നിക്ഷേപത്തിനായി തയ്യാറെടുക്കുകയാണോ? നികുതി ഇളവ് ലഭിക്കുന്ന നിക്ഷേപ പദ്ധതികള്‍ എങ്ങനെ തെരഞ്ഞെടുക്കാം?

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

ആദായകരമായ വിവിധങ്ങളായ നിക്ഷേപ പദ്ധതികള്‍ വിപണിയില്‍ ലഭ്യമാണ്. നമ്മുടെ നിക്ഷേപത്തിന്റെ ലക്ഷ്യം, നിക്ഷേപകന്റെ പ്രായം, പണം ആവശ്യമായി വരുന്നതിന് മുമ്പ് നിങ്ങള്‍ക്ക് മുന്നിലുള്ള സമയം, റിസ്‌ക് എടുക്കുവാനുള്ള താത്പര്യം തുടങ്ങിയ കാര്യങ്ങളാണ് നിക്ഷേപത്തിന് മുമ്പായി ശ്രദ്ധിക്കേണ്ട പ്രധാനപ്പെട്ട ഘടകങ്ങള്‍. മുതിര്‍ന്ന പൗരന്മാര്‍ക്കാണെങ്കില്‍ അവരുടെ റിട്ടയര്‍മെന്റ് ജീവിതം ആശങ്കാരഹിതവും ആസ്വാദ്യകരവുമാക്കുക എന്നതാണ് നിക്ഷേപത്തിലൂടെ ലക്ഷ്യമിടുന്നത്.

 

Also Read : 10,000 രൂപ നിക്ഷേപത്തില്‍ നേടാം 16 ലക്ഷം; ഈ പോസ്റ്റ് ഓഫീസ് നിക്ഷേപത്തെക്കുറിച്ച് കൂടുതലറിയൂ

നികുതി ഇളവ്

നികുതി ഇളവ്

ആദായ നികുതി നിയമത്തിന് കീഴിലെ വകുപ്പ് 80 സി പ്രകാരം ലഭ്യമാകുന്ന 1.50 ലക്ഷം രൂപ വരെയുള്ള നികുതി ഇളവ് വാഗ്ദാനം ചെയ്യുന്ന നിക്ഷേപ പദ്ധതികള്‍ ഏതൊക്കെയാണെന്നുള്ള അന്വേഷണത്തിലാകും ഓരോ സാമ്പത്തിക വര്‍ഷത്തിന്റെയും ആരംഭത്തില്‍ നിക്ഷേപകര്‍. നികുതി ഇളവിലൂടെയും നിക്ഷേപകര്‍ക്ക് നേട്ടം നല്‍കുന്ന നിക്ഷേപ പദ്ധതികള്‍ ഏതൊക്കെയാണെന്ന് നമുക്കൊന്ന് പരിശോധിക്കാം.

Also Read : എല്‍ഐസിയുടെ പുതിയ ചില്‍ഡ്രന്‍സ് മണി ബാക്ക് പ്ലാന്‍; 150 രൂപയില്‍ നേടാം 19 ലക്ഷം

നികുതി ഇളവുള്ള സ്ഥിര നിക്ഷേപങ്ങള്‍

നികുതി ഇളവുള്ള സ്ഥിര നിക്ഷേപങ്ങള്‍

റിസ്‌ക് എടുക്കുവാന്‍ താത്പര്യമില്ലാത്ത നിക്ഷേപകര്‍ കൂടുതലായും തെരഞ്ഞെടുക്കുന്ന നിക്ഷേപ പദ്ധതിയാണ് സ്ഥിര നിക്ഷേപങ്ങള്‍. സാധാരണ സ്ഥിര നിക്ഷേപങ്ങള്‍ നിക്ഷേപകര്‍ക്ക് താത്പര്യമുള്ള നിക്ഷേപ കാലയളവ് തെരഞ്ഞെടുക്കുവാന്‍ അനുവദിക്കുമ്പോള്‍ നികുതി ഇളവ് വാഗ്ദാനം ചെയ്യുന്ന സ്ഥിര നിക്ഷേപങ്ങള്‍ക്ക് ചുരുങ്ങിയത് 5 വര്‍ഷത്തെ ലോക്ക് ഇന്‍ പിരീഡ് ഉണ്ട്. ഈ നികുതി രഹിത സ്ഥിര നിക്ഷേപങ്ങളിലൂടെ മുതിര്‍ന്ന പൗരന്മാര്‍ക്ക് 1.50 ലക്ഷം രൂപ വരെ നികുതി നേട്ടം സ്വന്തമാക്കുവാന്‍ സാധിക്കും.

