2,500 രൂപ നിക്ഷേപിച്ച് 2.5 കോടി നേടാം; ഇങ്ങനെ നിക്ഷേപിക്കൂ...

നിക്ഷേപത്തിന് സ്ഥിരതയും ക്ഷമയും ആവശ്യമാണ്. ഒരു മരം നടുന്നത് പോലെയാണത്, നിങ്ങൾ അതിനെ പരിപാലിക്കുന്നു, ക്രമേണ ആ മരം ബലത്തിൽ ഉയരത്തിൽ വളരുന്നു. അതുപോലെ, സ്ഥിരമായ ഒരു നിക്ഷേപ ശീലമുണ്ടെങ്കിൽ, പണം ദീർഘകാലാടിസ്ഥാനത്തിൽ വളരും. നിക്ഷേപങ്ങൾ എത്ര നേരത്തെ തുടങ്ങുന്നുവോ അത്രയും വലിയൊരു ഫണ്ട് സ്വരൂപിക്കാൻ സാധിക്കും. എപ്പോഴും, നേരത്തെ നിക്ഷേപം ആരംഭിച്ച് കാലക്രമേണ സ്ഥിരതയോടെ മുന്നോട്ട് പോകുക.

എസ്ഐപി വഴി ഒരു നിശ്ചിത തുക പതിവായി മ്യൂച്വൽ ഫണ്ടിൽ നിക്ഷേപിക്കുന്നതിനെക്കുറിച്ച് ചിന്തിക്കുക. ദിവസേന, ആഴ്ചതോറും, പ്രതിമാസമോ, വാർഷികമോ എന്നിങ്ങനെ എത്ര തവണ നിക്ഷേപിക്കണമെന്ന് നിങ്ങൾക്ക് തിരഞ്ഞെടുക്കാം. നിങ്ങൾക്ക് ഇഷ്ടമുള്ളത്രയും, അതായത് കുറഞ്ഞ തുകയോ കൂടുതൽ തുകയോ എസ്ഐപിയിൽ നിക്ഷേപിക്കാം. 100 രൂപ മുതൽ ഇതിൽ നിക്ഷേപിക്കാവുന്നതാണ്. നിക്ഷേപം ഓട്ടോമേറ്റഡ് ആയതിനാൽ നിങ്ങൾ അതിനെക്കുറിച്ച് വിഷമിക്കേണ്ടതില്ല. പണം പതിവായി നിക്ഷേപിക്കുന്നതിനുള്ള ഒരു സൗകര്യപ്രദമായ മാർഗമാണിത്.

എല്ലാ മാസവും 4,500 രൂപ, 5,500 രൂപ, അല്ലെങ്കിൽ 6,500 രൂപ നിക്ഷേപിക്കുന്നതിലൂടെ, നിങ്ങൾക്ക് ഒരു വലിയൊരു റിട്ടയർമെന്റ് ഫണ്ട് സൃഷ്ടിക്കാൻ കഴിയും. വാർഷിക വരുമാനം 12 ശതമാനം കണക്കാക്കിയാൽ, ഈ പ്രതിമാസ നിക്ഷേപങ്ങൾ 2.5 കോടി രൂപയുടെ മൂലധനം സൃഷ്ടിക്കാൻ നിങ്ങളെ എങ്ങനെ സഹായിക്കുമെന്ന് നോക്കാം.

4500 രൂപ പ്രതിമാസം നിക്ഷേപിച്ചാൽ കിട്ടുന്നത് എത്ര?

പ്രതിമാസം 4,500 രൂപ എസ്ഐപിയിൽ നിക്ഷേപിച്ചാൽ 2.5 കോടി രൂപയുടെ കോർപ്പസ് നേടാൻ ഏകദേശം 34 വർഷമെടുക്കും. അതായത്, നിങ്ങളുടെ നിക്ഷേപ തുക 18,36,000 രൂപയും, പലിശ ഇനത്തിലെ നേട്ടം 2,40,51,842 രൂപയും, കാലാവധി പൂർത്തിയാകുമ്പോഴുള്ള ആകെ തുക 2,58,87,842 രൂപയും ആയിരിക്കും.

5500 രൂപ പ്രതിമാസം നിക്ഷേപിച്ചാൽ കിട്ടുന്നത് എത്ര?

പ്രതിമാസം 5,500 രൂപ നിക്ഷേപിച്ചാൽ 2.5 കോടി നേടാൻ ഏകദേശം 32 വർഷമെടുക്കും. കാലാവധി പൂർത്തിയാകുമ്പോഴുള്ള നിക്ഷേപ തുക 21,12,000 രൂപയും, കണക്കാക്കിയ മൂലധന നേട്ടം 2,26,89,134 രൂപയും, വിരമിക്കൽ കോർപ്പസ് 2,48,01,134 രൂപയും ആയിരിക്കും.

6500 രൂപ പ്രതിമാസം നിക്ഷേപിച്ചാൽ കിട്ടുന്നത് എത്ര?

പ്രതിമാസം 6,500 രൂപ നിക്ഷേപിച്ചാൽ ഏകദേശം 31 വർഷം കൊണ്ട് 2.5 കോടി രൂപ നേടിയെടുക്കാനാകും. നിങ്ങളുടെ നിക്ഷേപ തുക 24,18,000 രൂപയും, കണക്കാക്കിയ മൂലധന നേട്ടം 2,35,19,629 രൂപയും, കണക്കാക്കിയ വിരമിക്കൽ കോർപ്പസ് 2,59,37,629 രൂപയും ആയിരിക്കും.

Disclaimer: The write-up is just for information purposes, and is not a recommendation to buy, sell or hold. We have not done fundamental or technical analysis and have no opinion on article mentioned. Neither, the author nor Greynium Information Technologies should be held liable for any losses. Please consult a professional advisor.