1 കോടി രൂപ നേടാൻ വഴി തേടുകയാണോ? ഇതൊന്ന് പരീക്ഷിക്കൂ... ക്ഷമ വേണമെന്ന് മാത്രം

സിസ്റ്റമാറ്റിക് ഇൻവെസ്റ്റ്മെന്റ് പ്ലാൻ അഥവാ എസ്ഐപി എന്നത് നിക്ഷേപകർക്ക് സുപരിചിതമായ തന്ത്രമാണ്. മ്യൂച്വല്‍ ഫണ്ടുകളില്‍ നിക്ഷേപിക്കാനുള്ള ഏറ്റവും ജനപ്രിയ മാര്‍ഗമാണ് ഇന്ന് സിസ്റ്റമാറ്റിക് ഇന്‍വെസ്റ്റ്‌മെന്റ് പ്ലാന്‍. നിശ്ചിത തുക നിശ്ചിത ഇടവേളകളിൽ നിക്ഷേപിക്കുന്ന രീതിയെയാണ് സിസ്റ്റമാറ്റിക്ക് ഇൻവെസ്റ്റ്മെന്റ് പ്ലാൻ എന്നു പറയുന്നത്. അതുകൊണ്ടു തന്നെ നിക്ഷേപകന് ഇഷ്ടമുള്ള ഒരു മ്യൂച്വല്‍ ഫണ്ടില്‍ സൗകര്യത്തിനനുസരിച്ച് നിശ്ചിത തുക വ്യത്യസ്ത തവണകളായി നിക്ഷേപിക്കാം. അതിനുള്ള സൗകര്യം തന്നെയാണ് സിസ്റ്റമാറ്റിക് ഇന്‍വെസ്റ്റ്‌മെന്റ് പ്ലാനിന്റെ പ്രത്യേകതയും. ഓഹരി വിപണിയില്‍ നേരിട്ടോ അല്ലാതെയോ നിക്ഷേപം നടത്താന്‍ ആഗ്രഹിക്കാത്ത ആളുകള്‍ക്ക് എസ്‌ഐപി അല്ലെങ്കില്‍ സിസ്റ്റമാറ്റിക് ഇന്‍വെസ്റ്റ്‌മെന്റ് പ്ലാന്‍ നല്ലതാണ്.

നിക്ഷേപകര്‍ക്ക് 500 രൂപയില്‍ നിന്ന് നിക്ഷേപം ആരംഭിക്കാന്‍ കഴിയുന്ന നിരവധി എസ്ഐപി പദ്ധതികള്‍ വിപണിയില്‍ ഉണ്ട്. സിസ്റ്റമാറ്റിക് ഇൻവെസ്റ്റ്‌മെന്റ് പ്ലാനുകൾ വഴിയുള്ള മ്യൂച്വൽ ഫണ്ട് നിക്ഷേപം കഴിഞ്ഞ കുറച്ച് വർഷങ്ങളായി ജനപ്രീതി നേടിയിട്ടുണ്ട്. എസ്ഐപി വഴിയുള്ള നിക്ഷേപം മാർക്കറ്റ് റിസ്ക് കുറയ്ക്കുകയും വിപണി വീണ്ടെടുക്കുമ്പോൾ നഷ്ടം സന്തുലിതമാക്കുകയും ചെയ്യുന്നു എന്നതാണ് ഈ ജനപ്രീതിക്ക് കാരണം. രണ്ടാമതായി, മ്യൂച്വൽ ഫണ്ടുകൾ അവരുടെ പൂൾ വൈവിധ്യമാർന്ന സ്റ്റോക്കുകളിൽ നിക്ഷേപിക്കുന്നു, ഇത് ചില സ്റ്റോക്കുകൾ മോശമായാലും മാർക്കറ്റ് റിസ്ക് കുറയ്ക്കാൻ സഹായിക്കും.

സിസ്റ്റമാറ്റിക് ഇൻവെസ്റ്റ്‌മെന്റ് പ്ലാൻ അക്കൗണ്ട് എങ്ങനെ തുറക്കാമെന്ന് നോക്കാം

ഡോക്യുമെന്റുകൾ

വിലാസ തെളിവ്, പാൻ കാർഡ്, ഐഡി പ്രൂഫ് എന്നിവയാണ് അക്കൗണ്ട് തുറക്കാൻ ആവശ്യമായ രേഖകൾ. പാസ്‌പോർട്ടിന്റെയോ ഡ്രൈവിംഗ് ലൈസൻസിന്റെയോ പകർപ്പുകൾ ഐഡി പ്രൂഫായി നിങ്ങൾക്ക് നൽകാം.

