8.2 ശതമാനം പലിശ വേണോ? പണം നിക്ഷേപിക്കാം ഈ പദ്ധതികളിൽ

കയ്യിലുള്ള അധിക പണം ബാങ്കുകളിൽ ഫിക്സഡ് ഡിപ്പോസിറ്റ് ഇടുകയാണ് പലരും ചെയ്യുന്നത്. ഡെപ്പോസിറ്റുകൾക്ക് പല ബാങ്കുകളും ഉയർന്ന പലിശ നൽകുകയും ചെയ്യാറുണ്ട്. എന്നാൽ അതിൽ കൂടുതൽ പലിശ നൽകുന്ന മറ്റ് നിരവധി നിക്ഷേപ പദ്ധതികളുണ്ട്.

കൃത്യസമയത്ത് ശരിയായ പദ്ധതിയിൽ നിക്ഷേപം നടത്തിയാൽ ഉയർന്ന പലിശയ്ക്ക് കൂടുതൽ സമ്പാദ്യം നേടാം. അത്തരത്തിലുള്ള ചില നിക്ഷേപ പദ്ധതികൾ പരിചയപ്പെടാം.

പോസ്റ്റ് ഓഫീസ് ടേം ഡെപ്പോസിറ്റ്

പോസ്റ്റ് ഓഫീസ് അനുവദിക്കുന്ന സ്ഥിര നിക്ഷേപ പദ്ധതിയാണ് പോസ്റ്റ് ഓഫീസ് ടൈം ഡെപ്പോസിറ്റ് . ഒരു വർഷം മുതൽ അഞ്ച് വർഷം വരെ കാലാവധിയുള്ള നാല് തരം നിക്ഷേപക ഓപ്ഷനുകൾ പദ്ധതിയിലുണ്ട് . വ്യക്തിഗത അക്കൗണ്ടും മൂന്ന് പേര്‍ ചേര്‍ന്നുള്ള ജോയിന്റ് അക്കൗണ്ടും ആരംഭിക്കാം. അതു പോലെ തന്നെ ഒരു അക്കൗണ്ടിൽ ഒരു നിക്ഷേപം മാത്രമേ നടത്താനാകു എങ്കിലും ഏത് പോസ്റ്റ് ഓഫീസിലും എത്ര അക്കൗണ്ടുകൾ വേണമെങ്കിലും തുറക്കാം. റ്റവും കുറഞ്ഞ നിക്ഷേപം 200 രൂപയാണ് . 200 ന്റെ ഗുണിതങ്ങളായി വരുന്ന തുകകൾ ആകും ഉയർന്ന നിക്ഷേപം . പോസ്റ്റ് ഓഫീസ് ടേം ഡെപ്പോസിറ്റിന്റെ പലിശ നിരക്ക് 7.5 % ആണ്

നാഷണൽ സേവിംഗ്സ് സർട്ടിഫിക്കറ്റ്

നാഷണൽ സേവിംഗ്സ് സർട്ടിഫിക്കറ്റ് നിക്ഷേപം ഒറ്റയ്ക്കോ , സംയുക്തമായോ അതുപോലെ തന്നെ പ്രായ പൂർത്തിയാകാത്ത ഒരാളുടെ പേരിലോ നിക്ഷേപിക്കാം . പദ്ധതിയിൽ പലിശ നൽകില്ല പകരം വീണ്ടും നിക്ഷേപിക്കുന്നു .

ആർ ബി ഐ ഫ്ലോട്ടിങ് റേറ്റ് സേവിങ്സ് ബോണ്ട്

ആർ ബി ഐ ഫ്ലോട്ടിങ് റേറ്റ് സേവിങ്സ് ബോണ്ട് ന്റെ പലിശ നിരക്ക് നാഷണൽ സേവിംഗ് സ് സർട്ടിഫിക്കറ്റുമായി ബന്ധിപ്പിച്ചിരിക്കുന്നു .

നാഷണൽ സേവിംഗ് സ് സർട്ടിഫിക്കറ്റിലെ പലിശ നിരക്കിലുണ്ടാകുന്ന മാറ്റങ്ങൾ ആർ ബി ഐ സേവിoഗ് ബോണ്ടുകൾക്ക് നൽകുന്ന പലിശ നിരക്കുകളെ ബാധിക്കും. പദ്ധതിയുടെ കുറഞ്ഞ നിക്ഷേപം 1000 രൂപയാണ് . ബോണ്ടുകൾക്ക് ഏഴ് വർഷത്തെ നിശ്ചിത കാലാവധിയുണ്ട് . പദ്ധതി പ്രകാരം പലിശ തുക ജനുവരി ഒന്നിനും ജൂലൈ ഒന്നിനും അർദ്ധ വാർഷികമായാണ് നൽകുക.

സീനിയർ സിറ്റിസൺസ് സേവിംഗ്സ് സ്കീം

മുതിർന്ന പൗരൻമാർക്കും നേരത്തെ വിരമിച്ചവർക്കും മാത്രം നിക്ഷേപിക്കാനാകുന്ന പദ്ധതിയാണിത് . 60 വയസിന് മുകളിലുള്ള ഏതൊരു പൗരനു o ബാങ്കിലോ പോസ്റ്റ് ഓഫീസിലോ ഈ പദ്ധതിയുടെ അക്കൗണ്ട് ആരംഭിക്കാം . പദ്ധതിക്ക് അഞ്ച് വർഷത്തെ കാലാവധിയാണുള്ളത് . ആയിരം രൂപയാണ് കുറഞ്ഞ നിക്ഷേപം. പരമാവധി 30 ലക്ഷം രൂപവരെ പദ്ധതിയിൽ നിക്ഷേപിക്കാവുന്നതാണ്. പദ്ധതിയുടെ പലിശനിരക്ക് 8.2% ആണ് .