നിങ്ങൾ ആദ്യ നിക്ഷേപം വൈകിയാണ് ആരംഭിക്കുന്നതെങ്കിൽ നിങ്ങളുടെ സമ്പാദ്യത്തിൽ ഒരു കോടി രൂപയുടെ നഷ്ടം വരും. നിക്ഷേപം നേരത്തേ ആരംഭിക്കുന്നതിന്റെ പ്രാധാന്യം ഇതിൽ നിന്ന് മനസ്സിലാക്കാം. പക്ഷേ നിക്ഷേപിക്കാനുള്ള പദ്ധതികൾ വൈകിപ്പിക്കുന്നതിന് എല്ലാവർക്കും എല്ലായ്പ്പോഴും ഒഴികഴിവുകൾ ഉണ്ടാകും. ഓരോ മാസവും 3,000 രൂപ നിക്ഷേപിക്കാൻ നിങ്ങൾ അഞ്ച് വർഷമോ അതിൽ കൂടുതലോ വൈകിയാൽ നഷ്ടം 88 ലക്ഷം രൂപയാണ്.
ഉദാഹരണം 1
വ്യത്യസ്ത പ്രായത്തിൽ പ്രതിമാസം 3,000 രൂപ നിക്ഷേപിക്കാൻ തുടങ്ങിയ മൂന്ന് നിക്ഷേപകരെ തിരഞ്ഞെടുക്കുക. ഓരോ നിക്ഷേപകനും 58 വയസ്സ് വരെ വിരമിക്കലിനായി നിക്ഷേപം നടത്തുന്നുവെന്ന് കരുതുക. 23 വയസ്സുള്ളപ്പോൾ സീമ നിക്ഷേപം ആരംഭിച്ചാൽ വിരമിക്കുമ്പോഴേക്കും രണ്ട് കോടി രൂപയ്ക്ക് അടുത്ത് സമ്പാദ്യമുണ്ടാകും. നിക്ഷേപത്തിന് പ്രതിവർഷം 12% വരുമാനം ലഭിക്കുമ്പോഴാണ് ഈ തുക ലഭിക്കുക.
ടിക് ടോക്ക് പോയതിൽ നഷ്ടം ഇവർക്ക്; കാശുണ്ടാക്കിയ ടിക് ടോക്ക് പ്രമുഖർ ആരൊക്കെ?
ഉദാഹരണം 2
അഞ്ച് വർഷത്തിന് ശേഷം 28 വയസ്സിലാണ് ദേവൻ നിക്ഷേപം ആരംഭിച്ചതെങ്കിൽ പ്രതിമാസം 3,000 രൂപ നിക്ഷേപിച്ചാൽ വിരമിക്കൽ സമ്പാദ്യമായി ഒരു ലക്ഷം രൂപ മാത്രമേ സമ്പാദിക്കാനാകൂ. സീമ സമ്പാദിക്കുന്നതിന്റെ പകുതി മാത്രമേ ദേവന് സമ്പാദിക്കാൻ സാധിക്കൂ.
പ്രവാസികൾ നാട്ടിലേയ്ക്ക് മടങ്ങും മുമ്പ് തീർച്ചയായും ചെയ്യേണ്ട കാര്യങ്ങൾ, ഇല്ലെങ്കിൽ കാശ് പോകും
ഉദാഹരണം 3
മൂന്നാമത്തെ നിക്ഷേപകനായ വിശാൽ 35-ാമത്തെ വയസിലാണ് നിക്ഷേപം ആരംഭിക്കുന്നതെന്ന് കരുതുക. വിരമിക്കാൻ അദ്ദേഹത്തിന് 23 വർഷമുണ്ട്. 12% റിട്ടേൺ നിരക്കിൽ, വിരമിക്കലിനായി 44 ലക്ഷം രൂപ ലാഭിക്കാൻ അദ്ദേഹത്തിന് കഴിയും. ഇത് മറ്റ് രണ്ട് നിക്ഷേപകരേക്കാൾ വളരെ കുറവാണ്.
മാസം 5,000 രൂപ മാറ്റിവയ്ക്കാനുണ്ടോ? അഞ്ച് വർഷം വൈകിയാൽ നഷ്ടം 1.5 കോടിയിലധികം
ദീർഘകാല നിക്ഷേപം
നിങ്ങളുടെ ദീർഘകാല ലക്ഷ്യങ്ങൾക്കായി നേരത്തെ തന്നെ നിക്ഷേപം ആരംഭിക്കേണ്ടതിന്റെ ആവശ്യകതയാണ് ഇവിടെ വ്യക്തമാകുന്നത്. നിങ്ങൾ ചെറുപ്പമായിരിക്കുമ്പോൾ ചെറിയ തുക ഉപയോഗിച്ച് നിക്ഷേപം ആരംഭിക്കുക. പിന്നീട് നിങ്ങളുടെ ശമ്പളവും മറ്റും വർദ്ധിക്കുന്നതിന് അനുസരിച്ച് നിക്ഷേപം വർദ്ധിപ്പിക്കാവുന്നതാണ്.