Just In
-
-
-
-
Don't Miss
-
ഏഥറിന് പണികൊടുക്കാൻ ബജാജ്, കുറഞ്ഞ വിലയും 113 കി.മീ. റേഞ്ചുമായി പുതിയ ഇലക്ട്രിക് സ്കൂട്ടർ -
ഇങ്ങനൊക്കെ മനുഷ്യന് മാറാന് പറ്റുമോ? അന്ന് റിമി വലിയ ചേച്ചിയായിരുന്നു, മേക്കോവറിൽ ഞെട്ടിച്ച് വീണ്ടും റിമി ടോമി -
ഡബിള് രാജയോഗം പോക്കറ്റ് നിറയ്ക്കും, അടിപൊളി നേട്ടങ്ങള് ലഭിക്കും; ഭാഗ്യം ഈ രാശിക്കാര്ക്കൊപ്പം -
നിങ്ങളുടെ അമ്മ ഇങ്ങനെയാണോ, രാശിപ്രകാരം അമ്മമാരറിയേണ്ട കാര്യങ്ങള് -
IPL 2024: ആര്സിബിക്കു ഡു ഓര് ഡൈ, തോറ്റാല് പുറത്ത്; ടോസ് ഏഴു മണിക്ക് -
ട്രെൻഡ് ഉണ്ടാക്കാൻ ഇൻഫിനിക്സ്! പുതിയ ഫോണിന്റെ വിലയടക്കം വലിച്ച് പുറത്തിട്ട് ടിപ്സ്റ്റർമാർ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
കോവിഡ് കാലത്ത് ലൈഫ് ഇന്‍ഷുറന്‍സ് പരിരക്ഷകളുടെ പ്രാധാന്യം ഒന്നുകൂടെ വളര്‍ന്നിരിക്കുകയാണ്. നിങ്ങള്‍ സ്ഥിര നിക്ഷേപത്തിന് നടത്തുമ്പോള്‍ ഇപ്പോള്‍ ചില ബാങ്കുകള്‍ പോലും സൗജന്യ ലൈഫ് ഇന്‍ഷുറന്‍സ് പോളിസി വാഗ്ദാനം ചെയ്യുന്നുണ്ട്.
എന്നാല്‍ ഇത്തരം പോളിസികള്‍ക്ക് അതിന്റെതായ നിബന്ധനകളും പരിധികളുമുണ്ട്. 3 ലക്ഷത്തിന്റെയോ അതിന്റെ മുകളിലേയോ സ്ഥിര നിക്ഷേപങ്ങള്‍ക്കൊപ്പം 3 ലക്ഷം രൂപ വരെയുള്ള സൗജന്യ ഇന്‍ഷുറന്‍സ് കവറേജ് ഐസിഐസിഐ ബാങ്ക് വാഗ്ദാനം ചെയ്യുന്നുണ്ട്. എന്നാല്‍ ഒരു വര്‍ഷത്തേക്ക് മാത്രമാണ് ഇന്‍ഷുറന്‍സ് കവറേജ് ലഭിക്കുക. സ്ഥിര നിക്ഷേപത്തിന്റെ കാലാവധി രണ്ട് വര്‍ഷമോ അതിന് മുകളിലേക്കാം ആവാം. 18 വയസ്സ് മുതല്‍ 50 വയസ്സ് വരെയുള്ള വ്യക്തികള്‍ക്കാണ് ഈ ആനുകൂല്യം ലഭിക്കുക.
ഐസിഐസിഐ പ്രുഡെന്‍ഷ്യല്‍ ലൈഫ് ഇന്‍ഷുറന്‍സുമായി ചേര്‍ന്ന് ഐസിഐസിഐ ബാങ്ക് ഗ്രൂപ്പ് കവറേജും വാഗ്ദാനം ചെയ്യുന്നുണ്ട്. മറ്റൊരു ഇന്‍ഷുറന്‍സ് പോളിസി ഡിസിബി ബാങ്കിന്റെ ഡിസിബി ബാങ്ക് സുരക്ഷയാണ്. ആദിത്യ ബിര്‍ല സണ്‍ലൈഫുമായി ചേര്‍ന്നാണ് സ്ഥിര നിക്ഷേപം നടത്തുന്ന ഉപയോക്താക്കള്‍ക്കായി ഈ സൗജന്യ ഇന്‍ഷുറന്‍സ് വാഗ്ദാനം ചെയ്യുന്നത്. 18 മുതല്‍ 54 വയസ്സ് വരെയുള്ളവര്‍ക്ക് ഈ പോളിസി ലഭിക്കും. 54 വയസ്സിന് മുകളിലുള്ളവരെ സുരക്ഷാ സ്ഥിര നിക്ഷേപം ആരംഭിക്കുവാന്‍ ബാങ്ക് അനുവദിക്കുന്നില്ല.
