'മുന്തിരിച്ചാറ് പോലുള്ള ജീവിതം ആസ്വദിക്കാൻ എടുക്കൂ ഒരു എഫ് ഡി', എങ്ങനെ എളുപ്പത്തിൽ ചേരാം?

സുരക്ഷിതവും ഉറപ്പുള്ള വരുമാന മാർഗം തേടുന്നവർക്ക് ഫിക്സഡ് ഡിപ്പോസിറ്റ് ഒരു മികച്ച ഓപ്ഷനാണ്. വിപണിയിലെ അനിശ്ചിതത്വം ഇല്ലാതെ സ്ഥിരമായ വരുമാനം നൽകുന്ന എഫ് ഡി ലാഭമുണ്ടാക്കാൻ ആഗ്രഹിക്കുന്ന റിസ്ക്-എടുക്കാൻ താല്പര്യം ഇല്ലാത്ത നിക്ഷേപകരുടെ ഇഷ്ടപ്പെട്ട മാർഗമാണ്.

എന്താണ് ഫിക്സഡ് ഡിപ്പോസിറ്റ് ?

ഫിക്സഡ് ഡിപ്പോസിറ്റ് ഒരു നിക്ഷേപ പദ്ധതിയാണ്, ഇതിൽ നിക്ഷേപകർ ഒരു തുക നിശ്ചിത കാലയളവിനായി ബാങ്കിൽ നിക്ഷേപിക്കുന്നു. ഈ കാലയളവിനുള്ളിൽ ബാങ്ക് നിശ്ചിത പലിശനിരക്കിൽ അവരുടെ പണത്തിന് പലിശ നൽകുന്നു.

പ്രധാന തുക: നിങ്ങൾ എത്രയാണ് നിക്ഷേപിക്കാൻ ആഗ്രഹിക്കുന്നത് അത് തന്നെ

പലിശ: നിക്ഷേപത്തിനോടു കൂടിയ വരുമാനം.

കാലയളവ്: നിക്ഷേപിക്കുന്ന സമയപരിധി (7 ദിവസത്തിൽ നിന്ന് 10 വർഷം വരെ).

നിക്ഷേപം പൂർത്തിയാകുമ്പോൾ നിക്ഷേപിച്ച തുകയും ആകെ പലിശയും ലഭിക്കും. ആവശ്യമെങ്കിൽ മാസം, ത്രൈമാസം, പകുതിവർഷം, വർഷം എന്നിവയിൽ പലിശ പിൻവലിക്കാനും സാധിക്കും.

ഫിക്സഡ് ഡിപ്പോസിറ്റ് എങ്ങനെ തുടങ്ങാം?

1. എഫ് ഡി നിരക്കുകൾ പരിശോധിച്ച് താരതമ്യം ചെയ്യുക

ബാങ്കുകൾക്കും ഫിനാൻസ് കമ്പനികൾക്കും വ്യത്യസ്ത പലിശനിരക്കുകൾ ആണ് ലഭ്യമായിരിക്കുക. എൻ ബി എഫ് സികൾ & സ്മാൾ ഫിനാൻസ് ബാങ്കുകൾ സാധാരണ ബാങ്കുകളേക്കാൾ ഉയർന്ന പലിശ നിരക്ക് നൽകാറുണ്ട്. സീനിയർ സിറ്റിസണിന് അധിക പലിശ ലഭിക്കും. എഫ് ഡി നിരക്കുകൾ താരതമ്യം ചെയ്യുകയും ഏറ്റവും ഉയർന്ന പലിശനിരക്ക് നൽകുന്ന സ്ഥാപനത്തിൽ നിക്ഷേപം നടത്തുകയും ചെയ്യുക.

ഉദാഹരണം:

*സാധാരണ ബാങ്ക് എഫ് ഡി നിരക്ക്: 6% - 7.5%
*എൻ ബി എഫ് സി എഫ് ഡി നിരക്ക്: 7% - 9%
*സീനിയർ സിറ്റിസൺ എഫ് ഡി നിരക്ക്: 7.5% - 9.5%

2. അനുയോജ്യമായ നിക്ഷേപ കാലാവധി തിരഞ്ഞെടുക്കുക

എഫ് ഡി പ്ലാനുകൾ 7 ദിവസത്തിൽ നിന്ന് 10 വർഷം വരെ നീളുന്ന കാലാവധിയിൽ ലഭ്യമാണ്. നിങ്ങളുടെ സാമ്പത്തിക ആവശ്യങ്ങൾ അനുസരിച്ച് ഈ കാലാവധി തിരഞ്ഞെടുക്കുക. കുറഞ്ഞ കാലയളവ് 7 ദിവസം മുതൽ 1 വർഷം വരെയാണ്.

മദ്ധ്യകാല എഫ് ഡികൾ:

1 വർഷം മുതൽ 5 വർഷം വരെ

ദീർഘകാല എഫ്ഡികൾ:

5 വർഷം മുതൽ 10 വർഷം വരെ

അവലോകനം

കുറച്ച് മാസത്തിനുള്ളിൽ തുക ഉപയോഗിക്കേണ്ടതുണ്ടോ? ചെറിയ കാലാവധിയുള്ള എഫ് ഡി തിരഞ്ഞെടുക്കുക. ഭാവിയിൽ വലിയ തുക ആവശ്യമാണ്? എങ്കിൽ ദീർഘകാല എഫ് ഡിയാണ് അനുയോജ്യം.

