നഷ്ടപ്പെട്ട ക്രെഡിറ്റ് കാർഡ് മറ്റൊരാൾ ഉപയോ​ഗിച്ചാൽ...; ആർക്കാണ് ഇതിൽ പൂർണ ഉത്തരവാദിത്തം?

നിങ്ങൾ ക്രെഡിറ്റ് കാർഡ് വഴി പർച്ചേസ് ചെയ്യാറുണ്ടോ? സ്ഥിരമായി ക്രെഡിറ്റ് കാർഡ് ഉപയോ​ഗിക്കുന്ന വ്യക്തിയാണോ? എങ്കിൽ ഈ വിവരങ്ങൾ തീർച്ചയായും നിങ്ങൾക്ക് ഉപകാരപ്രദമാവും. ക്രെഡിറ്റ് കാർഡ് ഉപയോ​ഗിക്കുമ്പോൾ നിരവധി ​ആനുകൂല്യങ്ങൾ ഉറപ്പാക്കാം. എന്നാൽ ഇത്തരം ക്രെഡിറ്റ് കാർഡുകൾ നഷ്ടപ്പെട്ടു പോയാൽ നിങ്ങൾ എന്തു ചെയ്യും? ചിന്തിച്ചിട്ടുണ്ടോ. സാധാരണയായി ഡെബിറ്റ്, ക്രെഡിറ്റ് കാർഡുകൾ നഷ്ടപ്പെട്ടാൽ കാർഡ് ലഭിച്ച ബാങ്കുകളിൽ അറിയിക്കേണ്ടതുണ്ട്.

ഏതെങ്കിലും സാഹചര്യത്തിൽ നിങ്ങളുടെ ക്രെഡിറ്റ് കാർഡ് മാറ്റൊരാൾ ദുരുപയോ​ഗം ചെയ്താൽ അത് നിങ്ങളെ ബാധിക്കുമോ? ഇത് ഒരു ആശങ്കയാണ്. കാരണം നമ്മുടെ കൈവശം ഇല്ലാതിരിക്കുമ്പോൾ മറ്റൊരാൾ അതിൽ ഇടപാടുകൾ നടത്തുകയോ മറ്റോ ചെയ്താൽ കാർഡ് ഉടമയ്ക്ക് അതൊരു അധിക ബാധ്യതയാവാൻ സാധ്യതയുണ്ട്. അതായത് ഇത്തരത്തിൽ ഒരു ക്രെഡിറ്റ് കാർഡ് ഉപയോക്താവിന് ഉണ്ടാകുന്ന ബാധ്യത അവർ ക്രെഡിറ്റ് കാർഡ് നഷ്ടപ്പെട്ടതിനെ കുറിച്ച് ബാങ്കിൽ പരാധിപ്പെടുന്ന സമയപരിധിയെ ആശ്രയിച്ച് ഇരിക്കുന്നു.

ആരെയാണ് ബാധിക്കുന്നത്?

ക്രെഡിറ്റ് കാർഡ് നഷ്ടപ്പെടുകയോ മോഷ്ടിക്കപ്പെടുകയോ ചെയ്താൽ അത് ഉടൻ തന്നെ ബാങ്കിനെ അറിയിക്കുക. അതായത് നിങ്ങളുടെ കാർഡ് നഷ്ടമായാൽ നിങ്ങൾക്കാണ് പൂർണ ഉത്തരവാദിത്തം ഉള്ളത്. എന്നാൽ റിസർവ് ബാങ്ക് ഓഫ് ഇന്ത്യ രൂപീകരിച്ച നിയമങ്ങൾക്കനുസൃതമായാണ് അനധികൃത ഇടപാടിൻ്റെ പേരിൽ ഒരാൾക്ക് ഉണ്ടാകേണ്ട ബാധ്യതയുടെ അളവ് നിയന്ത്രിക്കുന്നത്. ക്രെഡിറ്റ് കാർഡ് നഷ്‌ടപ്പെട്ട് 3 ദിവസത്തിനുള്ളിൽ ബാങ്കിനെ അറിയിച്ചാൽ ക്രെഡിറ്റ് കാർഡ് ഉപയോക്താവിന് ഒരു ബാധ്യതയും ഉണ്ടാവില്ലെന്നാണ് ഈ നിയമങ്ങൾ വ്യക്തമാക്കുന്നത്.

കാർഡ് നഷ്ടപ്പെട്ട് 4 മുതൽ 7 ദിവസത്തിനുള്ളിൽ അനധികൃത ഇടപാട് റിപ്പോർട്ട് ചെയ്താൽ, കാർഡ് ഉടമയുടെ പരമാവധി ബാധ്യത ഈ പറയുന്നവയിൽ ഉൾപ്പെടുന്നു.

