ഐഡിബിഐ ബാങ്ക് തങ്ങളുടെ സ്ഥിര നിക്ഷേപങ്ങളുടെ മേലുള്ള പലിശ നിരക്ക് പുതുക്കി നിശ്ചയിച്ചു. മാര്ച്ച് 18 മുതല് പുതിയ നിരക്ക് നിലവില് വന്നു കഴിഞ്ഞു. പല കാലവധികളിലുള്ള സ്ഥിര നിക്ഷേപ പദ്ധതികള് തങ്ങളുടെ ഉപഭോക്താക്കള്ക്കായി ഐഡിബിഐ ബാങ്ക് വാഗ്ദാനം ചെയ്യുന്നുണ്ട്.
പുതുക്കിയ നിരക്കുകള് അനുസരിച്ച് 7 ദിവസം മുതല് 20 വര്ം വരെ നീളുന്ന വിവിധ സമയ പരിധികളിലുള്ള നിക്ഷേപങ്ങള്ക്ക് 2.9 ശതമാനം മുതല് 5.1 ശതമാനം വരെയാണ് പലിശ ലഭിക്കുക. മുതിര്ന്ന പൗരന്മാര്ക്ക് പ്രത്യേക പലിശ നിരക്കും ഐഡിബിഐ ബാങ്ക് വാഗാദാനം ചെയ്യുന്നുണ്ട്. നിലവില് 3.4 മുതല് 5.6 ശതമാനം വരെയാണ് മുതിര്ന്ന പൗരന്മാര്ക്ക് സ്ഥിര നിക്ഷേപത്തിന്മേല് ഐഡിബിഐ ബാങ്ക് നല്കുന്ന പലിശ.
7 മുതല് 14 ദിവസം വരെയുള്ള കാലയളവിലും 15 മുതല് 30 ദിവസം വരെയുള്ള കാലയളവിലും നിക്ഷേപിക്കുന്നതിന് 2.9 ശതമാനം പലിശ നിരക്കാണ് ഐഡിബിഐ ബാങ്ക് വാഗ്ദാനം ചെയ്യുന്നത്. 31 മുതല് 45 ദിവസം വരെയുള്ള നിക്ഷേപങ്ങള്ക്ക് 3 ശതമാനം പലിശ ലഭിക്കും.
46 മുതല് 90 ദിവസം വരെയുള്ള നിക്ഷേപങ്ങള്ക്ക് 3.25 ശതമാനവും 91 ദിവസം മുതല് 6 മാസം വരെയുള്ള നിക്ഷേപങ്ങള്ക്ക് 3.6 ശതമാനവുമാണ് പലിശ ലഭിക്കുക. 6 മാസം മുതല് 1 വര്ഷം വരെയുള്ള നിക്ഷേപങ്ങള്ക്ക് ഐഡിബിഐ ബാങ്ക് 4.3 ശതമാനം പലിശ നല്കുന്നു.
ഒരു വര്ഷം മുതല് 10 വര്ഷം വരെ കാലാവധിയുള്ള നിക്ഷേപങ്ങള്ക്ക് 5.1 ശതമാനവും 10 വര്ഷം മുതല് 20 വര്ഷം വരെയുള്ള സ്ഥിര നിക്ഷേപങ്ങള്ക്ക് 4.8 ശതമാനവുമാണ് പലിശ.
5 വര്ഷത്തേക്കുള്ള ടേം ഡെപ്പോസിറ്റിന് 5.1 ശതമാനം പലിശ നിരക്കാണ് ഐഡിബിഐ ബാങ്ക് വാഗ്ദാനം ചെയ്യുന്നത്. ഇത്തരം നിക്ഷേപങ്ങളെ ടാക്സ് സേവിംഗ് സ്ഥിര നിക്ഷേപങ്ങള് എന്നും വിളിക്കപ്പെടുന്നു.
ആക്സിസ് ബാങ്ക് സ്ഥിര നിക്ഷേപ പലിശ നിരക്കുകള് പുതുക്കി - മാറ്റങ്ങള് അറിയാം