Just In
-
-
-
-
Don't Miss
-
IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ് -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
പ്രമേഹ രോഗി, ഇന്സുലിന് ആവശ്യപ്പെട്ടിട്ടും നല്കിയില്ല; കെജ്രിവാളിനെ കൊല്ലാന് ഗൂഢാലോചനയെന്ന് എഎപി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
റിട്ടയര്‍മെന്റിന് ശേഷമുള്ള വരുമാനവും ചിലവുകളും തമ്മിലുള്ള പൊരുത്തക്കേടുകള്‍ കാരണം പലരും റിട്ടയര്‍മെന്റ് കാലത്ത് സാമ്പത്തിക ഞെരുക്കം അനുഭവിക്കാറുണ്ട്. ചിലപ്പോള്‍ അവരുടെ റിട്ടയര്‍മെന്റ് സേവിംഗ്‌സ് എന്നത് റിട്ടയര്‍മെന്റിന് ശേഷമുള്ള ചിലവുകള്‍ക്ക് ആവശ്യമായ തുക ഉത്പാദിപ്പിക്കുവാന്‍ പര്യാപ്തമല്ലായിരിക്കാം.
റിട്ടയര്‍മെന്റ് കാലത്ത് വരാന്‍ സാധ്യതയുള്ള വലിയ പ്രതിസന്ധികള്‍ എന്നത് കുടുംബത്തില്‍ അപ്രതീക്ഷിതമായുണ്ടാകുന്ന ഗുരുതരമായ അസുഖങ്ങള്‍, ഉയരുന്ന പണപ്പെരുപ്പം, ഓഹരി വിപണിയിലെ പെട്ടെന്നുള്ള ഇടിവ് തുടങ്ങിയവയാണ്. എന്നാല്‍ റിട്ടയര്‍മെന്റ് കാലത്ത് വരാനിടയുള്ള ഈ പ്രതിസന്ധികളെയെല്ലാം കൃത്യമായി ആസൂത്രണത്തിലൂടെ മറികടക്കുവാന്‍ നമുക്ക് സാധിക്കും. ആശങ്കകളില്ലാത്ത റിട്ടയര്‍മെന്റ് കാലത്തിനായി നാം എന്തൊക്കെ ചെയ്യണമെന്ന് നമുക്ക് നോക്കാം
നിങ്ങളുടെ റിട്ടയര്‍മെന്റ് പ്രായം 60 വയസ്സാണെങ്കില്‍ 55ാം വയസ്സില്‍ തന്നെ നിങ്ങള്‍ നിങ്ങളുടെ റിട്ടയര്‍മെന്റിനായുള്ള സാമ്പത്തിക തയ്യാറെടുപ്പ് വിലയിരുത്തേണ്ടതുണ്ട്. നിങ്ങളുടെ റിട്ടയര്‍മെന്റ് ജീവിതത്തിന്റെ ബഡ്ജറ്റ് തയ്യാറാക്കിക്കൊണ്ട് നമുക്കിത് മനസ്സിലാക്കാവുന്നതാണ്. റിട്ടയര്‍മെന്റിന് മുമ്പ് തന്നെ കുറച്ചു മാസങ്ങള്‍ ആ ബഡ്ജറ്റ് പിന്തുടരുവാനും നിങ്ങള്‍ ശ്രമിക്കേണ്ടതുണ്ട്. എന്തെങ്കിലും തിരുത്തലോ മാറ്റങ്ങളോ ആവശ്യമാണെങ്കില്‍ ഈ ഘട്ടത്തില്‍ നിങ്ങള്‍ക്കത്് ചെയ്യാവുന്നതാണ്. ഇതുവഴി റിട്ടയര്‍മെന്റ് കാലത്ത് നിങ്ങള്‍ക്ക് ലഭിക്കുന്ന വരുമാനം നിങ്ങളുടെ ചിലവുകള്‍ക്ക് മതിയാകുമോ എന്ന് വ്യക്തമാകും.
