Just In
-
-
-
-
Don't Miss
-
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
കരിമ്പത്ത് ഒന്നേകാല് കിലോ കഞ്ചാവുമായി യുവതിയും യുവാവും അറസ്റ്റില് -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള്‍ -
IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
കോവിഡ് കാലത്തിന് ശേഷം ഓരോരുത്തരുടെയും ജീവിതത്തിന് ഇന്‍ഷുറന്‍സ് പരിരക്ഷ വേണ്ടതിന്റെ ആവശ്യകത എല്ലാവരും മനസ്സിലാക്കിക്കഴിഞ്ഞു എന്ന് വേണം പറയാന്‍. നാം ഒട്ടും പ്രതീക്ഷിക്കാത്ത സമയത്ത് നമ്മുടെ ജീവിതത്തില്‍ എന്തും സംഭവിക്കാം എന്ന വലിയ അനിശ്ചിതാവസ്ഥ നമുക്ക് മുന്നിലുണ്ട്. ആ അനിശ്ചിതാവസ്ഥയില്‍ നിന്നും ഒരു പരിധി വരെയെങ്കിലും രക്ഷനേടാനുള്ള മാര്‍ഗമാണ് ഇന്‍ഷുറന്‍സ് പരിരക്ഷകള്‍. അതുകൊണ്ടു തന്നെ കോവിഡ് ആരംഭത്തിന് ശേഷം ഇന്‍ഷുറന്‍സ് പ്ലാനുകള്‍ വാങ്ങിക്കുന്നതില്‍ മുന്‍കാലങ്ങളിലേതിനേക്കാള്‍ കൂടുതല്‍ ശ്രദ്ധയും ഏവര്‍ക്കുമുണ്ട്.
ചുരുങ്ങിയ ചിലവില്‍ ഇന്‍ഷുറന്‍സ് പരിരക്ഷ
വിവിധ പദ്ധതികള്‍ ആവിഷ്‌കരിച്ചു കൊണ്ട് സര്‍ക്കാര്‍ തലത്തിലും ചുരുങ്ങിയ ചിലവില്‍ ജനങ്ങള്‍ക്ക് ഇന്‍ഷുറന്‍സ് പരിരക്ഷ ലഭ്യമാക്കുകയും ചെയ്യുന്നുണ്ട്. സമൂഹത്തിലെ എല്ലാ തലങ്ങളിലുമുള്ള വ്യക്തികള്‍ക്കും ഇന്‍ഷുറന്‍സ് നേട്ടങ്ങള്‍ ലഭ്യമാകുന്നതിന് വേണ്ടിയാണ് സര്‍ക്കാര്‍ ഇത്തരം പദ്ധതികള്‍ ആവിഷ്‌കരിച്ചു നടപ്പിലാക്കുന്നത്. ഈ ഗണത്തില്‍ പെടുന്ന സര്‍ക്കാര്‍ പദ്ധതികളാണ് പ്രധാന്‍ മന്ത്രി സുരക്ഷ ഭീമ യോജന (പിഎംഎസ്ബിവൈ), പ്രധാന്‍ മന്ത്രി ജീവന്‍ ജ്യോതി ഭീമ യോജന (പിഎംജെജെവൈ) എന്നിവ.
പ്രധാന്‍ മന്ത്രി ജീവന്‍ ജ്യോതി ഭീമ യോജന, പ്രധാന്‍ മന്ത്രി സുരക്ഷ ഭീമ യോജന
ഉപയോക്താവിന് 4 ലക്ഷം രൂപയുടെ വരെ ഇന്‍ഷുറന്‍സ് പരിരക്ഷയാണ് ഈ പദ്ധതികളിലൂടെ വാഗ്ദാനം ചെയ്യുന്നത്. എന്തൊക്കെയാണ് ഇരു പദ്ധകളിലൂടെയും ലഭിക്കുന്ന നേട്ടങ്ങള്‍ എന്ന് നമുക്കിനി വിശദമായി പരിശോധിക്കാം. ബാങ്ക് ബറോഡ തങ്ങളുടെ ഉപയോക്താക്കള്‍ക്കായി ഈ പദ്ധതിയുടെ സേവനങ്ങള്‍ നല്‍കി വരുന്നുണ്ട്. സര്‍ക്കാറില്‍ നിന്നുമുള്ള നാല് ലക്ഷം രൂപ വരെയുള്ള നേട്ടങ്ങള്‍ സ്വന്തമാക്കുന്നതിനായി ഈ ഇരു പദ്ധതികളിലും നിങ്ങള്‍ നിക്ഷേപം നടത്തേണ്ടതായുണ്ട്. പ്രധാന്‍ മന്ത്രി ജീവന്‍ ജ്യോതി ഭീമ യോജനയിലും, പ്രധാന്‍ മന്ത്രി സുരക്ഷ ഭീമ യോജനയിലും ചേര്‍ന്ന് ആകെ നിക്ഷേപിക്കേണ്ടുന്ന തുക 342 രൂപയാണ്. അതായത് 4 ലക്ഷം രൂപയുടെ നേട്ടം സ്വന്തമാക്കുവാന്‍ ഒരു മാസം വെറും 28 രൂപ മാറ്റി വച്ചാല്‍ മതിയാകുമെന്നര്‍ഥം.
