ഒരു ബിരിയാണിക്കുള്ള പണം മാറ്റിവെക്കാനുണ്ടോ? എസ്ഐപിയിൽ ഒരു കോടി നേടാം

ദീർഘകാല സമ്പത്ത് വർധിപ്പിക്കുന്നതിനുള്ള മികച്ച ഓപ്ഷനാണ് എസ്ഐപി. പ്രതിമാസം ചെറിയൊരു തുക നിക്ഷേപിക്കുന്നതുപോലും കാലക്രമേണ വിലയ നിക്ഷേപമാക്കി എസ്ഐപി തിരിച്ചുതരും. നിങ്ങളുടെ കൈവശം പ്രതിമാസം 5,000 രൂപ മാത്രമേ നിക്ഷേപിക്കാൻ ഉള്ളൂ എങ്കിൽ, അതായത് ഒറു ദിവസം ഏകദേശം 170 രൂപ എസ്ഐപി നല്ലൊരു ഓപ്ഷനാണ്.

ദീർഘകാല സമ്പത്ത് കെട്ടിപ്പടുക്കുന്നതിനുള്ള ഏറ്റവും ജനപ്രിയ മാർഗമായി എസ്ഐപി മാറിയതോടെ, പല പുതിയ നിക്ഷേപകരും ഈ പണം എങ്ങനെ വിഭജിക്കണം, ഏത് ഫണ്ടുകൾ തിരഞ്ഞെടുക്കണം, ഒരു കോടി രൂപ പോലുള്ള വലിയ ലക്ഷ്യങ്ങളിൽ എത്താൻ എത്ര സമയമെടുക്കും എന്നിവ അറിയാൻ ആഗ്രഹിക്കുന്നുണ്ട്.

മുഴുവൻ തുകയും ഒരു ഫണ്ടിൽ നിക്ഷേപിക്കണോ? വിഭജിക്കണോ? ഇക്വിറ്റി അല്ലെങ്കിൽ ഹൈബ്രിഡ് തിരഞ്ഞെടുക്കണോ? എത്ര റിസ്ക് കൂടുതലാണ്? എന്നിവയൊക്കെ സാധാരണയായി പലരുടെയും മനസിൽ ഉയരുന്ന ചോദ്യങ്ങളാണ്.

എസ്ഐപി അച്ചടക്കത്തോടെ നിക്ഷേപിക്കുമ്പോൾ ചെറിയ, പതിവ് തുകകൾക്ക് അർത്ഥവത്തായ സമ്പത്ത് സൃഷ്ടിക്കാൻ കഴിയുമെന്ന് കാണിക്കുന്നു. ഇന്ന്, മുമ്പെന്നത്തേക്കാളും കൂടുതൽ ആളുകൾ എസ്ഐപി വഴി നിക്ഷേപം നടത്തുന്നുണ്ട്. കഴിഞ്ഞ മൂന്ന് വർഷത്തിനുള്ളിൽ, ഇന്ത്യയിലെ എസ്ഐപി പങ്കാളിത്തം റെക്കോർഡ് നിലവാരത്തിലെത്തിയതായാണ് എഎംഎഫ്ഐയിൽ നിന്നുള്ള ഡാറ്റ കാണിക്കുന്നത്.

2022 സാമ്പത്തിക വർഷത്തിൽ ഇന്ത്യയിൽ 5.2 കോടി എസ്ഐപി അക്കൗണ്ടുകൾ ഉണ്ടായിരുന്നു. 2023 സാമ്പത്തിക വർഷത്തിൽ ഇത് 6.3 കോടിയായി വളർന്നു. 2024 സാമ്പത്തിക വർഷത്തിൽ അക്കൗണ്ടുകൾ 8.4 കോടിയിലെത്തി. അതായത് ഒരു വലിയ കുതിച്ചുചാട്ടം തന്നെ ഉണ്ടായി. 2025 മാർച്ചോടെ ഇന്ത്യയിൽ 8.11 കോടി എസ്ഐപി അക്കൗണ്ടുകളായി. ആ വർഷം മാത്രം 6.80 കോടി പുതിയ അക്കൗണ്ടുകൾ തുറന്നു. 2024 സെപ്റ്റംബറോടെ ഈ സംഖ്യ 9.87 കോടിയിലെത്തി. വിപണിയിലെ അസ്ഥിരതയ്ക്ക് ശേഷവും, 2025 ഒക്ടോബറിൽ ഇപ്പോഴും 9.45 കോടി സജീവ എസ്ഐപി അക്കൗണ്ടുകൾ ഉണ്ട്.

5,000 രൂപ എസ്‌ഐപികളായി വിഭജിക്കുന്നതെങ്ങനെ?

