ഉയര്‍ന്ന പലിശയ്ക്കായി ട്രഷറി, സഹകരണ ബാങ്കുകളില്‍ നിക്ഷേപിക്കാം

കൂടുതല്‍ പലിശ ലഭിക്കുന്നത് എവിടെയാണോ, അവിടെ നിക്ഷേപം നടത്തുവാനാണ് നാം എല്ലാവരും ആഗ്രഹിക്കുന്നത്. ഒപ്പം കഷ്ടപ്പെട്ട് അധ്വാനിച്ച് സ്വന്തമാക്കിയ പണം നിക്ഷേപിക്കുമ്പോള്‍ അതിന് പരിപൂര്‍ണ സുരക്ഷിതത്വവും വേണം. ബാങ്ക് സ്ഥിര നിക്ഷേപങ്ങള്‍ ഒട്ടുമിക്ക പേരുടേയും ആദ്യ തെരഞ്ഞെടുപ്പ് ആകുന്നതിന്റെ കാരണവും ഇതു തന്നെ.

 

ഏത് ബാങ്കില്‍ നിക്ഷേപിച്ചാലാണ് കൂടുതല്‍ നേട്ടം ലഭിക്കുക കൂടെ മൂലധനത്തിന് സുരക്ഷയും വേണം. ബാങ്ക് നിക്ഷേപങ്ങളേക്കാള്‍ സംസ്ഥാന ട്രഷറി, സഹകരണ ബാങ്കുകള്‍ എന്നിവ നിക്ഷേപകര്‍ക്ക് ഉയര്‍ന്ന പലിശ വാഗ്ദാനം ചെയ്യുന്നുണ്ട്. അവിടുത്തെ നിക്ഷേപ രീതിയും പലിശ നിരക്കുമൊക്കെ നമുക്കൊന്ന് പരിശോധിക്കാം.

ഇപിഎഫ്ഒ ഉപയോക്താക്കള്‍ക്ക് സന്തോഷ വാര്‍ത്ത; വലിയൊരു തുക ഈ ദിവസം നിങ്ങളുടെ അക്കൗണ്ടിലേക്കെത്തും!

സംസ്ഥാന ട്രഷറികളിലും സഹകരണ ബാങ്കുകളിലും തങ്ങളുടെ സമ്പാദ്യം നിക്ഷേപമാക്കുന്ന ധാരാളം പേരുണ്ട്. ഈ നിക്ഷേപങ്ങളില്‍ നിന്നും ലഭിക്കുന്ന ഉയര്‍ന്ന പലിശ നിരക്ക് തന്നെയാണ് അതിന്റെ പ്രധാന കാരണം. നേരത്തെ 8.5 ശതമാനം വരെയായിരുന്നു ട്രഷറി നിക്ഷേപങ്ങളില്‍ നിന്നും ലഭിച്ചിരുന്ന ഉയര്‍ന്ന പലിശ. എന്നാല്‍ പിന്നീട് പലിശ നിരക്കില്‍ കുറവ് വരുത്തുകയായിരുന്നു. സഹകരണ ബാങ്കുകളില്‍ 6.75 ശതമാനം വരെയാണ് ഉയര്‍ന്ന പലിശ നിരക്ക്. നേരത്തെ ഇത് 7.25 ശതമാനം വരെയായിരുന്നു.

2021 ഫെബ്രുവരി മാസം മുതലാണ് പലിശ നിരക്ക് കുറച്ചത്. നിലവില്‍ 7.5 ശതമാനം പലിശയാണ് ട്രഷറി നിക്ഷേപങ്ങളില്‍ നിന്നും പരമാവധി ലഭിക്കുക. 46 ദിവസം മുതല്‍ 90 ദിവസം വരെയുള്ള നിക്ഷേപം മുതല്‍ രണ്ടു വര്‍ഷത്തെ നിക്ഷേപം വരെ ട്രഷറിയില്‍ നടത്താം. 5.40 ശതമാനം മുതല്‍ 7.5 ശതമാനം വരെ ഉയര്‍ന്ന പലിശ നിരക്കാണ് ലഭിക്കുക.

ഈ ഓഹരിയില്‍ നിക്ഷേപിച്ച 5 ലക്ഷം രൂപ ഒരു വര്‍ഷത്തില്‍ 18 ലക്ഷം രൂപയായി; കമ്പനി ഏതെന്ന് അറിയാമോ?

മുതിര്‍ന്ന പൗരന്മാര്‍ക്ക് ട്രഷറി നിക്ഷേപത്തിന് ഉയര്‍ന്ന പലിശ നിരക്കാണ് ലഭിക്കുക. ഒരു വര്‍ഷം മുതല്‍ രണ്ടു വര്‍ഷം വരെയുള്ള നിക്ഷേപങ്ങള്‍ക്ക് 6.40 ശതമാനവും രണ്ടു വര്‍ഷത്തിനു മുകളില്‍ 7.50 ശതമാനവും പലിശ ലഭിക്കും. 91 മുതല്‍ 180 ദിവസം വരെയും 180 മുതല്‍ 364 ദിവസം വരെയുള്ള നിക്ഷേപത്തിന് 5.90 ശതമാനം പലിശയും ലഭിക്കും.

സര്‍വീസ് സഹകരണ ബാങ്കുകളിലും പൊതുമേഖലാ ബാങ്കുകളെ അപേക്ഷിച്ച് ഉയര്‍ന്ന പലിശ ലഭിക്കും. സഹകരണ ബാങ്കുകളില്‍ 6.75 ശതമാനം വരെ പലിശയാണ് ലഭിക്കുക. 15-45 ദിവസങ്ങള്‍ മുതല്‍ രണ്ടു വര്‍ഷത്തിനു മുകളിലുള്ള കാലാവധിയില്‍ നിക്ഷേപം നടത്താം 4.75 ശതമാനം മുതലാണ് പലിശ നിരക്ക്.

നാഷണല്‍ പെന്‍ഷന്‍ സിസ്റ്റം; നിങ്ങളറിഞ്ഞിരിക്കേണ്ട 5 നേട്ടങ്ങള്‍

ഒന്ന് മുതല്‍ രണ്ടു വര്‍ഷം വരെയുള്ള നിക്ഷേപങ്ങള്‍ക്ക് 6.75 ശതമാനമാണ് പലിശ 180 ദിവസം മുതല്‍ 364 ദിവസം വരെയുള്ള നിക്ഷേപങ്ങള്‍ക്ക് 5.25 ശതമാനം മുതല്‍ 6.25 ശതമാനം വരെ പലിശ നിരക്ക് ലഭിക്കും.