പണപ്പെരുപ്പമാണ് ഏറ്റവും വലിയ വില്ലന്‍. പലരും ഇത് കണക്കിലെടുക്കാതെയാണ് റിട്ടയര്‍മെന്റ് സമ്പാദ്യങ്ങള്‍ ആസൂത്രണം ചെയ്യുന്നത്. മിക്കവരും സ്ഥിരമായ പലിശ നിരക്ക് ലഭിക്കുന്ന പദ്ധതികളെയാണ് റിട്ടയര്‍മെന്റ് സമ്പാദ്യത്തിനായി ആശ്രയിക്കുന്നത്. അതിലൂടെ ലഭിക്കുന്ന അവരുടെ വരുമാനം സ്ഥിരമായിരിക്കുമ്പോഴും 25 വര്‍ഷത്തോളം നീളാവുന്ന അവരുടെ ദീര്‍ഘമേറിയ റിട്ടയര്‍മെന്റ് ജീവിതത്തിലെ ചിലവുകള്‍ ദിനംപ്രതിയെന്നോണം ഉയര്‍ന്നു കൊണ്ടിരിക്കുകയാണ്. പണപ്പെരുപ്പത്തെ മറികടക്കുന്നതിനായി നിങ്ങളുടെ റിട്ടയര്‍മെന്റ് നിക്ഷേപത്തിന്റെ 15 മുതല്‍ 30 ശതമാനം വരെ വ്യത്യസ്തമായ ലാര്‍ജ് ക്യാപ്പ് ഇക്വിറ്റി ഫണ്ടുകളില്‍ നിക്ഷേപിക്കണമെന്ന് സാമ്പത്തിക ആസൂതരണ വിദഗ്ധര്‍ പറയുന്നു. 5 മുതല്‍ 7 വര്‍ഷം വരെയുള്ള ദീര്‍ഘകാല നിക്ഷേപമാണ് നടത്തേണ്ടത്. ഇതിനിടയില്‍ ഫണ്ട് പിന്‍വലിക്കാതെ അവയെ വളരാന്‍ അനുവദിക്കണം.
ഇതേ സമയം 5 മുതല്‍ 7 വര്‍ഷം വരെയുള്ള റിട്ടയര്‍മെന്റ് ചിലവുകള്‍ ലിക്വിഡ് ഫണ്ടുകളില്‍ നിക്ഷേപിക്കാം. അതിനാല്‍ അടുത്ത 7 വര്‍ഷത്തേക്ക് ഇക്വിറ്റി മ്യൂച്വല്‍ ഫണ്ടുകളില്‍ നിക്ഷേപിച്ചിരിക്കുന്ന തുകയെ ആശ്രയിക്കാതിരിക്കാം. നിങ്ങള്‍ക്ക് നിലവില്‍ ഒരു പിപിഎഫ് അക്കൗണ്ട് ഉണ്ടെങ്കില്‍ റിട്ടയര്‍മെന്റ് കാലത്ത് അത് നിങ്ങള്‍ക്ക് സഹായകമാകും. പിപിഎഫ് അക്കൗണ്ടിന്റെ കാലാവധി ഉയര്‍ത്തുന്നതും കൃത്യമായി വിനിയോഗിക്കാം.
പെട്ടെന്നുള്ള ചികിത്സാ ചിലവുകള്‍ നിങ്ങളുടെ റിട്ടയര്‍മെന്റ് ഫണ്ടിന്റെ താളം തെറ്റിക്കും. അതിനായാണ് ആരോഗ്യ ഇന്‍ഷുറന്‍സ് വാങ്ങിക്കുന്നത് നിര്‍ബന്ധമാക്കേണ്ടത്. ഒപ്പം റിട്ടയര്‍മെന്റ് കാലമാകുമ്പോഴേക്കും പൂര്‍ണമായും വായ്പാ ബാധ്യതകളില്‍ നിന്ന് ഒഴിഞ്ഞിരിക്കുവാനും ശ്രദ്ധിക്കേണ്ടതുണ്ട്.
