കുറഞ്ഞ സമയം, കൂടുതൽ ലാഭം; സ്ഥിര നിക്ഷേപത്തിന് മികച്ച പലിശ നൽകുന്ന 15 ബാങ്കുകൾ, നോക്കുന്നോ...?

ഏറ്റവും സുരക്ഷിതമായി സാമ്പത്തിക നിക്ഷേപങ്ങളിലൊന്നാണ് സ്ഥിര നിക്ഷേപം. മികച്ച പലിശ, നിക്ഷേപ സുരക്ഷ തുടങ്ങിയവ മുൻനിർത്തിയാണ് ആളുകൾ സ്ഥിര നിക്ഷേപത്തിന് തയ്യാറാകുന്നത്. അതോടൊപ്പം 7 ദിവസം മുതൽ 10 വർഷം വരെ നീണ്ട് നിൽക്കുന്ന നിക്ഷേപ കാലാവധിയിൽ സ്ഥിര നിക്ഷേപം ലഭ്യമാണ് എന്നതും നിക്ഷേപകർക്ക് കൂടുതൽ വഴക്കം നൽകുന്ന കാര്യമാണ്.

രാജ്യത്തെ നിരവധി ബാങ്കുകൾ സ്ഥിര നിക്ഷേപത്തിന്‍റെ പലിശ നിരക്കിൽ മാറ്റം വരുത്തിയിട്ടുണ്ട്. അതുകൊണ്ടു തന്നെ ഏറ്റവും ഉയർന്ന പലിശ നൽകുന്ന ബാങ്കിൽ തന്നെ സ്ഥിര നിക്ഷേപം നടത്തിയാൽ കൂടുതൽ വരുമാനം കണ്ടെത്താൻ സാധിക്കും. അതോടൊപ്പം മുതിർന്ന പൗരന്മാർക്ക് ബാങ്ക് എഫ്ഡികളിൽ പലിശയിൽ 50 ബേസിസ് പോയിൻ്റുകൾ അധികമായി ലഭിക്കും. അതിനാൽ, നിങ്ങളുടെ വീട്ടിൽ മുതിർന്ന പൗരന്മാരുണ്ടെങ്കിൽ, ഉയർന്ന പലിശനിരക്കിൽ നിന്ന് പ്രയോജനം നേടുന്നതിന് അവരുടെ പേരിൽ സ്ഥിര നിക്ഷേപം നടത്തുന്നത് പരിഗണിക്കാവുന്നതാണ്.

വിവിധ ബാങ്കുകൾ ഏറ്റവും ഉയർന്ന പലിശ നിരക്ക് വാഗ്ധാനം ചെയ്യുന്ന സ്ഥിര നിക്ഷേപ കാലാവധി ഏതാണെന്ന് പരിശോധിക്കാം.

1. ബാങ്ക് ഓഫ് ബറോഡ : 399 ദിവസത്തെ കാലാവധിയുള്ള സ്ഥിര നിക്ഷേപത്തിന് 7.25 ശതമാനം പലിശ ബാങ്ക് നൽകുന്നു.

2. ബാങ്ക് ഓഫ് ഇന്ത്യ : 666 ദിവസത്തെ കാലാവധിയുള്ള സ്ഥിര നിക്ഷേപത്തിന് ബാങ്ക് 7.3 ശതമാനം പലിശ വാഗ്ധാനം ചെയ്യുന്നു.

3. കനാറ ബാങ്ക് : 444 ദിവസത്തെ കാലാവധിയുള്ള നിക്ഷേപത്തിന് 7.25 ശതമാനം പലിശയാണ് ബാങ്ക് നൽകുന്നത്.

4. ഇന്ത്യൻ ബാങ്ക് : 7.25 ശതമാനം പലിശ 400 ദിവസത്തെ കാലാവധിയുള്ള നിക്ഷേപക്കിന് ബാങ്ക് നൽകുന്നു..

5. സ്റ്റേറ്റ് ബാങ്ക് ഓഫ് ഇന്ത്യ : 444 ദിവസത്തെ കാലാവധിയുള്ള നിക്ഷേപത്തിന് എസ്ബിഐ 7.25 ശതമാനം പലിശയാണ് വാഗ്ധാനം ചെയ്യുന്നത്.

6. ബന്ധൻ ബാങ്ക് : 1 വർഷവും 9 മാസവും കാലാവധിയുള്ള സ്ഥിര നിക്ഷേപത്തിന് ബാങ്ക് 8 ശതമാനം പലിശ വാഗ്ധാനം ചെയ്യുന്നു.

7. സിഎസ്ബി ബാങ്ക് : 401 ദിവസത്തെ നിക്ഷേപ കാലാവധിയുള്ള എഫ്ഡിക്ക് ബാങ്ക് 7.75 ശതമാനം പലിശ നൽകുന്നു.

8. ഡിസിബി ബാങ്ക് : 19 മുതൽ 20 മാസം വരെ കാലാവധിയുള്ള സ്ഥിര നിക്ഷേപത്തിന് ബാങ്ക് 8.05 ശതമാനം പലിശ നൽകുന്നുണ്ട്.

9. ഫെഡറൽ ബാങ്ക് : 777 ദിവസം കാലാവധിയുള്ള സ്ഥിര നിക്ഷേപത്തിന് ബാങ്ക് ഏറ്റവും ഉയർന്ന പലിശയായ 7.4 ശതമാനം വാഗ്ധാനം ചെയ്യുന്നു.

10. എച്ച്ഡിഎഫ്സി ബാങ്ക് : 4 വർഷവും 7 മാസത്തേയും കാലാവധിയുള്ള സ്ഥിര നിക്ഷേപത്തിന് ബാങ്ക് 7.4 ശതമാനം പലിശ നൽകുന്നു.

11. ആർബിൽ ബാങ്ക് : 500 ദിസത്തെ കാലാവധിയുള്ള എഫ്ഡിക്ക് ബാങ്ക് 8.1 ശതമാനം പലിശ നൽകുന്നു.

12. യെസ് ബാങ്ക് : 18 മാസത്തെ കാലാവധിയുള്ള നിക്ഷേപത്തിന് ബാങ്ക് 8 ശതമാനം പലിശ നൽകുന്നു.

13. നോർത്ത് ഈസ്റ്റ് സ്മോൾ ഫിനാൻസ് ബാങ്ക് : 546 ദിവസം മുതൽ 1111 ദിവസം വരെ കാലാവധിയുള്ള എഫ്ഡിക്ക് 9 ശതമാനം പലിശയാണ് ബാങ്ക് നൽകുന്നത്.

14. യുനിറ്റി സ്മോൾ ഫിനാൻസ് ബാങ്ക് : 1001 ദിവസത്തെ കാലാവധിയുള്ള സ്ഥിര നിക്ഷേപത്തിന് ബാങ്ക് 9 ശതമാനം പലിശ വാഗ്ധാനം ചെയ്യുന്നു.

15. സൂര്യോദയ് സ്മോൾ ഫിനാൻസ് ബാങ്ക് : 2 വർഷവും 2 ദിവസവും കാലാവധിയുള്ള എഫ്ഡിക്ക് ബാങ്ക് 8.65 ശതമാനം പലിശയാണ് നൽകുന്നത്.