കെ.സി.സി: ഈ സ്കീമിലൂടെ വെറും 4% പലിശയിൽ ഇൻസ്റ്റൻ്റായി വായ്പ കിട്ടും; എങ്ങനെ അപേക്ഷിക്കാം?

രാജ്യത്തെ ഏറ്റവും വലിയ പ്രതിസന്ധികൾ നേരിടുന്നത് കർഷകരാണ്. പലപ്പോഴും സാമ്പത്തിക വീഴ്ചകളാണ് കർഷകരെ തളർത്തുന്നത്. എന്നാൽ ഇത്തവണ കേന്ദ്ര ബജറ്റിൽ കർഷകർക്ക് നിരവധി ഇളവുകൾ പ്രഖ്യാപിച്ചു. അതിൽ പ്രധാനപ്പെട്ടതാണ് കിസാൻ ക്രെഡിറ്റ് കാർഡ് (കെ.സി.സി) പദ്ധതി. ഇത് ഇന്ത്യാ ഗവൺമെന്റ് ആരംഭിച്ച വായ്പാ പദ്ധതിയാണ്. കർഷകർക്ക് ധനസഹായം നൽകി കൊണ്ട് അവരെ പ്രോത്സാഹിപ്പിക്കുക എന്നതാണ് പ്രധാനമായും ഈ പദ്ധതിയുടെ ലക്ഷ്യം.

എന്താണ് കിസാൻ ക്രെഡിറ്റ് കാർഡ്?

1998-ൽ കർഷകർക്കായി ആരംഭിച്ച ഒരു ഹ്രസ്വകാല വായ്പാ പദ്ധതിയാണ് കെ.സി.സി സ്കീം. വിത്തുകൾ, വളങ്ങൾ, ഉപകരണങ്ങൾ എന്നിവയുൾപ്പെടെയുള്ള കാർഷിക ചെലവുകൾക്ക് ഈ സ്കീമിലൂടെ കർഷകർക്ക് എളുപ്പത്തിൽ വായ്പ നൽകുന്നു. ഇത് ഹ്രസ്വകാല വായ്പകളായതിനാൽ തിരിച്ചടവ് കാലാവധി കുറവായിരിക്കും, മാത്രമല്ല സബ്സിഡി നിരക്കിലുള്ള പലിശ നിരക്കും വാഗ്ദാനം ചെയ്യുന്നു. അതായത് കർഷകർക്ക് കുറഞ്ഞ പലിശ നിരക്കിൽ വായ്പ വാ​ഗ്ദാനം ചെയ്യുന്നു എന്നർത്ഥം.

നല്ല ക്രെഡിറ്റ് സ്കോറുകളുടെ അടിസ്ഥാനത്തിൽ സബ്സിഡികൾ വാഗ്ദാനം ചെയ്യുന്നതിനൊപ്പം, ശരാശരി പലിശ നിരക്കിൽ വായ്പ നൽകുന്നതിലൂടെ ഇത് കടം തീർക്കാൻ എളുപ്പത്തിൽ സഹായിക്കുന്നു. ഈ ക്രെഡിറ്റ് കാർഡിന്റെ കാലാവധി സാധാരണയായി അഞ്ച് വർഷത്തേക്കാണ് പ്രവർത്തിക്കുന്നത്. മാത്രമല്ല നിങ്ങൾ എല്ലാ വർഷവും ഇത് പുതുക്കേണ്ടതുണ്ട്.

ഈ കിസാൻ ക്രെഡിറ്റ് കാർഡിന് അപേക്ഷിക്കുന്നത് എങ്ങനെയാണ്. ഇതിന് നിങ്ങൾ ആവശ്യമായ രേഖകൾ സമർപ്പിച്ചും നിലവിലെ അപേക്ഷാ പ്രക്രിയ പിന്തുടർന്നും കർഷകർക്ക് ബാങ്കുകൾ വഴി കെ.സി.സി സ്കീമിന് അപേക്ഷിക്കാം. വായ്പ എളുപ്പത്തിൽ ലഭിക്കുന്നതിനായി ഇതിന്റെ അപേക്ഷ നടപടികളെല്ലാം ഇപ്പോൾ സർക്കാർ ലളിതമാക്കിയിട്ടുണ്ട്, ഇത് കർഷകരുടെ സാമ്പത്തിക ആവശ്യങ്ങൾ കാര്യക്ഷമമായി നിറവേറ്റാൻ സഹായിക്കുന്നു. ഇനി അപേക്ഷ പ്രക്രിയയെ കുറിച്ച് അറിയാം;

