ക്രെഡിറ്റ് കാർഡ് ബില്ല് അടക്കുന്നത് റിവാർഡ് പോയിന്റ് വഴിയാണോ? ഈ ആനുകൂല്യം എങ്ങനെ ഉപയോ​ഗിക്കാം?

ക്രെഡിറ്റ് കാർഡ് ഉപയോ​ഗിക്കാത്തവർ വിരളമാണ്. എല്ലാ തരത്തിലുള്ള പർച്ചേസുകൾക്കും വായ്പ എടുക്കുന്നതിലും ക്രെഡിറ്റ് കാർഡ് ഉപയോ​ഗിക്കുന്നുണ്ട്. ക്രെഡിറ്റ് കാർഡിലൂടെ നടത്തുന്ന പർച്ചേസുകൾക്ക് നിങ്ങൾക്ക് ധാരാളം റിവാർഡ് പോയിന്റുകൾ ലഭിക്കും. പ്രത്യേകിച്ചും പലചരക്ക് , യൂട്ടിലിറ്റി ബില്ലുകൾ, വസ്ത്രം വാങ്ങുന്നത്, റെസ്റ്റോറന്റിൽ ഭക്ഷണം കഴിക്കുന്നതിന്, സൂപ്പർമാർക്കറ്റുകൾ വഴിയുള്ള പർച്ചേസുകൾ തുടങ്ങിയ വിവിധ വിഭാഗങ്ങളിൽ ഈ നേട്ടം ഉറപ്പാക്കാം.

നിരവധി മുൻനിര ബാങ്കുകൾക്ക് സ്വന്തമായി 'സ്മാർട്ട് ബൈ' പോർട്ടലുകൾ ഉണ്ട്. അവ ഇൻസ്റ്റാ വൗച്ചറുകളും റിവാർഡ് പോയിന്റുകൾ റിഡീം ചെയ്യുന്നതിനുള്ള സൗകര്യങ്ങൾ വാഗ്ദാനം ചെയ്യുന്നു. എന്നാൽ ഇൻഡസ്ഇൻഡ് ബാങ്ക്, കൊട്ടക് മഹീന്ദ്ര ബാങ്ക് എന്നിവ മുൻനിര ബാങ്കുകളുമായി സഹകരിച്ച് TWID പേയ്മെൻ്റിലൂടെ റിവാർഡ് അധിഷ്ഠിത പേയ്‌മെന്റുകൾ നടത്താൻ നിങ്ങളെ അനുവദിക്കുന്നു. നിങ്ങളുടെ ക്രെഡിറ്റ് കാർഡ് റിവാർഡ് പോയിന്റുകൾ ഉപയോഗിച്ച് നേരിട്ട് മർച്ചന്റ് പേയ്‌മെന്റുകൾ എങ്ങനെ നടത്താമെന്നതിനെക്കുറിച്ചുള്ള അറിയാ.....

റിവാർഡ് പോയിന്റുകൾ വഴി പണമടയ്ക്കുന്നത് എങ്ങനെ?

നിങ്ങളുടെ ക്രെഡിറ്റ് കാർഡിലെ റിവാർഡ് പോയിന്റുകൾ ഉപയോഗിച്ച് നിങ്ങൾക്ക് മുഴുവൻ ബിൽ തുകയും അടയ്ക്കാം . മർച്ചെൻ്റ് പോർട്ടലിൽ ഒരു പർച്ചേസ് നടത്തുമ്പോൾ, പേയ്‌മെന്റ് ഗേറ്റ്‌വേയിൽ 'റിവാർഡുകൾ ഉപയോഗിച്ച് പണമടയ്ക്കുക' എന്ന ഓപ്ഷൻ തിരഞ്ഞെടുക്കണം. തുടർന്ന് 'സെലക്ട് പോയിന്റുകൾ' എന്ന വിഭാഗത്തിലേക്ക് എത്താം. അവിടെ നിങ്ങളുടെ റിവാർഡ് പോയിന്റുകൾ ഓട്ടോമാറ്രിക്കലി പോപ്പ് അപ്പ് ചെയ്യും.

ലിസ്റ്റിൽ നിന്ന് നിങ്ങൾക്ക് ഏതെങ്കിലും ഒരു റിവാർഡ് തിരഞ്ഞെടുത്ത് ഇടപാട് പൂർത്തിയാക്കാൻ 'പണമടയ്ക്കാൻ തുടരുക' എന്നതിൽ ക്ലിക്ക് ചെയ്യാം. എന്നാൽ പർച്ചേസുകൾക്ക് റിവാർഡ് പോയിന്റുകൾ ഉപയോഗിക്കുന്നതിന് ബാങ്കിൽ രജിസ്റ്റർ ചെയ്തിട്ടുള്ള മൊബൈൽ നമ്പറും മർച്ചെൻ്റും ഒന്നായിരിക്കണം.