3. പലിശ നൽകൽ രീതി തിരഞ്ഞെടുക്കുക

നിങ്ങൾക്ക് പലിശ എപ്പോൾ വേണമെന്നതനുസരിച്ച് വിവിധ ഓപ്ഷനുകൾ ഉണ്ട്:

മാസം തോറുമുള്ള പലിശ: മാസവരുമാനം ആവശ്യമുള്ളവർക്ക്.

മൂന്ന് മാസം കൂടുമ്പോൾ പലിശ:

3 മാസം കൂടുമ്പോൾ പലിശ ലഭിക്കുന്നു.

അർദ്ധവാർഷിക:

6 മാസം കൂടുമ്പോൾ പലിശ ലഭിക്കുന്നു.

വാർഷിക:

വർഷത്തിൽ ഒരിക്കൽ പലിശ ലഭിക്കുന്നു.

റീ ഇൻവെസ്റ്റ്മെന്റ് എഫ് ഡി:

പലിശ വീണ്ടും എഫ് ഡിയിലേക്ക് നിക്ഷേപിച്ച് തന്നെ നിക്ഷേപിച്ച് വലിയ തുക നേടാം.ഈ ഓപ്ഷൻ അടിയന്തിര ആവശ്യങ്ങൾ ഇല്ലാത്തവർക്ക് അനുയോജ്യമാണ്.

4. നിക്ഷേപ രീതി തിരഞ്ഞെടുക്കുക

നിങ്ങൾക്ക് ഇഷ്ടാനുസാരമുള്ള നിക്ഷേപ രീതി തിരഞ്ഞെടുക്കാം.

ഓൺലൈൻ നിക്ഷേപം:

നിങ്ങളുടെ ബാങ്ക് അക്കൗണ്ടിൽ നിന്ന് നേരിട്ട് എഫ് ഡി ആരംഭിക്കാം.

ഓഫ്‌ലൈൻ നിക്ഷേപം:

ബാങ്ക് ശാഖ സന്ദർശിച്ച് എഫ് ഡി ആരംഭിക്കാം.

ഓൺലൈൻ എഫ് ഡികൾക്ക് കൂടുതൽ സൗകര്യങ്ങൾ ലഭ്യമാണ്. ദ്രുതനിക്ഷേപം, ഓട്ടോ-റിന്യൂവൽ, മുതലായവ ഇതിന് ലഭിക്കും.

ഫിക്സഡ് ഡിപ്പോസിറ്റിന്റെ പ്രയോജനങ്ങൾ

1. സുരക്ഷിത നിക്ഷേപം:

സർക്കാർ നിയന്ത്രിത സ്ഥാപനങ്ങൾ എഫ് ഡി നിക്ഷേപങ്ങൾക്ക് 100% സുരക്ഷ ഉറപ്പാക്കുന്നു.

2. ഗ്യാരണ്ടീഡ് വരുമാനം:

നിശ്ചിത പലിശ നിരക്ക് ലഭിക്കുന്നതിനാൽ വിപണിയിലെ മാറ്റങ്ങൾ ബാധിക്കില്ല.

3. വിരമിച്ചവർക്ക് അനുയോജ്യം:

സീനിയർ സിറ്റിസൺസിന് കൂടുതൽ പലിശ നേടാം.

4. ട്രാൻസ്‌പറൻസി:

നിക്ഷേപത്തിന് മുമ്പ് പലിശ നിരക്കും മെച്ചൂരിറ്റി തുകയും വ്യക്തമായി അറിയാം.

5. ലോൺ സൗകര്യം:

എഫ് ഡിയുടെ മുകളിൽ ലോൺ സൗകര്യം ലഭ്യമാണ്.

ഫിക്സഡ് ഡിപ്പോസിറ്റ് ഒരു ചെറിയ നിക്ഷേപം മുതൽ വലിയ നിക്ഷേപം വരെയും സുരക്ഷിതമായ വരുമാനം നൽകുന്ന ഒരു മികച്ച ഓപ്ഷനാണ്. നിരക്കുകൾ താരതമ്യം ചെയ്യുക, അനുയോജ്യമായ കാലാവധി തിരഞ്ഞെടുക്കുക, നിങ്ങളുടെ ആവശ്യമനുസരിച്ച് പലിശ അടയ്ക്കൽ രീതി തിരഞ്ഞെടുക്കുക, ഇങ്ങനെ പൂർണ്ണവിവരം അറിഞ്ഞ് നിക്ഷേപിക്കുക. സുരക്ഷയും സ്ഥിരതയും ആഗ്രഹിക്കുന്നവർക്ക് ഫിക്സഡ് ഡിപ്പോസിറ്റ് ഒരു നല്ല സാമ്പത്തിക ഉപാധിയാണ്.