ഷേപ തുക വർദ്ധിപ്പിക്കുന്നതാണ് സ്റ്റെപ്പ്-അപ്പ് എസ്ഐപി. നിങ്ങളുടെ നിക്ഷേപം ക്രമേണ വർദ്ധിപ്പിക്കുന്നതിലൂടെ, വരുമാന വളർച്ചയ്ക്കും പണപ്പെരുപ്പത്തിനും അനുസൃതമായി നിങ്ങളുടെ നിക്ഷേപങ്ങളെ അതേ വേഗതയിൽ നിലനിർത്തുന്നു. ഈ മെച്ചപ്പെടുത്തിയ സംഭാവന കോമ്പൗണ്ടിംഗിന്റെ ശക്തി കൂടുതൽ ഫലപ്രദമായി പ്രവർത്തിക്കാൻ അനുവദിക്കുന്നു.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.