ജോലിയില്ലാതെ വീട്ടിലിരുന്നാൽ 66,600 രൂപ വരെ ശമ്പളം; ഈ സ്കീമിൽ ഒറ്റത്തവണ നിക്ഷേപിച്ച് നോക്കൂ...

നിക്ഷേപ പദ്ധതികൾ എപ്പോഴും സാമ്പത്തിക സുരക്ഷ ഉറപ്പാക്കുവാൻ വേണ്ടിയാണ്. നിലവിൽ നമുക്ക് ചുറ്റും ഒട്ടനവധി നിക്ഷേപ പദ്ധതികളുണ്ട്. എന്നാൽ അവയുടെ പലിശ നിരക്കുകൾ വ്യത്യസ്തമാണ്. ജനകീയമായ പോസ്റ്റ് ഓഫീസ് സ്കീമുകളിലാണ് ഇപ്പോഴും ആളുകൾ നിക്ഷേപിക്കുന്നത്. പ്രതിമാസ വരുമാനം ലഭിക്കുന്നവർക്ക് ശമ്പളത്തിൽ നിന്ന് ഒരു തുക മാറ്റി വെച്ചാൽ വലിയൊരു നിക്ഷേപം ഉണ്ടാവുന്നു. ചിലർ ദീർഘകാല സ്കീമുകളിൽ നിക്ഷേപിക്കുന്നു.

കാലാവധി പൂർത്തിയായ ശേഷം റിട്ടേൺ ലഭിക്കുന്ന സ്കീമുകള പോലെയല്ല ഈ സ്കീം. ഇതിലൂടെ പ്രതിമാസ വരുമാനം ഉണ്ടാക്കാൻ സാധിക്കും. പോസ്റ്റ് ഓഫീസ് പ്രതിമാസ വരുമാന പദ്ധതി (POMIS) കുറിച്ചാണ് ഇവിടെ വിശദീകരിക്കുന്നത്. അപകട സാധ്യതയില്ലാതെ എല്ലാ മാസവും വരുമാനം ലഭിക്കാൻ ഈ സ്കീം വഴി സാധിക്കും.

പോസ്റ്റ് ഓഫീസ് പ്രതിമാസ വരുമാന പദ്ധതി (POMIS)

നിങ്ങൾ ഒറ്റത്തവണ പണം നിക്ഷേപിച്ചതിനു ശേഷം പിന്നീട് നിക്ഷേപത്തെ കുറിച്ച് മറന്നു പോകാറുണ്ടോ? എങ്കിൽ അങ്ങനെയുള്ളവർക്ക് എല്ലാ മാസവും വരുമാനം ലഭിക്കുന്ന തരത്തിലുള്ള സ്കീം ഉണ്ടായാലോ? അതാണ് പോസ്റ്റ് ഓഫീസ് പ്രതിമാസ വരുമാന പദ്ധതി (POMIS). ഈ സ്കീമിൽ ഒറ്റത്തവണ പണം നിക്ഷേപിച്ചാൽ അടുത്ത 5 വർഷത്തേക്ക് എല്ലാ മാസവും ഉറപ്പുള്ള വരുമാനം ഉണ്ടാകും. POMIS ൽ സിംഗിൾ, ജോയിൻ്റ് അക്കൗണ്ട് ഓപ്ഷനുകൾ ലഭ്യമാണ്. 2024 ജനുവരി 1 മുതൽ ഈ സ്കീമിലെ നിക്ഷേപങ്ങൾക്ക് 7.4% വാർഷിക പലിശ നൽകുന്നു.

