സമ്പാദ്യം വളർത്താൻ സ്ഥിര നിക്ഷേപം, 1 ലക്ഷത്തിന് 21,341 രൂപ പലിശ കിട്ടും, യൂക്കോ ബാങ്കിലേക്ക് ചെന്നാൽ മതി

റിസർവ് ബാങ്ക് ഓഫ് ഇന്ത്യ 2025-ലെ റിപ്പോ നിരക്ക് മൊത്തം 1.25 ശതമാനം കുറച്ചു. ഈ കുറവ് സാധാരണക്കാരുടെ സാമ്പത്തിക ജീവിതത്തെ നേരിട്ട് ബാധിച്ചു. ഭവന വായ്പകൾ, കാർ വായ്പകൾ, വ്യക്തിഗത വായ്പകൾ എന്നിവയുടെ കുറഞ്ഞ പലിശ നിരക്കുകൾ വായ്പക്കാർക്ക് ആശ്വാസം നൽകിയിട്ടുണ്ടെങ്കിലും മുൻ വർഷങ്ങളെ അപേക്ഷിച്ച് സ്ഥിര നിക്ഷേപങ്ങളിൽ (എഫ്‌ഡി) നിക്ഷേപിക്കുന്നവരുടെ വരുമാനം കുറഞ്ഞു. അത്തരമൊരു സമയത്ത്, കുറഞ്ഞ റിസ്കും ന്യായമായ പലിശ നിരക്കും വാഗ്ദാനം ചെയ്യുന്ന സുരക്ഷിത ഓപ്ഷനുകൾക്കായി നിക്ഷേപകർ തിരയുന്നു. അതിനാൽ, യുകോ ബാങ്കിന്റെ എഫ്‌ഡി പദ്ധതി നിക്ഷേപകർക്ക് ഒരു വാഗ്ദാനമായ ഓപ്ഷനായി ഉയർന്നുവന്നിട്ടുണ്ട്.

റിപ്പോ നിരക്ക് കുറച്ചെങ്കിലും, യുക്കോ ബാങ്ക് ഇപ്പോഴും അവരുടെ എഫ്ഡി സ്കീമുകളിൽ മികച്ച വരുമാനം വാഗ്ദാനം ചെയ്യുന്നുണ്ടെന്നത് ശ്രദ്ധിക്കേണ്ടതാണ്. ഒരു പൊതുമേഖലാ ബാങ്കായ ഇത് നിലവിൽ ഉപഭോക്താക്കൾക്ക് 2.90 ശതമാനം മുതൽ 7.95 ശതമാനം വരെ പലിശ നിരക്കുകൾ വാഗ്ദാനം ചെയ്യുന്നു. 1969 ൽ ദേശസാൽക്കരിക്കപ്പെട്ട യുക്കോ ബാങ്ക് ധനകാര്യ മന്ത്രാലയത്തിന് കീഴിൽ സർക്കാർ ഉടമസ്ഥതയിലുള്ള ഒരു സ്ഥാപനമായി തുടരുന്നു. ആഭ്യന്തരമായും അന്തർദേശീയമായും വിപുലമായ ബാങ്കിംഗ്, സാമ്പത്തിക സേവനങ്ങൾ ബാങ്ക് വാഗ്ദാനം ചെയ്യുന്നു.

യൂക്കോ ബാങ്ക് സ്ഥിര നിക്ഷേപം- മികച്ച കാലാവധി ഏത്..?

യൂക്കോ ബാങ്കിന്റെ 444 ദിവസത്തെ പ്രത്യേക എഫ്ഡിയാണ് ഏറ്റവും കൂടുതൽ ചർച്ച ചെയ്യപ്പെടുന്നത്. കാരണം ഇതിൽ സാധാരണ ഉപഭോക്താക്കൾക്ക് ഇതിൽ 6.45 ശതമാനം പലിശ ലഭിക്കും. മുതിർന്ന പൗരന്മാർക്ക് 6.95 ശതമാനം പലിശയും ബാങ്ക് വാഗ്ധാനം ചെയ്യുന്നു. അതോടൊപ്പം ദീർഘകാല നിക്ഷേപത്തിന് യൂക്കോ ബാങ്കിന്‍റെ 3 വർഷത്തെ സ്ഥിര നിക്ഷേപവും നല്ലൊരു ഓപ്ഷനാണ്. സാധാരണ പൗരന്മാർക്ക് ഇവിടെ 6 ശതമാനം പലിശ ലഭിക്കും. അതേസമയം മുതിർന്ന പൗരന്മാർക്ക് 6.50 ശതമാനം പലിശ വാഗ്ദാനം പൊതുമേഖലാ ബാങ്ക് വാഗ്ധാനം ചെയ്യുന്നു.

1 ലക്ഷം രൂപയുടെ നിക്ഷേപത്തിന്‍റെ പലിശ

3 വർഷത്തെ എഫ്ഡി സുരക്ഷിതവും സ്ഥിരവുമായ വരുമാനം വാഗ്ദാനം ചെയ്യുന്നു. അതിനാൽ, ഒരു ലക്ഷം രൂപ നിക്ഷേപിക്കുന്നതിലൂടെ നിങ്ങൾക്ക് നല്ല പലിശ നേടാൻ കഴിയും.

ഒരു സാധാരണ പൗരൻ 1 ലക്ഷം നിക്ഷേപിക്കുന്നതിലൂടെ 1,19,562 മെച്യൂരിറ്റി തുക ലഭിക്കും. അതായത് 19,562 രൂപ പലിശയിലൂടെ നേടാം എന്ന് സാരം. അതുപോലെ മുതിർന്ന പൗരന്മാർ 1 ലക്ഷം രൂപ നിക്ഷേപിച്ചാൽ കാലാവധി പൂർത്തിയാകുമ്പോൾ 21,341 രൂപ പലിശ ഇനത്തിൽ നേടാം.

സ്ഥിര നിക്ഷേപം -നേട്ടങ്ങൾ

ഓഹരി വിപണിയിലെ ഏറ്റക്കുറച്ചിലുകൾ സ്ഥിര നിക്ഷേപത്തെ ബാധിക്കില്ല. അതുകൊണ്ടുതന്നെ വരുമാനം ഉറപ്പാണ്. മുതിർന്ന പൗരന്മാർക്ക് ഏറ്റവും വിശ്വസനീയമായ ഓപ്ഷനാണിത്. വിരമിക്കൽ ആസൂത്രണത്തിന് എഫ്ഡികൾ ഇപ്പോഴും തിരഞ്ഞെടുക്കപ്പെടുന്ന ഒരു നിക്ഷേപമാണ്. കുറഞ്ഞ റിസ്കും സ്ഥിരമായ വരുമാനവും ആഗ്രഹിക്കുന്നവർക്ക് സ്ഥിര നിക്ഷേപം എന്നും അനുയോജ്യമാണ്. ചെറിയ തുകകളിൽ പോലും നിങ്ങൾക്ക് നിക്ഷേപം ആരംഭിക്കാം.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.