ഈ ബാങ്ക് എഫ്.ഡി പലിശ നിരക്ക് കുറച്ചു; ഇനി മുതൽ 7.75 ശതമാനം, നിങ്ങൾക്കും നിക്ഷേപമുണ്ടോ?

ഇന്ത്യയിലെ ഏറ്റവും മികച്ച പ്രൈവറ്റ് ബാങ്കുകളിൽ ഒന്നാണ് ഇൻഡസ് ഇൻഡ്. ഉപഭോക്താക്കൾക്ക് മികച്ച സേവനം ഉറപ്പു വരുത്തുന്നതിൽ ഇൻഡസ് ഇൻഡ് ബാങ്കുകൾ വഹിക്കുന്ന പങ്ക് ചെറുതല്ല. കോർപ്പറേറ്റ് ബാങ്കിംഗ്, റീട്ടെയിൽ ബാങ്കിംഗ്, ട്രഷറി, ഫോറിൻ എക്സ്ചേഞ്ച്, ഇൻവെസ്റ്റ്മെൻ്റ് ബാങ്കിംഗ്, ക്യാപിറ്റൽ മാർക്കറ്റുകൾ എന്നീ മേഖലകളിലും ഇൻഡസ് ഇൻഡ് പ്രവർത്തിക്കുന്നു.

ആകർഷകമായ എഫ്.ഡി നിരക്കുകൾ നൽകുന്നുണ്ടെങ്കിലും ഈ വർഷം ഒക്ടോബർ മുതൽ സാമ്പത്തിക മേഖലയിലെ ചലനം ഇൻഡസ് ഇൻഡ് ബാങ്കിനേയും നേരിയ തോതിൽ ബാധിച്ചിട്ടുണ്ട്. ഇന്ത്യയിലെ മിക്ക ബാങ്കുകളും അവരുടെ എഫ്.ഡി പലിശ നിരക്കുകൾ പരിഷ്കരിച്ചു. എന്നാൽ പുതിയ മാറ്റങ്ങൾ ഉപഭോക്താക്കൾക്ക് അൽപം നിരാശ നിറഞ്ഞതാണ്. എഫ്.ഡി പലിശ നിരക്കുകളിൽ ചെറിയ മാറ്റങ്ങൾ ഇൻഡസ് ഇൻഡ് ബാങ്കും പ്രഖ്യാപിച്ചു. ഇത് ഈ ബാങ്കിലെ ഉപഭോക്തക്കൾക്ക് വലിയ തിരിച്ചടിയാണ് ഉണ്ടാക്കിയത്.

പലിശ നിരക്കിലെ മാറ്റങ്ങൾ

ഇൻഡസ് ഇൻഡ് ബാങ്കിന്റെ പലിശ നിരക്കിൽ നേരിയ തോതിൽ മാറ്റം ഉണ്ടായിട്ടുണ്ട്. ഇതൊരു ചെറിയ കാര്യമല്ല, നിരവധി ഉപഭോക്താക്കളാണ് ആശങ്കയിലായത്. അതായത് ഇതുവരെ സാധാരണക്കാർക്ക് 3.5 ശതമാനം മുതൽ 7.85 വരെയായിരുന്നു ലഭിച്ചിരുന്നത്. അതുപോലെ മുതിർന്ന പൗരൻമാർക്ക് 4.25 ശതമാനം മുതൽ 8.25 വരെയും എഫ്.ഡി പലിശ നിരക്ക് ലഭിച്ചു.

നിലവിലെ മാറ്റങ്ങളുടെ ഭാ​ഗമായി 3 കോടിയിൽ താഴെയുള്ള എഫ്.ഡികളിൽ ഇൻഡസ് ഇൻ‍ഡ് ബാങ്ക് ഈ പരിഷ്കരണം നടത്തി. സാധാരണ ഉപഭോക്താക്കൾക്ക് 3.50 ശതമാനം മുതൽ പരമാവധി 7.75 ശതമാനം വരെയാണ് പലിശ നിരക്ക്. മുതിർന്ന പൗരന്മാർക്ക് ബാങ്ക് പരമാവധി 8.25 ശതമാനം പലിശയും നൽകുന്നു. അതായത് സാധാരണക്കാരെ അപേക്ഷിച്ച് 0.50 ശതമാനം പലിശ നിരക്ക് കൂടുതൽ മുതിർന്ന പൗരൻമാർക്ക് ലഭിക്കുന്നു. ഈ മാറ്റങ്ങൾ ഒക്ടോബർ 07, 2024 മുതൽ നിലവിൽ വന്നു.

വിവിധ എഫ്.ഡി പലിശ നിരക്ക്

7 മുതൽ 30 ദിവസത്തിനുള്ളിൽ കാലാവധി പൂർത്തിയാകുന്ന എഫ്.ഡി-കളുടെ പലിശ - 3.50%

270 മുതൽ 354 ദിവസങ്ങൾക്കുള്ളിൽ കാലാവധി പൂർത്തിയാകുന്ന എഫ്.ഡി-കളുടെ പലിശ - 6.35%

355 മുതൽ 364 ദിവസങ്ങൾക്കുള്ളിൽ കാലാവധി പൂർത്തിയാകുന്ന എഫ്.ഡി-കളുടെ പലിശ - 6.50%

1 വർഷം മുതൽ 1 വർഷം 3 മാസം വരെയുള്ള എഫ്.ഡി-കളുടെ പലിശ - 7.75%

1 വർഷം 3 മാസം മുതൽ 1 വർഷം 4 മാസം വരെ നീളുന്ന എഫ്.ഡി-കളുടെ പലിശ - 7.75%

3 വർഷം 3 മാസം മുതൽ 61 മാസം വരെയുള്ള എഫ്.ഡി പലിശ നിരക്ക് - 7.25%

5 വർഷത്തിനുള്ളിൽ കാലാവധി പൂർത്തിയാകുന്ന എഫ്.ഡി-കളുടെ പലിശ - 7.25%