Click it and Unblock the Notifications
50,000 രൂപയ്ക്ക് മുകളിലുള്ള ഇടപാടുകള് ഇനി ഇന്റര്നെറ്റ് ബാങ്കിംഗ് പ്ലാറ്റ്ഫോമില് വച്ച് നേരിട്ട് ഉപയോക്താവിന് അനുയോജ്യമായ ഇഎംഐ ഗഡുക്കളാക്കി തുകയെ മാറ്റുവാന് സാധിക്കും.
ഐസിഐസിഐ ഉപഭോക്താക്കള്ക്ക് ഉയര്ന്ന തുകയുടെ ഇടപാടുകള് ഇനി ഇഎംഐ ആയി നല്കാം. 50,000 രൂപയ്ക്ക് മുകളിലുള്ള ഇടപാടുകള് ഇനി ഇന്റര്നെറ്റ് ബാങ്കിംഗ് പ്ലാറ്റ്ഫോമില് വച്ച് നേരിട്ട് ഉപയോക്താവിന് അനുയോജ്യമായ ഇഎംഐ ഗഡുക്കളാക്കി തുകയെ മാറ്റുവാന് സാധിക്കും.
ബാങ്കിംഗ് മേഖലയിലെ ആദ്യ സംവിധാനമാണ് ഇതെന്ന് ബാങ്ക് പത്രക്കുറിപ്പില് അറിയിച്ചു. 5 ലക്ഷം വരെയുള്ള ഇടപാടുകള്ക്കാണ് ഇത് ബാധകമാവുക. ഇതിനായി ഉപയോക്താക്കളില് നിന്നും അധിക ചാര്ജുകള് ബാങ്ക് ഈടാക്കുകയുമില്ല.
പുതിയ സംവിധാനത്തിലൂടെ ഉയര്ന്ന തുകയുടെ ഇടപാടുകള് ഉപയോക്താവിന് ചെറിയ പ്രതിമാസ ഗഡുക്കളാക്കി മാറ്റുവാന് സാധിക്കും.
ഉപഭോക്താവിന് എന്തെങ്കിലും വസ്തുക്കളോ ഉപകരണങ്ങളോ വാങ്ങേണമെങ്കിലോ, ഇന്ഷുറന്സ് പ്രീമിയം അടയ്ക്കുവാനോ, വിദ്യാഭ്യാസ ചിവലുകള് തുടങ്ങി എല്ലാ ചിലവുകളും അവരുടെ സേവിംഗ്സ് അക്കൗണ്ടില് നിന്നും ഇന്റര്നെറ്റ് ബാങ്കിംഗ് സേവനം ഉപയോഗിച്ച് പ്രതിമാസ ഇഎംഐകളാക്കി മാറ്റുവാന് സാധിക്കും. പേയ്മെന്റ് ഗേറ്റ്വേകളായ ബില്ഡെസ്ക്, റാസര്പേ എന്നിവയുമായി കൈകോര്ത്താണ് ബാങ്ക് ഈ സംവിധാനം നടപ്പിലാക്കുന്നത്.
ആദ്യഘട്ടത്തില് ഓണ്ലൈന് ഷോപ്പിംഗ് പോര്ട്ടലുകള്, ഇന്ഷുറന്സ്, യാത്ര, വിദ്യാഭ്യാസം തുടങ്ങി നിരവധി വിഭാഗങ്ങള് സേവനത്തില് ചേര്ത്തിട്ടുണ്ട്. വൈകാതെ തന്നെ കൂടുതല് പേയ്മെന്റ് ഗേറ്റ്വേകളുമായും വ്യാപാര സ്ഥാപനങ്ങളുമായും ചേര്ന്ന് സേവനം കൂടുതല് വികസിപ്പിക്കുമെന്നും ബാങ്ക് വ്യക്തമാക്കി. ഉപഭോക്താവിന് 3,6,9,12 എന്നിങ്ങനെ മാസ ഇഎംഐകളായി തുക നല്കാവുന്നതാണ്.
Sign in with Google