ആധാര് കാര്ഡിലെ വ്യക്തിഗത വിവരങ്ങളില് ആധാര് ഉടമയ്ക്ക് തന്നെ മാറ്റങ്ങള് വരുത്താന് സാധിക്കുന്ന സംവിധാനം യുഐഡിഎഐ തങ്ങളുടെ ഔദ്യോഗിക പോര്ട്ടലില് തയ്യാറാക്കിയിട്ടുണ്ട്. ഒരു കുട്ടി ജനിച്ച് 5 വയസ്സ് പൂര്ത്തിയാകുമ്പോള് നിര്ബന്ധമായും ആധാര് എടുക്കേണ്ടതുണ്ട്. ശേഷം 15 വയസ്സ് പൂര്ത്തിയായതിന് ശേഷവും ഒരിക്കല് കൂടി ആധാര് എടുക്കണം.
ഉപയോക്താവിന്റെ പേര്, ജനനത്തീയ്യതി, ലിംഗം, വിലാസം, മൊബൈല് നമ്പര്, ഇ മെയില് വിലാസം ഭാഷ എന്നീ വിവരങ്ങളാണ് ഉപയോക്താവിന് ആധാര് സെല്ഫ് സര്വീസ് പോര്ട്ടലിലൂടെ പുതുക്കുവാന് സാധിക്കുക.
50 രൂപ ചാര്ജ് നല്കിക്കൊണ്ട് മേല്പ്പറഞ്ഞ വിവരങ്ങള് പുതുക്കുവാന് ആധാര് ഉപയോക്താക്കള്ക്ക് സാധിക്കും. ബയോമെട്രിക് വിവരങ്ങള് കൂടി പുതുക്കണമെങ്കില് ചാര്ജ് 100 രൂപയാകും. ബയോ മെട്രിക് വിവരങ്ങള് പുതുക്കുന്നതിനായി പേര്, ജനനത്തീയ്യതി, ലിംഗം, വിലാസം, എന്നിവ തെളിയിക്കുന്ന രേഖകള് ആവശ്യമാണ്.
ക്രിപ്റ്റോ കറന്സികളില് നിന്നും നേട്ടമുണ്ടാക്കിയോ? നികുതി ബാധ്യത എങ്ങനെയാണെന്നറിയാമോ?
ആധാര് ഉപയോക്താക്കള് തിരുത്തലിനായി തിരിച്ചറിയല് രേഖ ഹാജരാക്കേണ്ടതുണ്ട്. പാസ്പോര്ട്ട്, പാന് കാര്ഡ്. റേഷന് കാര്ഡ്, വോട്ടര് ഐഡി, ഡ്രൈവിംഗ് ലൈസന്സ്, തുടങ്ങിയ തിരിച്ചറിയല് രേഖയായി ഉപയോഗിക്കാം.
ജനന സര്ട്ടിഫിക്കറ്റ്, എസ്എസ്എല്സി സര്ട്ടിഫിക്കറ്റ്, പാന് കാര്ഡ്, പാസ്പോര്ട്ട് തുടങ്ങിയവ ജനനത്തീയതി തെളിയിക്കുവാനുള്ള രേഖകളായി ഉപയോഗിക്കാം.
മൊബൈല് വഴി ഒടിടി ഓതന്റിക്കേഷനോ, ഫേസ് ഓതന്റിക്കേഷനോ ഉണ്ടാകും.
പാസ്പോര്ട്ട്, ബാങ്ക് സ്റ്റേറ്റ്മെന്റ്, ബാങ്ക് പാസ്ബുക്ക്, പോസ്റ്റ് ഓഫീസ് അക്കൗണ്ട് സ്റ്റേറ്റ്മെന്റ് അല്ലെങ്കില് പാസ്ബുക്ക്, റേഷന് കാര്ഡ്, വോട്ടര് ഐഡി, ഡ്രൈവിംഗ് ലൈസന്സ്, ഗവണ്മെന്റ് ഫോട്ടോ ഐഡി കാര്ഡുകള്, വാട്ടര് ബില് തുടങ്ങിയവയുടെ സ്കാന് ചെയ്ത പകര്പ്പ് വിലാസം തെളിയിക്കുന്ന രേഖയായി ഉപയോഗിക്കാം.