വിരമിക്കുമ്പോൾ 5 കോടി രൂപ കൈയിൽ കരുതാൻ നിങ്ങൾ ഇപ്പോൾ മുതൽ ചെയ്യേണ്ടത് ഇക്കാര്യങ്ങൾ

പല യുവ വരുമാനക്കാരും പ്രത്യേകിച്ച് അവരുടെ ഇരുപതുകളിൽ അല്ലെങ്കിൽ മുപ്പതുകളുടെ തുടക്കത്തിൽ വിരമിക്കൽ ആസൂത്രണത്തെക്കുറിച്ച് കാര്യമായി ചിന്തിക്കാറില്ല. കാരണം ഇപ്പോൾ എന്തിന് വിരമിക്കലിനെക്കുറിത്ത് ചിന്തിക്കണം എന്നാകും പലരും കരുതുക. ഒരു ഉദാഹരണം പറഞ്ഞാൽ, നിങ്ങൾക്ക് 30 വയസും നിങ്ങളുടെ വീട്ടുചെലവ് പ്രതിമാസം 50,000 രൂപയുമാണെങ്കിൽ (പ്രതിവർഷം 6 ലക്ഷം രൂപ), വിരമിക്കുന്ന സമയത്ത് (60 ന്) നിങ്ങൾക്ക് പ്രതിമാസം 2.16 ലക്ഷം രൂപ അല്ലെങ്കിൽ പ്രതിവർഷം 25.93 ലക്ഷം രൂപ ആവശ്യമാണ്.

പണപ്പെരുപ്പം

ഒരേ ജീവിതശൈലി നിലനിർത്തുന്നതിനുള്ള വാർഷിക ചെലവാണിത്. അടുത്ത 30 വർഷത്തിനുള്ളിൽ ശരാശരി 5% പണപ്പെരുപ്പമാണ് ഇവിടെ കണക്കാക്കിയത്. പണപ്പെരുപ്പം 5 ശതമാനത്തിൽ കൂടുതലാണെങ്കിൽ വിരമിക്കുമ്പോൾ ആവശ്യമായ തുക ഇനിയും വർദ്ധിക്കും.

ആസൂത്രണവും നിക്ഷേപവും

റിട്ടയർമെന്റിനുശേഷം ഓരോ വർഷവും നിങ്ങളുടെ സമ്പാദ്യത്തിൽ 25.93 ലക്ഷം രൂപ സമ്പാദിക്കാൻ, നിങ്ങളുടെ റിട്ടയർമെന്റ് കോർപ്പസിന് പ്രതിവർഷം 6% പലിശ ലഭിക്കുമെന്ന് കരുതുന്ന 4.32 കോടി രൂപയുടെ സമ്പാദ്യം ആവശ്യമാണ്. റിട്ടയർമെന്റിലൂടെ ഈ തുക സ്വരൂപിക്കുന്നതിന് നിങ്ങൾക്ക് ശരിയായ ആസൂത്രണവും ശരിയായ നിക്ഷേപവും ആവശ്യമാണ്. അതിനായി നിങ്ങൾ എത്രയും വേഗം നിക്ഷേപം ആരംഭിക്കുന്നതാണ് നല്ലത്.

വിരമിക്കലിനായി എവിടെ നിക്ഷേപിക്കണം

റിട്ടയർമെന്റ് കോർപ്പസിനായി നിക്ഷേപം നടത്തുമ്പോൾ ആളുകൾ പൊതുവെ സുരക്ഷിതമായ നിക്ഷേപങ്ങളാണ് തിരഞ്ഞെടുക്കുക. വിരമിക്കൽ ആസൂത്രണം ദീർഘകാലത്തേക്കാണെന്നതിനാൽ നിക്ഷേപകർക്ക് ഇക്വിറ്റികളിലും മറ്റും നിക്ഷേപം നടത്താവുന്നതാണ്. ലാർജ് ക്യാപ് മ്യൂച്വൽ ഫണ്ടുകൾ, ദീർഘകാലാടിസ്ഥാനത്തിൽ 12% വാർഷിക വരുമാനം നേടാൻ കഴിവുള്ള മൾട്ടികാപ്പ് ഫണ്ടുകൾ തുടങ്ങിയവ ഒരു വലിയ റിട്ടയർമെന്റ് ശേഖരണത്തിന് നിങ്ങളുടെ പോർട്ട്‌ഫോളിയോയിൽ ഉൾപ്പെടുത്താമെന്ന് ധനകാര്യ ആസൂത്രകർ പറയുന്നു.

5 കോടി രൂപ സമാഹരിക്കാൻ നിക്ഷേപിക്കേണ്ടത് എത്ര

എസ്‌ഐ‌പി വഴി പതിവായി മ്യൂച്വൽ ഫണ്ടുകളിലോ എൻ‌പി‌എസിലോ നിക്ഷേപിക്കുന്നതിലൂടെ ഒരാൾക്ക് 5 കോടി രൂപയുടെ റിട്ടയർമെന്റ് കോർപ്പസ് എളുപ്പത്തിൽ ശേഖരിക്കാനാകും. 5 കോടി രൂപയുടെ ഒരു കോർപ്പസ് സൃഷ്ടിക്കാൻ നിങ്ങൾ നിക്ഷേപിക്കേണ്ട തുക വിരമിക്കാനുള്ള നിങ്ങളുടെ സമയത്തെയും നിങ്ങൾ തിരഞ്ഞെടുക്കുന്ന നിക്ഷേപ മാർഗത്തെയും ആശ്രയിച്ചിരിക്കും. ഉദാഹരണത്തിന്, നിങ്ങളുടെ ഇപ്പോഴത്തെ പ്രായം 25 വയസ്സ് ആണെങ്കിൽ 55 വയസിൽ വിരമിക്കാൻ നിങ്ങൾ ആഗ്രഹിക്കുന്നുവെങ്കിൽ അടുത്ത 30 വർഷത്തേക്ക് 5 കോടി രൂപ സമാഹരിക്കുന്നതിന് നിങ്ങൾ മാസം 16,229 രൂപ ലാഭിക്കണം.

നിക്ഷേപം ആരംഭിക്കാൻ വൈകിയാൽ

26 വയസിൽ നിക്ഷേപം ആരംഭിക്കുകയാണെങ്കിൽ ആവശ്യമായ തുക 18,252 രൂപയായി ഉയരും. അതുപോലെ, നിങ്ങൾ അഞ്ച് വർഷം കൂടി കാലതാമസം വരുത്തുകയാണെങ്കിൽ, അതേ തുക ശേഖരിക്കുന്നതിന് നിങ്ങൾ എല്ലാ മാസവും 29,374 രൂപ നിക്ഷേപിക്കേണ്ടതുണ്ട്. കുറഞ്ഞ വരുമാനം കാരണം എല്ലാ മാസവും നിങ്ങൾക്ക് മുകളിൽ സൂചിപ്പിച്ച തുക മ്യൂച്വൽ ഫണ്ട് എസ്‌ഐപികളിൽ നിക്ഷേപിക്കാൻ കഴിയില്ലെങ്കിലും നിങ്ങൾക്ക് ഒരു ചെറിയ തുക ഉപയോഗിച്ച് നിക്ഷേപം ആരംഭിക്കാനും ഓരോ വർഷവും ഒരു നിശ്ചിത ശതമാനം നിക്ഷേപം വർദ്ധിപ്പിക്കാനും കഴിയും.