സാമ്പത്തികമായി ഇന്ത്യൻ സ്ത്രീകൾ ഉയരാത്തതിന്റെ കാരണം അറിയാമോ? ഇത് തിരുത്തണം: എങ്കിലേ രക്ഷപെടൂ

ആധുനിക ലോകത്ത് സാമ്പത്തിക സ്വാതന്ത്ര്യം അത്യാവശ്യമാണ്. എന്നാൽ, ഇന്ത്യയിലെ പല സ്ത്രീകളും നിക്ഷേപത്തിൽ ആത്മവിശ്വാസം കാണിക്കാറില്ല. വരുമാനം സമ്പാദിച്ചിട്ടും സാമ്പത്തിക നിക്ഷേപങ്ങളോട് അകലം പാലിക്കുന്നത്‌ കൊണ്ട്, വലിയ വളർച്ചയൊന്നും അവരുടെ ജീവിതത്തിൽ ഉണ്ടാവാറില്ല.

നിക്ഷേപങ്ങളിലേക്ക് ഇറങ്ങിച്ചെല്ലാനുള്ള ഇന്ത്യൻ സ്ത്രീകളുടെ പ്രധാന പ്രശ്നങ്ങളിൽ ഒന്ന് ഭയം തന്നെയാണ്. അതായത് റിസ്ക് എടുത്ത് നിക്ഷേപിക്കാൻ മാത്രമുള്ള ഒരു വരുമാനം അവരുടെ കയ്യിൽ ഇല്ലാത്തത് തന്നെയാണ് കാരണം.
മറ്റൊന്ന് സാമ്പ്രദായികമായ ചിന്താരീതിയാണ്, അതായത് നിക്ഷേപങ്ങളെല്ലാം തെറ്റാണെന്നും പറ്റിക്കപ്പെടുമെന്നും എല്ലാമുള്ള മിഥ്യാധാരണ, എന്നാൽ ചിലർക്ക് ആകട്ടെ അറിവില്ലായ്മ തന്നെയാണ് ഏറ്റവും പ്രധാന പ്രശ്നമായി വരുന്നത്.

സ്ത്രീകളുടെ നിക്ഷേപ ഭീതിയുടെ പ്രധാന കാരണങ്ങൾ നോക്കാം

1. സാമ്പത്തികമായി അറിവില്ലായ്മ

പല സ്ത്രീകളും നിക്ഷേപലോകം വളരെ സങ്കീർണ്ണമാണ്, അതിൽ തങ്ങൾക്കൊന്നും കൈകൊള്ളാൻ കഴിയില്ല എന്ന തെറ്റിദ്ധാരണയിലാണ്. പാരമ്പര്യപരമായി സാമ്പത്തിക കാര്യങ്ങൾ പുരുഷന്മാരുടെ നിയന്ത്രണത്തിൽ ആയിരുന്നു. അതുകൊണ്ടുതന്നെ, സ്വതന്ത്രമായി നിക്ഷേപ തീരുമാനങ്ങൾ എടുക്കാൻ സ്ത്രീകൾ ഭയക്കുന്നു.

2. പണം നഷ്ടപ്പെടുമോ എന്ന പേടി

സ്ത്രീകൾ പൊതുവേ സാമ്പത്തിക സുരക്ഷയ്ക്ക് മുൻഗണന നൽകുന്നു. എന്നാൽ, ഈ മുൻകരുതൽ നിലപാട് വളർച്ചാ സാധ്യതകൾ നഷ്ടപ്പെടുന്നതിലേക്ക് നയിക്കുന്നു. സ്റ്റോക്ക് മാർക്കറ്റ്, മ്യൂച്വൽ ഫണ്ടുകൾ, മറ്റ് നിക്ഷേപ ഉപാധികൾ എന്നിവയുടെ സാധ്യതകൾ അവർ ഉപയോഗപ്പെടുത്താറില്ല.

3. സാമ്പത്തിക മുന്നേറ്റണ്ടാക്കുന്ന പദങ്ങളോടുള്ള പേടി

"ഇക്വിറ്റി," "മ്യൂച്വൽ ഫണ്ടുകൾ," "കോമ്പൗണ്ടിംഗ്," "ഡൈവേഴ്സിഫിക്കേഷൻ" എന്നിവ പോലെ ധനകാര്യ ലോകത്ത് ഉപയോഗിക്കുന്ന പല പദങ്ങളും ഭയപ്പെടുത്തുന്നതാണെന്ന തോന്നലാണ് പല സ്ത്രീകളിലും കാണപ്പെടുന്നത്.

4. വലിയ തുക നിക്ഷേപിക്കണമെന്ന തെറ്റിദ്ധാരണ

വലിയ തുകയല്ലാതെ നിക്ഷേപം ആരംഭിക്കാൻ കഴിയില്ല എന്നൊരു തെറ്റായ ധാരണ ചില സ്ത്രീകളിൽ ഉണ്ടാകാം. ചെറുതായെങ്കിലും സ്ഥിരമായി നിക്ഷേപിച്ചാൽ ഭാവിയിൽ വലിയ സമ്പത്ത് സൃഷ്ടിക്കാൻ കഴിയുമെന്ന് പലർക്കും അറിയില്ല.

