ഇന്‍വസ്റ്റ്‌മെന്റ് ടിപ്‌സ്; ഏത് രീതിയില്‍ നിക്ഷേപം നടത്തിയാല്‍ പരമാവധി ആദായം സ്വന്തമാക്കാം

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

പലപ്പോഴും നിക്ഷേപത്തില്‍ നിന്നും ആഗ്രഹിച്ച രീതിയില്‍ ആദായം സ്വന്തമാക്കുവാന്‍ കഴിയാത്തത് നിക്ഷേപകരെ നിരാശയിലാക്കാറുണ്ട്. നിങ്ങള്‍ക്കും ഇത്തരത്തിലുള്ള പ്രയാസനങ്ങള്‍ ഉണ്ടോ? എങ്ങനെയാണ് പരമാവധി ആദായം നിക്ഷേപത്തില്‍ നിന്നും സ്വന്തമാക്കുവാന്‍ സാധിക്കുക എന്ന് നമുക്ക് നോക്കാം. ജീവിതത്തില്‍ റിട്ടയര്‍മെന്റ് ആസൂത്രണത്തിന് വലിയ പ്രാധാന്യമാണുള്ളത്. 60 വയസ്സിന് ശേഷം സാമ്പത്തിക ആശങ്കകള്‍ ഒന്നുമില്ലാതെ സമാധാനത്തോടെയും സന്തോഷത്തോടെയും കഴിയുവാന്‍ റിട്ടയര്‍മെന്റ് ആസൂത്രണം അനിവാര്യമാണ്.

 

റിട്ടയര്‍മെന്റ് ആസൂത്രണം

റിട്ടയര്‍മെന്റ് ആസൂത്രണം

വാര്‍ധക്യകാലത്ത് ആവശ്യമായി ചികിത്സാ ചിലവുകള്‍ക്കും മറ്റുമായുള്ള തുക നേരത്തേ തന്നെ കരുതി വയ്‌ക്കേണ്ടതുണ്ട്. പണപ്പെരുപ്പത്തെ മറികടക്കുവാന്‍, പെട്ടെന്നുളള മറ്റു ചിലവുകള്‍ തുടങ്ങിയ കാര്യങ്ങളൊക്കെ പ്രയാസങ്ങളില്ലാതെ നടക്കുവാന്‍ റിട്ടയര്‍മെന്റ് ആസൂത്രണം സഹായിക്കും. റിട്ടയര്‍ ചെയ്തതിന് ശേഷം ആശങ്കയില്ലാതെ ജീവിക്കുന്നതിനായി നിങ്ങള്‍ക്ക് എത്ര തുക ആവശ്യമാണ് എന്ന് കണ്ടെത്തുകയാണ് റിട്ടയര്‍മെന്റ് ആസൂത്രണത്തിലെ ആദ്യ പടി. ഇതിലൂടെ ആ തുക സ്വരൂപിക്കുന്നതിനായി ഓരോ മാസവും എത്ര തുക വീതം നിങ്ങള്‍ മാറ്റിവയ്‌ക്കേണ്ടതുണ്ടെന്ന് അറിയുവാന്‍ സാധിക്കും. ഏതെങ്കിലപം റിട്ടയര്‍മെന്റ് പ്ലാനിംഗ് കാല്‍ക്കുലേറ്ററിന്റെ സഹായം ഇതിനായി നിങ്ങള്‍ക്ക് തേടാവുന്നതാണ്.

Also Read : മ്യൂച്വല്‍ഫണ്ട് നിക്ഷേപങ്ങളില്‍ ഈ പിഴവുകള്‍ ഒഴിവാക്കാം

പണപ്പെരുപ്പം

പണപ്പെരുപ്പം

പണപ്പെരുപ്പം കണക്കിലെടുക്കാതെ റിട്ടയര്‍മെന്റ് കാലത്തെ ചിലവുകള്‍ കണക്കാക്കുന്നതും നിങ്ങളെ പ്രയാസത്തിലാക്കുവാന്‍ സാധ്യതയുണ്ട്. നിങ്ങള്‍ സ്വരൂപിച്ച തുക നിങ്ങളുടെ ചിലവുകള്‍ക്ക് മതിയാകാത്ത സാഹചര്യത്തിലേക്ക് അത് നിങ്ങളെ നയിച്ചേക്കാം. അതിനാല്‍ പണപ്പെരുപ്പത്തെ മറികടക്കുവാന്‍ സാധിക്കുന്ന നിക്ഷേപോപാധികളില്‍ നിക്ഷേപം നടത്തുവാനാണ് ഏവരും ശ്രമിക്കേണ്ടത്. ഇതിനായി നിങ്ങള്‍ക്ക് ഇക്വിറ്റി മ്യൂച്വല്‍ ഫണ്ടുകളുടെ സഹായം തേടാം. നിലവില്‍ നിങ്ങള്‍ക്ക് മാസം 50,000 രൂപയാണ് ചിലവെങ്കില്‍ 25 വര്‍ഷങ്ങള്‍ക്ക് ശേഷം 8 ശതമാനം പണപ്പെരുപ്പ നിരക്കില്‍ ഇതേ ചിലവ് മാസം 3.5 ലക്ഷം രൂപയായി ഉയരും.

