യാത്രക്കാരുടെ ശ്രദ്ധക്ക്! ട്രെയിൻ ടിക്കറ്റ് ബുക്കിം​ഗിൽ വീണ്ടും മാറ്റം, ഒക്ടോബർ 1 മുതൽ പ്രാബല്യത്തിൽ വരും

റിസർവേഷൻ തുടങ്ങി ആദ്യ 15 മിനിറ്റിൽ ഓൺലൈൻ ട്രെയിൻ ടിക്കറ്റ് ബുക്ക് ചെയ്യുമ്പോൾ ഇനിമുതൽ ആധാർ വേണം, ട്രെയിൻ യാത്രക്കാർക്ക് ഇന്ത്യൻ റെയിൽവേയുടെ പുതിയ മാറ്റം. സമീപകാലത്തായി ഐആർസിടിസി നിരവധി മാറ്റങ്ങളാണ് ട്രെയിൻ ടിക്കറ്റ് ബുക്കിം​ഗുമായി ബന്ധപ്പെട്ട് എത്തിയിരിക്കുന്നത്. തത്കാൽ ബുക്കിം​ഗുമായി ബന്ധപ്പെട്ട് വന്ന മാറ്റം വലിയ ചർച്ചാ വിഷയവുമായിരുന്നു. അതിനിടയിലാണ് പുതിയ മാറ്റം കൂടെ എത്തിയിരിക്കുന്നത്.

പുതിയ മാറ്റം അനുസരിച്ച്, 2025 ഒക്ടോബർ 1 മുതൽ റിസർവേഷൻ ആരംഭിച്ച് ആദ്യ 15 മിനിറ്റിനുള്ളിൽ ഐആർസിടിസി വെബ്സൈറ്റ് വഴിയോ ആപ്ലിക്കേഷൻ വഴിയോ ജനറൽ ടിക്കറ്റുകൾ ബുക്ക് ചെയ്യുമ്പോൾ ആധാർ വഴിയുള്ള സ്ഥിരീകരണം നിർബന്ധമാക്കും. അനധികൃതമായി ടിക്കറ്റുകൾ ദുരുപയോഗം ചെയ്യുന്നത് തടയാനും യഥാർത്ഥ യാത്രക്കാർക്ക് ടിക്കറ്റ് ലഭ്യമാക്കാനും ലക്ഷ്യമിട്ടു കൊണ്ടാണ് ഈ പുതിയ നടപടി. റെയിൽവേ മന്ത്രാലയമാണ് പ്രസ്താവനയിലൂടെ ഇക്കാര്യം അറിയിച്ചത്.

ഇന്ത്യൻ റെയിൽവേ കൗണ്ടറുകൾ വഴി ടിക്കറ്റുകൾ ബുക്ക് ചെയ്യുന്നതിനുള്ള നിലവിലെ ഷെഡ്യൂളിന് മാറ്റമില്ല. പക്ഷേ, അംഗീകൃത റെയിൽവേ ടിക്കറ്റിംഗ് ഏജന്റുമാർക്ക് ടിക്കറ്റ് ബുക്ക് ചെയ്യുന്നതിനുള്ള നിയന്ത്രണം തുടരും.

പുതിയ മാറ്റങ്ങൾ ഇവയാണ്:

ജൂലൈ 1 മുതൽ: തത്കാൽ ടിക്കറ്റുകൾ ഓൺലൈനായി ബുക്ക് ചെയ്യുന്നതിന് ആധാർ നിർബന്ധമാക്കിയിരുന്നു.

ഒക്ടോബർ 1 മുതൽ: ജനറൽ ടിക്കറ്റുകൾ ഓൺലൈനായി ബുക്ക് ചെയ്യുമ്പോൾ ആദ്യ 15 മിനിറ്റിനുള്ളിൽ ആധാർ നിർബന്ധമാക്കും.

ഏജന്റുമാർക്കുള്ള നിയന്ത്രണം: തത്കാൽ ടിക്കറ്റുകൾ ബുക്ക് ചെയ്യുന്നതിന് ഏജന്റുമാർക്ക് ആദ്യ 30 മിനിറ്റ് നിയന്ത്രണം തുടരും. ഇതു പ്രകാരം എസി ക്ലാസ്സുകൾ ബുക്ക് ചെയ്യാൻ രാവിലെ 10 മുതൽ 10.30 വരെയും, നോൺ-എസി ക്ലാസ്സുകൾക്ക് രാവിലെ 11 മുതൽ 11.30 വരെയും ഇവർക്ക് നിയന്ത്രണമുണ്ടായിരിക്കും.