കൂടാതെ പലിശാദായം ലഭിക്കുന്ന കാലയളവ് തെരഞ്ഞെടുക്കുവാനും നിക്ഷേപകന് സാധിക്കും. പ്രതിമാസ നിരക്കിലോ, പാദ വാര്‍ഷികമായോ വാര്‍ഷിക രീതിയിലോ പലിശ സ്വീകരിക്കാവുന്നതാണ്. രാജ്യത്തെ ഏറ്റവും വലിയ പൊതുമേഖലാ ബാങ്കായ സ്റ്റേറ്റ് ബാങ്ക് ഓഫ് ഇന്ത്യ മുതിര്‍ന്ന പൗരന്മാരുടെ നികുതി മുക്ത സ്ഥിര നിക്ഷേപങ്ങള്‍ക്ക് 6.2 ശതമാനം പലിശ നിരക്കാണ് വാഗ്ദാനം ചെയ്യുന്നത്.

സീനിയര്‍ സിറ്റിസണ്‍ സേവിംഗ്‌സ് സ്‌കീം

സീനിയര്‍ സിറ്റിസണ്‍ സേവിംഗ്‌സ് സ്‌കീം

മുതിര്‍ന്ന പൗരന്മാര്‍ക്കിടയില്‍ ഏറെ ജനപ്രീതിയുള്ള മറ്റൊരു നികുതി ഇളവ് ലഭിക്കുന്ന നിക്ഷേപ പദ്ധതിയാണ് സീനിയര്‍ സിറ്റിസണ്‍ സേവിംഗ്‌സ് സ്‌കീം. അടുത്തുള്ള ബാങ്ക് ശാഖയിലോ, പോസ്റ്റ് ഓഫീസ് ശാഖയിലോ വയസ്സ് തെളിയിക്കുന്ന രേഖ സമര്‍പ്പിച്ചാല്‍ നിങ്ങള്‍ക്ക് സീനിയര്‍ സിറ്റിസണ്‍ സേവിംഗ്‌സ് സ്‌കീം അക്കൗണ്ട് ആരംഭിക്കാം. ബാങ്കില്‍ ആരംഭിച്ചാലും പോസ്റ്റ് ഓഫീസില്‍ ആരംഭിച്ചാലും ഈ പദ്ധതിയില്‍ നിക്ഷേപകര്‍ക്ക് ലഭിക്കുന്ന പലിശ നിരക്ക് സമാനമായിരിക്കും. നിലവില്‍ 7.4 ശതമാനമാണ് സീനിയര്‍ സിറ്റിസണ്‍ സേവിംഗ്‌സ് സ്‌കീമില്‍ ലഭിക്കുന്ന പലിശ നിരക്ക്. 1,000 രൂപയുടെ ഗുണിതങ്ങളായി നിങ്ങള്‍ക്ക് പദ്ധതിയില്‍ നിക്ഷേപം നടത്താവുന്നതാണ്.

പബ്ലിക് പ്രൊവിഡന്റ് ഫണ്ട്

പബ്ലിക് പ്രൊവിഡന്റ് ഫണ്ട്

മികച്ച നേട്ടവും അതിനൊപ്പം നികുതി ഇളവും വാഗ്ദാനം ചെയ്യുന്ന ഏറെ ജനപ്രീതിയുള്ള മറ്റൊരു നിക്ഷേപ പദ്ധതിയാണ് പബ്ലിക് പ്രൊവിഡന്റ് ഫണ്ട് നിക്ഷേപങ്ങള്‍. ഏറ്റവും ചുരുങ്ങിയത് 500 രൂപ നിക്ഷേപം നടത്തിക്കൊണ്ട് അടുത്തുള്ള ബാങ്ക് ശാഖയിലോ, പോസ്റ്റ് ഓഫീസ് ശാഖയിലോ പബ്ലിക് പ്രൊവിഡന്റ് ഫണ്ട് അക്കൗണ്ട് ആരംഭിക്കാം. ഒരു സാമ്പത്തിക വര്‍ഷത്തില്‍ നിങ്ങള്‍ക്ക് പബ്ലിക് പ്രൊവിഡന്റ് ഫണ്ട് അക്കൗണ്ടില്‍ നിക്ഷേപം നടത്തുവാന്‍ സാധിക്കുന്ന പരമാവധി തുക 1.50 ലക്ഷം രൂപയാണ്. 15 വര്‍ഷമാണ് പിപിഎഫ് നിക്ഷേപത്തിന്റെ മെച്യൂരിറ്റി കാലയളവ്. നിക്ഷേപ തുകയ്ക്കും, പലിശ ആദായത്തിനും മെച്യൂരിറ്റി തുകയ്ക്കും പിപിഎഫില്‍ നികുതി ഇളവ് ലഭിക്കുന്നതാണ്.

Read more about: investment cryptocurrency
English summary

know available tax-saving opportunities to avail deductions under Section 80C of the Income Tax Act

know available tax-saving opportunities to avail deductions under Section 80C of the Income Tax Act
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X