POMIS സ്കീമിന്റെ സിം​ഗിൾ അക്കൗണ്ടിൽ 9 ലക്ഷം രൂപ വരെയും ജോയിന്റ് അക്കൗണ്ടിൽ 15 ലക്ഷം രൂപ വരെയും നിക്ഷേപിക്കാം. കാലാവധി പൂർത്തിയാവുമ്പോൾ നിങ്ങളുടെ മൊത്തം തുകയും ആവശ്യമെങ്കിൽ തിരികെ നൽകും. അഞ്ച് വർഷമാണ് ഈ സ്കീമിന്റെ കാലാവധി. എന്നാൽ കാലാവധി പൂർത്തിയാവുമ്പോൾ അടുത്ത 5 വർഷത്തേക്ക് കാലാവധി നീട്ടാൻ സാധിക്കും. നിക്ഷേപ തുകയുടെ പലിശ എല്ലാ മാസവും നിങ്ങളുടെ അക്കൗണ്ടിലേക്ക് ക്രെഡിറ്റ് ആവും.

പ്രതിമാസം വരുമാനം

സിം​ഗിൾ അക്കൗണ്ടിൽ നിക്ഷേപിക്കാവുന്ന പരമാവധി തുക 9 ലക്ഷമാണ്. ഇതിൻ്റെ പലിശ നിരക്ക് പ്രതിവർഷം 7.4 ശതമാനമാണ്. ഈ പലിശ നിരക്ക് പ്രകാരം എല്ലാ മാസവും 5,550 രൂപ വരുമാനമുണ്ടാകും. അതായത്, 12 മാസം കൊണ്ട് 66,600 രൂപ വരുമാനമുണ്ടാവും. അങ്ങനെയെങ്കിൽ 5 വർഷത്തിനുള്ളിൽ പലിശ മാത്രം 3.33 ലക്ഷം രൂപ ലഭിക്കും.

1000 രൂപക്ക് അക്കൗണ്ട് തുറക്കാം...

1000 രൂപയുണ്ടോ കൈയിൽ? എങ്കിൽ നിങ്ങൾക്കും POMIS സ്കീമിൽ ഒരു അക്കൗണ്ട് തുറക്കാം. 1000 രൂപ മുതൽ ഒരു നിശ്ചിത തുക നിങ്ങൾക്ക് നിക്ഷേപിക്കാനാവും. ഒരു നിശ്ചിത തുക നിക്ഷേപിക്കുന്നതിലൂടെ ഏതൊരു ഇന്ത്യൻ പൗരനും പോസ്റ്റ് ഓഫീസ് പ്രതിമാസ വരുമാന പദ്ധതിയുടെ ഭാഗമാവാം.

ജോയിന്റ് അക്കൗണ്ടുകൾ

POMIS സ്കീമിൽ രണ്ടോ മൂന്നോ പേർക്ക് ജോയിൻ്റ് അക്കൗണ്ട് തുറക്കാം. ഇതിലൂടെ ലഭിക്കുന്ന വരുമാനം എല്ലാവർക്കും തുല്യമായി വീതിക്കാം. ഒരു ജോയിന്റ് അക്കൗണ്ടിനെ എപ്പോൾ വേണമെങ്കിലും സിം​ഗിൾ അക്കൗണ്ടാക്കി മാറ്റാൻ സാധിക്കും. ഇതിനായി നിലവിലെ അക്കൗണ്ടിലെ എല്ലാ അം​ഗങ്ങളും ഒരു ജോയിന്റ് ആപ്ലിക്കേഷൻ നൽകണം. അതിനു ശേഷം അക്കൗണ്ട് മാറ്റം ഉറപ്പാക്കാം.

ആവശ്യമായ പ്രധാനപ്പെട്ട രേഖകൾ

• ആധാർ/ പാസ്പോർട്ട്/ വോട്ടർ കാർഡ്/ ഡ്രൈവിം​ഗ് ലൈസൻസ് (ഇതിൽ ഏതെങ്കിൽ ഉണ്ടായിരിക്കണം.)

• 2 പാസ്പോർട്ട് സൈസ് ഫോട്ടോ

• യൂട്ടിലിറ്റി ബില്ല്

• പോസ്റ്റ് ഓഫീസ് പ്രതിമാസ വരുമാന സ്കീമിനുള്ള ഫോം പൂരിപ്പിക്കണം

• നോമിനിയുടെ വിവരങ്ങൾ