ഈ മാർ​ഗത്തിലൂടെ റിവാർഡ് പോയിന്റുകൾ റിഡീം ചെയ്യുന്നതിന് പിൻ നമ്പർ ആവശ്യമില്ല. സാധാരണ ഇടപാടുകൾ പോലെ പർച്ചേസ് നടത്തുമ്പോൾ നിങ്ങളുടെ ക്രെഡിറ്റ് കാർഡ് മെഷീനിൽ സ്വൈപ്പ് ചെയ്ത് പണത്തിന് പകരം റിവാർഡ് പോയിന്റുകൾ റിഡീം ചെയ്യും. ഈ റിവാർഡ് പോയിന്റുകൾ ക്രെഡിറ്റ് കാർഡ് ഉപയോഗിച്ച് ക്യാഷ്ബാക്കായി നിങ്ങൾ നേടുന്ന പോയിന്റുകളുടെ എണ്ണത്തിന് സമാനമായിരിക്കും.

റിവാർഡ് പോയിൻ്റുകൾ സ്വീകരിക്കുന്നവർ...

യാത്ര, സെപ്‌റ്റോ, ബുക്ക്‌മൈഷോ, നെറ്റ്‌മെഡ്‌സ്, മെഡിബഡി, അഭിബസ് തുടങ്ങിയ ഇ-കൊമേഴ്‌സ് പോർട്ടലുകൾ വഴി റിവാർഡ് പോയിന്റുകൾ പേയ്‌മെന്റായി സ്വീകരിക്കും. ഗോദ്‌റെജ് നേച്ചേഴ്‌സ് ബാസ്‌ക്കറ്റ്, ജാക്ക് ആൻഡ് ജോൺസ്, ആർക്കീസ്, ക്ലാർക്‌സ്, ഗ്ലോബസ് സ്റ്റോറുകൾ എന്നിവ നേരിട്ട് ഔട്ട്‌ലെറ്റുകളിലൂടെ നടത്തുന്ന പർച്ചേസുകൾക്ക് റിവാർഡ് പോയിന്റുകൾ സ്വീകരിക്കുന്നു.

ജിയോമാർട്ട്, മൈ ജിയോ, വോഡഫോൺ ഐഡിയ, മക്ഡൊണാൾഡ്സ്, ലൈസിയസ്, ഇക്സിഗോ, മെയ്ക്ക് മൈ ട്രിപ്പ്, മിന്ത്ര എന്നിവയുൾപ്പെടെ ഒരു ലക്ഷത്തിലധികം വ്യാപാരികളാണ് റിവാർഡ് പോയിന്റുകൾ അടിസ്ഥാനമാക്കിയുള്ള പേയ്‌മെന്റുകൾക്കായി TWIDമായി പങ്കാളിത്തത്തിൽ ഏർപ്പെട്ടത്.

റിവാർഡ് പോയിന്റുകൾ വഴി മുഴുവൻ ബിൽ തുകയും അടയ്ക്കാൻ നിങ്ങൾക്ക് കഴിയുമോ?

ഓരോ ബാങ്കിലും വ്യത്യസ്ത രീതിയാണ്. ഉദാഹരണത്തിന്, ബിൽ പേയ്‌മെന്റ് തുകയുടെ 25% വരെയോ നിങ്ങളുടെ റിവാർഡ് പോയിന്റ് ബാലൻസിന്റെ 25% വരെയോ, ഏതാണോ കുറവ് അത് വരെ മാത്രമേ റിവാർഡ് പോയിന്റുകളുടെ പരമാവധി റിഡംപ്ഷൻ നടത്താൻ കഴിയൂ എന്ന് ഇൻഡസ്ഇൻഡ് ബാങ്ക് വ്യക്തമാക്കിയിട്ടുണ്ട്. എന്നാൽ പല ബാങ്കുകളും മുഴുവൻ റിവാർഡ് പോയിന്റുകളും പേയ്‌മെന്റുകൾക്കായി അനുവദിക്കുന്നു.

റിവാർഡ് പോയിന്റുകൾ അടിസ്ഥാനമാക്കിയുള്ള പേയ്‌മെന്റ് സംവിധാനം എത്രത്തോളം മികച്ചതാണ?

ക്രെഡിറ്റ് കാർഡ് ഉപയോക്താക്കൾക്കിടയിൽ ഇത് ജനകീയമാവുന്നു. TWID-യുടെ നെറ്റ്‌വർക്കിലുടനീളം റിവാർഡ് ഉപഭോഗം ഏകദേശം 15% പ്രതിമാസം വർദ്ധിച്ചു. അവശ്യ സാധനങ്ങൾക്കും, ജീവിതശൈലി വാങ്ങലുകൾക്കുമായി ഉപഭോക്താക്കൾ റിവാർഡ് പോയിന്റുകൾ സജീവമായി ഉപയോഗിക്കുന്നു. 90% ഉപയോക്താക്കളും ഓൺലൈൻ ഷോപ്പിംഗിനായി റിവാർഡുകൾ ഉപയോഗിക്കാൻ തിരഞ്ഞെടുക്കുന്നു. കൂടാതെ 66% ഉപഭോക്താക്കളും അവരുടെ പർച്ചേസുകളെ റിവാർഡ് പോയിന്റുകൾ തീരുമാനങ്ങളെ സ്വാധീനിക്കുന്നുവെന്ന് സമ്മതിക്കുന്നു.

അറിയിപ്പ്:
മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.