എസ്ബിഐ ഉപയോക്താക്കള്‍ക്കും
എസ്ബിഐ ഉപയോക്താക്കള്‍ക്കും ഈ ഇരു പദ്ധതികളുടെയും നേട്ടം ലഭ്യമാകും. തങ്ങളുടെ ഔദ്യോഗിക ട്വിറ്റര്‍ പേജിലൂടെ രണ്ട് പദ്ധതികളെയും കുറിച്ചുള്ള വിവരങ്ങള്‍ രാജ്യത്തെ ഏറ്റവും വലിയ പൊതുമേഖലാ ബാങ്കായ എസ്ബിഐ പങ്കുവച്ചിട്ടുണ്ട്. ഈ ഇന്‍ഷുറന്‍സ് പദ്ധതിയില്‍ ചേരുന്നതിലൂടെ ആശങ്കകളില്ലാത്ത ജീവിതം മുന്നോട്ട് കൊണ്ടുപോകാന്‍ ഉപയോക്താക്കള്‍ക്ക് സാധിക്കും.
സേവിംഗ്‌സ് അക്കൗണ്ട് നിര്‍ബന്ധം
പ്രീമിയം തുക അടയ്ക്കുന്ന കാര്യത്തെക്കുറിച്ചും ടെന്‍ഷന്‍ ആവശ്യമില്ല. ഓട്ടോ ഡെബിറ്റ് സംവിധാനത്തിലൂടെ സേവിംഗ്‌സ് ബാങ്ക് അക്കൗണ്ടുകളില്‍ തുക അതാത് സമയത്ത് കൃത്യമായി കിഴിയ്ക്കുകയാണ് ചെയ്യുക. സേവിംഗ്‌സ് അക്കൗണ്ട് ഉള്ള ഉപയോക്താക്കള്‍ക്ക് മാത്രമാണ് ഈ ഇന്‍ഷുറന്‍സ് പദ്ധതിയില്‍ ചേരുവാനും നേട്ടങ്ങള്‍ സ്വന്തമാക്കുവാനും സാധിക്കുകയുള്ളൂ എന്ന് ഓര്‍ക്കുക.
പ്രധാന്‍ മന്ത്രി സുരക്ഷ ഭീമ യോജന
പ്രധാന്‍ മന്ത്രി സുരക്ഷ ഭീമ യോജന പ്രകാരം ഇന്‍ഷുര്‍ ചെയ്യപ്പെട്ട വ്യക്തി അപകടത്തില്‍ മരണപ്പെടുകയോ അല്ലെങ്കില്‍ പൂര്‍ണമായും വികലാംഗനാക്കപ്പെടുകയോ ചെയ്താല്‍ 2 ലക്ഷം രൂപയുടെ ധനസഹായമാണ് ലഭിക്കുക. ഇനി ഭാഗികമായി അംഗവൈകല്യം സംഭവിച്ചാല്‍ 1 ലക്ഷം രൂപയും ലഭിക്കും. 18 വയസ്സ് മുതല്‍ 70 വയസ്സു വരെ പ്രായമുള്ള ഏതൊരു വ്യക്തിയ്ക്കും ഈ പദ്ധതിയുടെ ഗുണഭോക്താക്കളാകുവാന്‍ സാധിക്കും. ഈ ഇന്‍ഷുറന്‍സ് പദ്ധതിയുടെ പ്രതിവര്‍ഷ പ്രീമിയം തുക 12 രൂപ മാത്രമാണ്.
പ്രധാന്‍ മന്ത്രി ജീവന്‍ ജ്യോതി ഭീമ യോജന
പ്രധാന്‍ മന്ത്രി ജീവന്‍ ജ്യോതി ഭീമ യോജന പ്രകാരം ഇന്‍ഷുറര്‍ ചെയ്യപ്പെട്ട വ്യക്തി മരണപ്പെട്ടാല്‍ നോമിനിയ്ക്ക് 2 ലക്ഷം രൂപ ലഭിക്കും. 18 വയസ്സ് മുതല്‍ 50 വയസ്സ് വരെ പ്രായമുള്ള വ്യക്തികള്‍ക്കാണ് ഈ പദ്ധതിയില്‍ ചേരുവാന്‍ സാധിക്കുക. പ്രധാന്‍ മന്ത്രി ജീവന്‍ ജ്യോതി ഭീമ യോജന പദ്ധതിയുടെ പ്രതിവര്‍ഷ പ്രീമിയം തുക 330 രൂപയാണ്. മേല്‍ പറഞ്ഞിരിക്കുന്ന രണ്ട് പ്ലാനുകളും ടേം ഇന്‍ഷുറന്‍സ് പ്ലാനുകളാണ് ഒരു വര്‍ഷത്തേക്കാണ് ഇന്‍ഷുറന്‍സ് പരിരക്ഷ ലഭിക്കുക.