ഒരു ചെറിയ പ്രതിമാസ തുക പോലും ഘടനാപരമായ രീതിയിൽ നിക്ഷേപിക്കാൻ കഴിയുമെന്ന് സെബി ആർ‌ഐ‌എയും സഹജ് മണിയുടെ സ്ഥാപകനുമായ അഭിഷേക് കുമാർ പറഞ്ഞു. "എസ്‌ഐ‌പി വഴി പ്രതിമാസം 5,000 രൂപ നിക്ഷേപിക്കാൻ ആഗ്രഹിക്കുന്ന ഒരാൾക്ക്, ഒരു ഇൻഡെക്സ് ഫണ്ടിൽ 3,000 രൂപയും ഒരു ഫ്ലെക്സി-ക്യാപ് ഫണ്ടിൽ 2,000 രൂപയും നിക്ഷേപിക്കുക എന്നതാണ് പ്രായോഗിക സമീപനം. വൈവിധ്യവൽക്കരണത്തിനുള്ള അവസരം നൽകിക്കൊണ്ട് ലളിതമായ ഒരു പോർട്ട്‌ഫോളിയോ കൈകാര്യം ചെയ്യാൻ ഇത് അവരെ സഹായിക്കുന്നു."

ഒരു തുടക്കക്കാരൻ ഏതുതരം ഫണ്ടുകൾ തിരഞ്ഞെടുക്കണം?

"ഇക്വിറ്റിയിൽ പ്രതിമാസ നിക്ഷേപം ആരംഭിക്കാൻ പദ്ധതിയിടുന്ന മിക്ക തുടക്കക്കാർക്കും ഇൻഡെക്സും ഫ്ലെക്സി-ക്യാപ് ഫണ്ടുകളും സംയോജിപ്പിക്കുന്നത് അനുയോജ്യമാകും. ഹൈബ്രിഡ് ഫണ്ടുകളും അനുയോജ്യമായ ഒരു ഓപ്ഷനായിരിക്കും."

ഒരു എസ്ഐപി അല്ലെങ്കിൽ ഒന്നിലധികം എസ്ഐപി തുടങ്ങണോ?

ആദ്യമായി നിക്ഷേപിക്കുന്ന പലരും 5,000 രൂപ മുഴുവൻ ഒരു ഫണ്ടിലേക്ക് നിക്ഷേപിക്കുന്നത് എളുപ്പമാണെന്ന് വിശ്വസിക്കുന്നു, പക്ഷേ വിദഗ്ദ്ധർ അതിനോട് വിയോജിക്കുന്നു. "മുഴുവൻ തുകയും ഒരു ഫണ്ടിൽ നിക്ഷേപിക്കുന്നത് അവരെ അപകടസാധ്യതയിലേക്ക് നയിക്കും. കുറഞ്ഞത് 2 ഫണ്ടുകളിലായി തുക വിഭജിക്കുന്നതാണ് നല്ലത്. ഒരു തുടക്കക്കാരന് 2-ഫണ്ട് മിശ്രിതം അനുയോജ്യമാണ്," അഭിഷേക് പറഞ്ഞു.

5,000 രൂപയുടെ ഒരു എസ്ഐപി നിങ്ങളെ കോടിപതിയാക്കുമോ?

മിക്ക യുവ നിക്ഷേപകരും എസ്ഐപികളിലൂടെ ഒരു കോടി രൂപയിലെത്തുക എന്നതാണ് സ്വപ്നം കാണുന്നത്. 20 വർഷത്തിനുള്ളിൽ ഒരു കോടി ആഗ്രഹിക്കുന്ന ഒരാൾക്ക് 5,000 രൂപ പ്രാരംഭ തുകയും 10% വാർഷിക വർധനവും ഉള്ള ഒരു സ്റ്റെപ്പ്-അപ്പ് എസ്ഐപി തിരഞ്ഞെടുക്കാം. ശരാശരി 12% വരുമാനം ഉണ്ടെങ്കിൽ, സമ്പത്ത് വളരെ വേഗത്തിൽ വളരുന്നു.

ദീർഘകാലത്തേക്ക് നിക്ഷേപം തുടരുകയും വരുമാനത്തിനൊപ്പം എസ്ഐപികൾ പ്രതിവർഷം വർധിപ്പിക്കുകയും ചെയ്യുക എന്നതാണ് പ്രധാനം. ഇതിനർത്ഥം, പ്രതിമാസം 5,000 രൂപ നിക്ഷേപിച്ച് തുടങ്ങുക. ഓരോ വർഷവും നിക്ഷേപ തുകയിൽ 10% വർധനവ് വരുത്തുക. 20 വർഷത്തേക്ക് ഇങ്ങനെ തുടരുക. ഇതിലൂടെ 1 കോടി നേടാനായേക്കും.