'ചെറുകിട സംരംഭകരെ രാജ്യമുണ്ട് കൂടെ', ഈട് കൊടുക്കാതെ വായ്പ കിട്ടും: ഓടി വാ

ഇന്ത്യയിലെ ചെറുകിട സംരംഭകരെ സഹായിക്കാൻ വേണ്ടി 2025 ജനുവരി 29-ന് ആരംഭിച്ച മ്യൂച്വൽ ക്രെഡിറ്റ് ഗ്യാരണ്ടി സ്കീം ഇപ്പോൾ വലിയ രീതിയിൽ പ്രചാരം നേടുകയാണ്. ഇന്ത്യയിലെ മൈക്രോ, ചെറുകിട വ്യവസായ പദ്ധതികൾക്ക് സാമ്പത്തിക പിന്തുണ വർദ്ധിപ്പിക്കാനാണ് ഈ പദ്ധതി ലക്ഷ്യമിടുന്നത്. ₹100 കോടി വരെ രൂപയായിരിക്കും ഈ പദ്ധതി വരെ വായ്പയായി നൽകുക. കഴിഞ്ഞ ബജറ്റിലാണ് ഈ പദ്ധതി സർക്കാർ പ്രഖ്യാപിച്ചത്.

സംരംഭകർക്ക് ആകെ ചിലവിന്റെ 60% പണമാണ് ലഭിക്കുക. അതിലൂടെ ചെറുകിട വ്യവസായങ്ങൾക്ക് വേണ്ട ഉപകരണങ്ങളും യന്ത്രങ്ങളും വാങ്ങാൻ ഈടില്ലാത്ത വായ്പ ലഭിക്കും. നാഷണല്‍ ക്രെഡിറ്റ് ഗ്യാരന്റി ട്രസ്റ്റി കമ്പനിക്കാണ് പദ്ധതിയുടെ നടത്തിപ്പ് ചുമതല.

പദ്ധതിയുടെ പ്രധാന സവിശേഷതകൾ

60% ത്തോളം വായ്പ

സംരംഭകന്റെ മുതൽ മുടക്കിന്റെ 60% സർക്കാർ വായ്പ നൽകും

സുരക്ഷിതത്വം

ഈ പദ്ധതി നാഷണൽ ക്രെഡിറ്റ് ഗ്യാരണ്ടി ട്രസ്റ്റി കമ്പനി ലിമിറ്റഡ് (NCGTC) വഴി നിയന്ത്രിക്കുന്നു.

യോഗ്യതയും അപേക്ഷയും

രജിസ്റ്റർ ചെയ്ത സംരംഭങ്ങൾ, ഷെഡ്യൂൾ ചെയ്ത വാണിജ്യ ബാങ്കുകൾക്കും നോൺ-ബാങ്കിംഗ് ഫിനാൻഷ്യൽ കമ്പനികൾക്കും (NBFCs) വഴി വായ്പകൾക്ക് അപേക്ഷിക്കാം.

വാർഷിക ഗ്യാരണ്ടി ഫീസ്

വായ്പക്കാർ വാർഷിക ഗ്യാരണ്ടി ഫീസ് നൽകേണ്ടതാnണ്

തിരിച്ചടവ് കാലാവധി

വായ്പകൾ എട്ട് വർഷം വരെ തിരിച്ചടവിന് അനുവദനീയമാണ്.

ചെറുകിട മേഖലയിലെ സ്വാധീനം

ഈ പദ്ധതി, പ്രത്യേകിച്ച് ഗ്രാമീണ മേഖലകളിൽ, വായ്പ ലഭ്യതയുടെ പ്രശ്നങ്ങൾ നേരിടുന്ന ചെറിയ സംരംഭങ്ങൾക്ക് ഉപയോഗപ്പെടുത്താവുന്നതാണ്.

സർക്കാരിന്റെ പ്രതിബദ്ധത

MCGS, MSMEs-ന്റെ സാമ്പത്തിക വളർച്ചയെ പ്രോത്സാഹിപ്പിക്കാൻ സർക്കാർ എടുക്കുന്ന ഒരു പ്രധാന നടപടിയാണ് ഈ പദ്ധതി. ചെറിയ സംരംഭങ്ങൾക്കുള്ള പിന്തുണ വർദ്ധിപ്പിച്ച്, ഇന്ത്യയുടെ സാമ്പത്തിക നിലയെ ശക്തിപ്പെടുത്താൻ ഇത് ലക്ഷ്യമിടുന്നു.

മ്യൂച്വൽ ക്രെഡിറ്റ് ഗ്യാരണ്ടി സ്കീം ചെറുകിട വ്യവസായ, കച്ചവട, കാർഷിക മേഖലയെ ഉയർത്താൻ സർക്കാർ സ്വീകരിച്ച ഒരു സ്ട്രാറ്റജിക് നീക്കമാണ്, ഇത് ഈ സംരംഭങ്ങൾ വളരാൻ സഹായിക്കുകയും ഇന്ത്യയുടെ സാമ്പത്തിക രംഗത്ത് വലിയ സംഭാവന നൽകുകയും ചെയ്യുന്നു.