ഉപയോക്താക്കള്‍ക്ക് വാഗ്ദാനം ചെയ്യപ്പെടുന്ന ലൈഫ് ഇന്‍ഷുറന്‍സ് കവറേജ് അവരുടെ സ്ഥിര നിക്ഷേപ തുകയ്ക്ക് തുല്യമാണ്. ഉദാഹരണത്തിന് നിങ്ങള്‍ 1 ലക്ഷം രൂപയുടെ സ്ഥിര നിക്ഷേപമാണ് ആരംഭിച്ചിരിക്കുന്നത് എങ്കില്‍ നിങ്ങള്‍ക്ക് ലഭിക്കുന്ന ലൈഫ് ഇന്‍ഷുറന്‍സ് കവറേജ് തുകയും 1 ലക്ഷം രൂപയായിരിക്കും. എന്നാല്‍ ഇന്‍ഷുറന്‍സ് കവറേജിന് 50 ലക്ഷം രൂപയെന്ന പരിധിയുമുണ്ട്. അതായത് നിങ്ങളുടെ സ്ഥിര നിക്ഷേപം 50 ലക്ഷം രൂപയ്ക്ക് മുകളിലാണെങ്കിലും നിങ്ങള്‍ക്ക് ലഭിക്കുന്ന പരമാവധി ലൈഫ് ഇന്‍ഷുറന്‍സ് കവറേജ് 50 ലക്ഷം രൂപയായിരിക്കും. സുരക്ഷാ സ്ഥിര നിക്ഷേപത്തിന്റെ കാലാവധി 3 വര്‍ഷമാണ്. 6.75 ശതമാനമാണ് പലിശ നിരക്ക്. ജോയിന്റ് അക്കൗണ്ടുകളില്‍ പ്രൈമറി അക്കൗണ്ട് ഉടമയ്ക്കാണ് കവറേജ് ലഭിക്കുക.
ഈ സ്ഥിര നിക്ഷേപങ്ങളൊന്നും തന്നെ സൗജന്യ ഇന്‍ഷുറന്‍സ് കവറേജിന്റെ അടിസ്ഥാനത്തില്‍ തെരഞ്ഞെടുക്കേണ്ടവയല്ല. കവറേജ് ഇല്ലാതെ തന്നെ നിങ്ങള്‍ തെരഞ്ഞെടുക്കുന്ന ബാങ്കും നിക്ഷേപ പദ്ധതിയും അവയാണെങ്കില്‍ മാത്രം മുന്നോട്ട് പോകേണ്ടവയാണ്. നിങ്ങളുടെ ടേം ഇന്‍ഷുറന്‍സിനെ പകരം വയ്ക്കാന്‍ മറ്റൊന്നിനുമാകില്ല എന്നത് കൂടി നിങ്ങള്‍ ഓര്‍ക്കേണ്ടതാണ്. നിങ്ങളുടെ പ്രതിവര്‍ഷ വരുമാനത്തിന്റെ ചുരുങ്ങിയത് പത്ത് മടങ്ങാണ് ടേം ഇന്‍ഷുറന്‍സ് പോളിസി കവറേജ്. നിങ്ങളുടെ പ്രാഥമിക ഇന്‍ഷുറന്‍സ് പോളിസികള്‍ക്കൊപ്പം അധികമായി ചേര്‍ക്കാം എന്നല്ലാതെ ഇത്തരം സൗജന്യ ഇന്‍ഷുറന്‍സ് പോളിസികളെ മാത്രം ആശ്രയിച്ച് ജീവിതം മുന്നോട്ട് കൊണ്ടുപോകരുത്.