നിക്ഷേപ ഭീതികൾ മറികടക്കുന്നതിനുള്ള വഴികൾ

1. ചെറുതായി ആരംഭിക്കുക

ചെറിയ തുകയുമായി നിക്ഷേപം ആരംഭിക്കുന്നത് ആത്മവിശ്വാസം ഉണ്ടാക്കും. തുടക്കക്കാർക്ക് അനുയോജ്യമായ ചില മികച്ച ഓപ്ഷനുകൾ:

*എസ് ഐ പി (സിസ്റ്റമാറ്റിക് ഇൻവെസ്റ്റ്മെന്റ് പ്ലാൻ) - പ്രതിമാസം 500 രൂപ മുതലായെങ്കിലും മ്യൂച്വൽ ഫണ്ടുകളിൽ നിക്ഷേപിക്കാം.

*ഗോൾഡ് ഇ ടി എഫ് അല്ലെങ്കിൽ ഡിജിറ്റൽ ഗോൾഡ് - സ്വർണം സമ്പദ് സമാഹാരത്തിന് മികച്ച ഉപാധിയാണ്. പാരമ്പര്യ സ്വർണ നിക്ഷേപങ്ങൾക്കു പകരം പുതിയ ഡിജിറ്റൽ ഓപ്ഷനുകൾ ശ്രമിക്കാം.

*റിക്കറിംഗ് ഡെപ്പോസിറ് അല്ലെങ്കിൽ ഫിക്സിഡ് ഡെപ്പോസിറ്- സുരക്ഷിതമായ നിക്ഷേപവും സ്ഥിരമായ വരുമാനവും നൽകുന്ന മികച്ച മാർഗങ്ങളാണ്.

2. സാമ്പത്തിക അറിവ് വർദ്ധിപ്പിക്കുക

ഭയം ഇല്ലാതാക്കാൻ ഏറ്റവും നല്ല മാർഗം അറിവ് ആണ്. സ്ത്രീകൾ ധനകാര്യവത്കരണത്തെ കുറിച്ച് പഠിക്കാനും പുസ്തകങ്ങൾ വായിക്കാനും ഓൺലൈൻ കോഴ്സുകൾ ചെയ്യാനും ശ്രദ്ധിക്കണം. കുടുംബ ബജറ്റ് മാനേജ്മെന്റിന്റെ അടിസ്ഥാനത്തിൽ നിക്ഷേപലോകത്തെ പഠിക്കാൻ കഴിയും.

3. കുടുംബ സാമ്പത്തിക ആസൂത്രണത്തിൽ സജീവമായി പങ്കെടുക്കുക

സാമ്പത്തിക തീരുമാനങ്ങളിൽ സ്ത്രീകളുടെ പങ്കാളിത്തം നിർബന്ധമാക്കണം. കുടുംബത്തിൽ സ്വത്തുവകുപ്പ്, ബജറ്റിംഗ്, നിക്ഷേപം എന്നിവയെക്കുറിച്ച് ചർച്ച ചെയ്യുന്നത് സാമ്പത്തിക ശീലങ്ങൾ മാറ്റാനാകും.

4. തൊഴിലവസരങ്ങൾ ഉപയോഗപ്പെടുത്തുക

വരുമാനം ഉണ്ടാക്കുന്നത് മാത്രമല്ല, അതിനെ കുറിച്ച് അറിയുകയും നിക്ഷേപിക്കാൻ തയ്യാറാകുകയും ചെയ്യുക എന്നതും സമ്പത്തായി മാറും. ഇതിന് ചില പ്രായോഗിക മാർഗങ്ങൾ:

*സ്വന്തം സ്വതന്ത്ര സേവിംഗ്‌സ് അക്കൗണ്ട് ഉണ്ടായിരിക്കണം.

*വരുമാനം, ചെലവുകൾ, ലാഭം എന്നിവ നിരീക്ഷിക്കുക.

*ഇ എൽ എസ് (ഇക്വിറ്റി ലിങ്ക്ഡ് സേവിംഗ്‌സ് സ്കീം), PPF (പബ്ലിക് പ്രൊവിഡന്റ് ഫണ്ട്) പോലുള്ള നികുതി ലാഭ നിക്ഷേപ പദ്ധതികൾ ഉപയോഗപ്പെടുത്തുക.

സാമ്പത്തിക ഭദ്രതയ്ക്കുള്ള ആദ്യ പടി ഇന്ന് തന്നെ എടുക്കൂ

നിക്ഷേപം തുടങ്ങുന്നത് മാത്രം ലക്ഷ്യമിടേണ്ടതല്ല, അത് ധൈര്യവും ആത്മവിശ്വാസവും നൽകുന്ന ഒരു മാർഗവുമാണ്. വീട്ടിൽ സാമ്പത്തിക ബജറ്റ് കൈകാര്യം ചെയ്യാൻ കഴിവുള്ള സ്ത്രീകൾക്ക് നിക്ഷേപലോകത്ത് എത്താൻ കഴിയില്ലെന്ന് പറയാൻ സാധിക്കില്ല. അതിനാൽ, ഇന്ന് തന്നെ ഒരു ചെറിയ നിക്ഷേപം ആരംഭിച്ച് ധൈര്യത്തോടെ മുന്നോട്ടുപോകാം!