കിസാൻ ക്രെഡിറ്റ് കാർഡിനുള്ള ഓൺലൈൻ അപേക്ഷാ പ്രക്രിയ

കർഷകർക്ക് നിങ്ങളുടെ അടുത്തുള്ള ബാങ്കിൽ നേരിട്ടെത്തി അപേക്ഷാ നടപടികൾ ചെയ്യാം. ചില ബാങ്കുകൾ തടസ്സമില്ലാത്ത ഇടപാടുകൾക്കായി ബയോമെട്രിക് സേവനങ്ങളും വാഗ്ദാനം ചെയ്യുന്നു. ഫോമുകൾ ഓൺലൈനായും ഓഫ്‌ലൈനായും സമർപ്പിക്കാം. പ്രമുഖ ദേശസാൽകൃത ബാങ്കുകൾ, സഹകരണ ബാങ്കുകൾ, പ്രാദേശിക ബാങ്കുകൾ എന്നിവ കെ.സി.സി സ്കീം അപേക്ഷകൾ സ്വീകരിക്കുന്നു. ഇനി ഓൺലൈനായി എങ്ങനെ അപേക്ഷിക്കാമെന്ന് പരിശോധിക്കാം;

• നിങ്ങൾ അപേക്ഷിക്കാൻ ആഗ്രഹിക്കുന്ന ബാങ്കിന്റെ വെബ്സൈറ്റ് സന്ദർശിക്കുക.

• വെബ്സൈറ്റിൽ സർവ്വീസസ് എന്ന പട്ടികയിൽ, കിസാൻ ക്രെഡിറ്റ് കാർഡിന്റെ ഓപ്ഷൻ കാണാം

• അതിനു ശേഷം "അപ്ലൈ" എന്ന ബട്ടണിൽ ക്ലിക്കുചെയ്യുക, അതിലൂടെ ആപ്ലിക്കേഷൻ പേജ് തുറക്കും.

• ഇപ്പോൾ, ഫോമിൽ ആവശ്യമായ എല്ലാ വിവരങ്ങളും പൂരിപ്പിച്ച് സമർപ്പിക്കുക.

• ആവശ്യ വിവരങ്ങൾ സമർപ്പിച്ച ശേഷം നിങ്ങൾക്ക് ഒരു ആപ്ലിക്കേഷൻ റഫറൻസ് നമ്പർ ലഭിക്കും.

• നിങ്ങൾക്ക് ഈ വായ്പക്ക് യോഗ്യതയുണ്ടെങ്കിൽ 3-4 പ്രവൃത്തി ദിവസങ്ങൾക്കുള്ളിൽ ബന്ധപ്പെട്ടവർ നിങ്ങളെ വിളിച്ചേക്കും.

ഈ കാര്യത്തിൽ സംശയമുണ്ടെങ്കിൽ, അപേക്ഷകർ മാർഗനിർദേശത്തിനായി അവരുടെ അടുത്തുള്ള പ്രാദേശിക ബാങ്കുകളെ ബന്ധപ്പെടണമെന്ന് നിർദ്ദേശിക്കുന്നു.

കിസാൻ ക്രെഡിറ്റ് കാർഡ് അപേക്ഷയ്ക്ക് ആവശ്യമായ രേഖകൾ

• രണ്ട് പാസ്‌പോർട്ട് സൈസ് ഫോട്ടോ
• തിരിച്ചറിയൽ രേഖ: ആധാർ കാർഡ്, ഡ്രൈവിംഗ് ലൈസൻസ്, വോട്ടർ ഐഡി, പാസ്‌പോർട്ട് എന്നിവ നൽകാം
• മേൽവിലാസം തെളിയിക്കാൻ: ആധാർ കാർഡ്, ഡ്രൈവിംഗ് ലൈസൻസ് എന്നിവ
• ഭൂമി കൈവശം വയ്ക്കുന്നതിനുള്ള തെളിവ്
• വിള പാറ്റേണും അനുമതി പ്രകാരമുള്ള മറ്റ് രേഖകളും

ഇതെല്ലാം സമർപ്പിച്ചു കഴിഞ്ഞാൽ നിങ്ങൾക്ക് വായ്പ ഉറപ്പാക്കാം. കർഷകർക്ക് 5 ലക്ഷം വരെ വായ്പക്ക് അപേക്ഷിക്കാം. ഇവിടെ 3 ലക്ഷം രൂപ വരെയുള്ള വായ്പകൾക്ക് പലിശ നിരക്കിൽ 7% ഇളവ് വാഗ്ദാനം ചെയ്യുന്നു. തിരിച്ചടവുകൾ കൃത്യമായി നടത്തിയാൽ കർഷകർക്ക് 3% പലിശ സബ്‌സിഡി ഉറപ്പാക്കാം. ഇത് പലിശ നിരക്ക് 4% എന്ന നിരക്കിലേക്ക് എത്തും.