കെ.വൈ.സി

എല്ലാ രേഖകളും തയ്യാറായിക്കഴിഞ്ഞാൽ, നിക്ഷേപം ആരംഭിക്കുന്നതിന് മുമ്പ് കെ.വൈ.സി (ഉപഭോക്താവിനെ അറിയുക) അഭ്യർത്ഥന പൂർത്തിയാക്കേണ്ടതുണ്ട്. അതിനായി, ബാങ്കിലോ പോസ്റ്റ് ഓഫീസിലോ ഒരു അപേക്ഷാ ഫോം പൂരിപ്പിക്കേണ്ടതുണ്ട്, അല്ലെങ്കിൽ ഓൺലൈനായും ചെയ്യാം.

എസ്ഐപി സൈൻ ഇൻ ചെയ്യുക

കെ‌വൈ‌സിക്ക് ശേഷം, ഒരു ഇന്ത്യൻ ബ്രോക്കർ അല്ലെങ്കിൽ ഒരു സാമ്പത്തിക ഉപദേഷ്ടാവുമായി സ്വയം രജിസ്റ്റർ ചെയ്യുക. രജിസ്ട്രേഷന് ശേഷം, നിങ്ങൾ നിക്ഷേപിക്കാൻ ആഗ്രഹിക്കുന്ന ഏത് എസ്ഐപി പ്ലാനും നിങ്ങൾക്ക് തിരഞ്ഞെടുക്കാം.

തീയതി തിരഞ്ഞെടുക്കുക

നിങ്ങളുടെ സൗകര്യത്തിനനുസരിച്ച് ഒരു തീയതി തിരഞ്ഞെടുക്കുക. വ്യത്യസ്ത എസ്ഐപികൾക്കായി ഏത് തീയതിയും തിരഞ്ഞെടുക്കാം.

നിങ്ങളുടെ ഫോം സമർപ്പിക്കുക

ഒരു മ്യൂച്വൽ ഫണ്ട് തീരുമാനിച്ചുകഴിഞ്ഞാൽ, ഫണ്ട് ഹൗസിനെ ആശ്രയിച്ച് ഓൺലൈനായോ ഓഫ്‌ലൈനായോ പേപ്പർ വർക്ക് പൂർത്തിയാക്കി എസ്ഐപി ആരംഭിക്കാം. ഒരു ഡീമാറ്റ് അക്കൗണ്ട് ഉണ്ടെങ്കിൽ എസ്ഐപി ഓൺലൈനായി സമർപ്പിക്കാം. എല്ലാ മാസവും 6000 രൂപ എസ്ഐപി വഴി നിക്ഷേപിക്കാൻ തയ്യാറായ ഒരു നിക്ഷേപകന് വിവിധ കാലയളവുകളിൽ എത്ര രൂപ റിട്ടേൺ നേടാൻ സാധിക്കുമെന്ന് നോക്കാം.

30 ലക്ഷം നേടാം

ഒരു മാസം ശരാശരി 6000 രൂപയുടെ നിക്ഷേപം 15 വർഷത്തേക്ക് തുടർന്നാൽ മൊത്തം നിക്ഷേപം 10,80,000 രൂപ നിക്ഷേപിക്കണം. എല്ലാ വർഷവും ശരാശരി 12 ശതമാനം വരുമാനം ലഭിക്കുകയാണെങ്കിൽ അതുവഴി 19,47,456 രൂപ നേടാം. അതായത് 15 വർഷം പൂർത്തിയാകുമ്പോൾ ആകെ 30,27,456 രൂപ നേടാം.

25 വർഷം കൊണ്ട് കോടീശ്വരൻ

എല്ലാ മാസവും 6000 രൂപ 25 വർഷത്തേക്ക് നിക്ഷേപിച്ചാൽ ആകെ നിക്ഷേപിക്കുന്ന തുക 18,00,000 ആയിരിക്കും. 12 ശതമാനം റിട്ടേൺ ലഭിച്ചാൽ 95,85,811 രൂപ നേടാം. അങ്ങനെയെങ്കിൽ ആകെ ലഭിക്കുന്ന തുക 1,13,85,811 രൂപ ആയിരിക്കും. അതായത് 25ആം വയസ്സിൽ നിക്ഷേപം ആരംഭിക്കുന്ന ഒരാൾക്ക് 50 വയസ്സാകുമ്പോഴേക്കും കോടീശ്വരനായി മാറാമെന്ന് സാരം.

അറിയിപ്പ്: മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.