1. സാധാരണ ക്രെഡിറ്റ് കാർഡുകൾക്ക് 10,000 രൂപ ഈടാക്കുന്നു.

2. പ്ലാറ്റിനം അല്ലെങ്കിൽ സിഗ്നേച്ചർ കാർഡുകൾ പോലുള്ള കൂടുതൽ പ്രീമിയം കാർഡുകൾക്ക് 25,000 രൂപയാവുന്നു.

കാർഡ് നഷ്‌ടപ്പെട്ടതായി റിപ്പോർട്ട് ചെയ്യാതിരുന്നാൽ അനധികൃത ഇടപാടുകൾ നടന്നാലും ക്രെഡിറ്റ് കാർഡ് ഉടമക്കാണ് പൂർണ്ണ ബാധ്യത ഉണ്ടായിരിക്കുക. അതായത് ഏഴ് പ്രവൃത്തി ദിവസത്തിനുള്ളിൽ കാർഡ് നഷ്ടപ്പെട്ടുവെന്നോ മോഷ്ടിക്കപ്പെട്ടുവെന്നോ റിപ്പോർട്ട് ചെയ്യേണ്ടത് അത്യവശ്യമാണ്. ഇങ്ങനെ ചെയ്യാത്തപക്ഷം അനധികൃത ഇടപാടിൻ്റെ മുഴുവൻ തുകയും തിരിച്ചു നൽകാൻ കാർഡ് ഉടമകൾ ബാധ്യസ്ഥരായിരിക്കും.

പ്രശ്നം റിപ്പോർട്ട് ചെയ്യപ്പെടുമ്പോൾ, ഉപഭോക്താവിൻ്റെ അശ്രദ്ധയുടെ ഗുരുത്വാകർഷണം എന്നിവയെ അടിസ്ഥാനമാക്കി ബാധ്യത ഇതിലും കൂടുതലായിരിക്കും. ക്രെഡിറ്റ് കാർഡ് നഷ്‌ടപ്പെട്ടതായി റിപ്പോർട്ട് ചെയ്യുന്നതിന് മുമ്പ് അനധികൃത ഇടപാട് നടന്നാൽ ഈ ബാധ്യത പരിമിതപ്പെടുത്താം. അതായത് കൃത്യസമയത്ത് റിപ്പോർട്ട് നൽകിയതും, കാർഡ് നഷ്‌ടപ്പെടുന്നതുമായി ബന്ധപ്പെട്ട ബാങ്കിന്റെ നയവും ഇതിൽ പ്രധാന ഘടകങ്ങളാണ്.

ഉടൻ പരാതിപ്പെടണം

ക്രെഡിറ്റ് കാർഡ് നഷ്ടപ്പെട്ടാൽ കസ്റ്റമർ കെയർ വഴിയോ അല്ലെങ്കിൽ മൊബൈൽ ആപ്പ്, എസ്.എം.എസ് എന്നീ മാർ​ഗത്തിലൂടെ റിപ്പോർട്ട് ചെയ്യണം. ഓരോ ബാങ്കിനും വ്യത്യസ്ത പോളിസികളാണ് ഉണ്ടായിരിക്കുക. അതിനാൽ നിങ്ങളുടെ ബാങ്കിന്റെ പോളിസിയെ കുറിച്ച് കൃത്യമായി മനസിലാക്കുക. കൂടാതെ, ഓരോ ബാങ്കിനും ക്രെഡിറ്റ് കാർഡ് നഷ്‌ടപ്പെട്ടാൽ ഉണ്ടാകുന്ന ബാധ്യതയുമായി ബന്ധപ്പെട്ട് വ്യത്യസ്ത നയങ്ങൾ ഉണ്ടായിരിക്കാം. അതിനാൽ ഇതുമായി ബന്ധപ്പെട്ട എല്ലാ കാര്യങ്ങളും പരിശോധിക്കുക.

ഇന്ത്യയിൽ ക്രെഡിറ്റ് കാർഡ് ഉപയോ​ഗം ദിനംപ്രതി വർദ്ധിച്ചു കൊണ്ടിരിക്കുകയാണ്. അതിനാൽ ഇത്തരം തട്ടിപ്പുകളും വ്യാപകമായി നടന്നേക്കാം. സംശയകരമായ രീതിയിൽ ഇടപാടുകൾ ശ്രദ്ധയിൽപെട്ടാൽ ഉടൻ തന്നെ ബാങ്കുമായി ബന്ധപ്പെടുക.