പോര്‍ട്ട്‌ഫോളിയോ വൈവിധ്യവത്ക്കരിക്കുക

പോര്‍ട്ട്‌ഫോളിയോ വൈവിധ്യവത്ക്കരിക്കുക

റിട്ടയര്‍മെന്റ് ആസൂത്രണത്തിലെ ഏറ്റവും പ്രധാനപ്പെട്ട ഒരു കാര്യം പോര്‍ട്ട്‌ഫോളിയോ വൈവിധ്യവത്ക്കരിക്കുക എന്നതാണ്. നിങ്ങള്‍ 35ാം വയസ്സില്‍ റിട്ടയര്‍മെന്റ് ആസൂത്രണം ആരംഭിച്ചാല്‍ സമ്പാദ്യത്തിന്റെ 50 ശതമാനം റിട്ടയര്‍മെന്റ് കാലത്തെ ഫണ്ടിനായി മാറ്റിവയ്ക്കാം. ഇക്വിറ്റി, പിപിഎഫ്. മ്യൂച്വല്‍ ഫണ്ട് തുടങ്ങിയ നിക്ഷേപ മാര്‍ഗങ്ങള്‍ നിങ്ങള്‍ക്ക് തെരഞ്ഞെടുക്കാവുന്നതാണ്. ഈ നിക്ഷേപ ഉത്പ്പന്നങ്ങള്‍ പണപ്പെരുപ്പത്തെ മറി കടക്കുകയും ദീര്‍ഘകാല നിക്ഷേപത്തിലൂടെ നിങ്ങള്‍ക്ക് ഉയര്‍ന്ന ആദായം നല്‍കുകയും ചെയ്യും. നിങ്ങള്‍ 25ാം വയസ്സിലാണ് റിട്ടയര്‍മെന്റ് പ്ലാനിംഗ് ആരംഭിക്കുന്നത് എങ്കില്‍ നിങ്ങള്‍ക്ക് മുന്നില്‍ 35 വര്‍ഷങ്ങള്‍ റിട്ടയര്‍മെന്റിനായി ബാക്കിയുണ്ട്. റിട്ടയര്‍ ആകുമ്പോള്‍ 4 കോടി രൂപ കൈയ്യിലുണ്ടാകണമെങ്കില്‍ നിങ്ങള്‍ ഓരോ മാസവും 4000-4500 രൂപ വീതം മ്യൂച്വല്‍ ഫണ്ടുകളില്‍ നിക്ഷേപം നടത്തിയാല്‍ മതി.

ഡെബ്റ്റ് ഫണ്ടുകളില്‍ നിക്ഷേപം

ഡെബ്റ്റ് ഫണ്ടുകളില്‍ നിക്ഷേപം

ഡെബ്റ്റ് ഫണ്ടുകളില്‍ നിക്ഷേപം നടത്തുന്നത് സുരക്ഷിതമാണ്. എന്നാല്‍ അവ പണപ്പെരുപ്പത്തെ മറികടക്കുവാന്‍ തക്ക ആദായം നല്‍കുകയില്ല. ഉയരുന്ന പണപ്പെരുപ്പം, താഴേക്ക് പോകുന്ന പലിശ നിരക്കും മികച്ച ഒരു പ്രതിമാസ വരുമാനം നേടുന്നത് പ്രയാസമാക്കിക്കൊണ്ടിരിക്കുകയാണ്. അതിനാല്‍ റിട്ടയര്‍മെന്റ് ഫണ്ടിനായി മാറ്റി വയ്ക്കുന്ന തുക ഡെബ്റ്റിനൊപ്പം ഇക്വിറ്റിയിലും നിക്ഷേപിക്കുക. ദീര്‍ഘകാല നിക്ഷേപങ്ങളില്‍ ഇക്വിറ്റി മികച്ച ആദായമാണ് നിക്ഷേപകര്‍ക്ക് വാഗ്ദാനം ചെയ്യുന്നത്.

Also Read : 10,000 രൂപ എസ്‌ഐപി നിക്ഷേപത്തിലൂടെ നേടാം 50 ലക്ഷം

ആരോഗ്യ ഇന്‍ഷുറന്‍സ്

ആരോഗ്യ ഇന്‍ഷുറന്‍സ്

റിട്ടയര്‍മെന്റിന് ശേഷമുള്ള സാമ്പത്തിക റിസ്‌കുകള്‍ കുറയ്ക്കുന്നതിനായി നിര്‍ബന്ധമായും ആരോഗ്യ ഇന്‍ഷുറന്‍സ് എടുത്തിരിക്കണം. പ്രായം കൂടുന്നതിനുസരിച്ച് പ്രയാസങ്ങളും വര്‍ധിക്കും. ചികിത്സാ ചിലവുകള്‍ അതിവേഗത്തിലാണ് ഉയരുന്നത്. നിങ്ങള്‍ കഷ്ടപ്പെട്ട് സമ്പാദിച്ച തുക മുഴുവന്‍ ഇല്ലാതാക്കാന്‍ അവയ്ക്ക് സാധിക്കും. ഇത് ഒഴിവാക്കുവാനാണ് ആരോഗ്യ ഇന്‍ഷുറന്‍സ് പരിരക്ഷ നിര്‍ബന്ധമാക്കണമെന്ന് പറയുന്നത്. ഇത് ഭാവിയില്‍ നിങ്ങള്‍ക്ക് ഏറെ സഹായാകമാകും.

Read more about: investment
English summary

how to make the best returns out of your investments? here is some tips

how to make the best returns out of your investments? here is some tips
Story first published: Tuesday, October 12, 2021, 11:46 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X