കൗണ്ടർ ബുക്കിംഗ്: റെയിൽവേ കൗണ്ടറുകൾ വഴി ടിക്കറ്റുകൾ ബുക്ക് ചെയ്യുന്നതിനുള്ള നിലവിലെ നിയമങ്ങൾക്ക് മാറ്റമില്ല.

ഈ മാറ്റങ്ങൾ ടിക്കറ്റ് ബുക്കിംഗ് കൂടുതൽ സുതാര്യവും കാര്യക്ഷമവുമാക്കുമെന്ന് പ്രതീക്ഷിക്കുന്നു. എന്നാൽ ഈ നിയമങ്ങളെല്ലാം ഓൺലൈൻ ബുക്കിംഗുകൾക്ക് മാത്രമേ ബാധകമാകൂ എന്നും റെയിൽവേ വ്യക്തമാക്കി.

പുതിയ സാങ്കേതിക വിദ്യയിലൂടെ ഇന്ത്യൻ റെയിൽവേ കൂടുതൽ മെച്ചപ്പെടുന്നു

ഇന്ത്യൻ റെയിൽവേയുടെ ഓൺലൈൻ ടിക്കറ്റ് ബുക്കിംഗ് സംവിധാനം കൂടുതൽ മെച്ചപ്പെടുത്തുന്നതിന്റെ ഭാഗമായി പുതിയ മാറ്റങ്ങൾ വരുന്നു. ഓൺലൈൻ ടിക്കറ്റ് ബുക്കിംഗ് കൂടുതൽ കാര്യക്ഷമമാക്കുന്നതിനുള്ള ശ്രമങ്ങളുടെ ഭാഗമായി ആധാർ വെരിഫിക്കേഷൻ നിർബന്ധമാക്കുന്നത് ഒരു പ്രധാന ചുവടുവെപ്പാണ്.

പുതിയ പരിഷ്‌കാരങ്ങളിലൂടെ ഐആർസിടിസി വെബ്സൈറ്റിന്റെ പ്രാധാന്യം വർധിക്കുന്നു. അനധികൃതമായ ടിക്കറ്റ് ബുക്കിംഗ് തടയുന്നതിനും യഥാർത്ഥ യാത്രക്കാർക്ക് ടിക്കറ്റ് ലഭിക്കുന്നുണ്ടെന്ന് ഉറപ്പാക്കുന്നതിനും ഇത് സഹായിക്കും.

വടക്കേ ഇന്ത്യൻ സംസ്ഥാനങ്ങളിൽ ടിക്കറ്റില്ലാതെ സ്ലീപ്പർ, എ.സി. കോച്ചുകളിൽ യാത്ര ചെയ്യുന്നതുമായി ബന്ധപ്പെട്ട് ഇന്ത്യൻ റെയിൽവേ വലിയ വെല്ലുവിളികൾ നേരിടുന്നുണ്ട്. ഈ അനധികൃത യാത്രകൾ ടിക്കറ്റെടുത്ത യാത്രക്കാർക്ക് വലിയ ബുദ്ധിമുട്ടുകളുണ്ടാക്കുന്നു. ഓൺലൈൻ ടിക്കറ്റ് ബുക്കിംഗിലെ ഈ പരിഷ്കരണങ്ങൾ ഇത്തരം പ്രശ്നങ്ങൾക്ക് ഒരു പരിധി വരെ പരിഹാരമുണ്ടാക്കാൻ സഹായിക്കുമെന്ന് പ്രതീക്ഷിക്കാം.

സാങ്കേതിക വിദ്യയുടെ സഹായത്തോടെ റെയിൽവേ യാത്ര കൂടുതൽ സുരക്ഷിതവും സുഗമവുമാക്കാൻ ഈ നടപടികൾ സഹായിച്ചേക്കും. റെയിൽവേയുടെ ഭാവി യാത്രക്കാരെ സംബന്ധിച്ച് ഇത് ഒരു നല്ല സൂചനയാണ്.

അറിയിപ്പ്:

ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.