Just In
-
-
-
-
Don't Miss
-
ദാമ്പത്യത്തില് വഴക്കുകള് പതിവ്, പരസ്പര വിയോജിപ്പ് അവസാനിപ്പിക്കാന് വേണ്ടത് ഈ 7 കാര്യം -
സ്വര്ണവില വീണ്ടും മാറി; ഇന്നലെ ബുക്ക് ചെയ്തവര്ക്ക് നേട്ടം... ചാഞ്ചാട്ട സാധ്യത, ഗ്രാം വില അറിയാം -
ട്രെയിനുമുണ്ട്, ടിക്കറ്റുമുണ്ട്, വോട്ട് ചെയ്യാൻ നാട്ടിൽ വരാം... മടക്ക യാത്രയ്ക്കും തീവണ്ടി -
പപ്പടം പോലെ പൊടിയില്ല! കുട്ടികളുടെ സുരക്ഷയിൽ 5-സ്റ്റാർ നേടി കാരെൻസ്; മുതിർന്നവരുടെ കാര്യത്തിൽ മെച്ചപ്പെടണം -
T20 World Cup 2024: കീപ്പിങ്ങില് മിന്നിച്ച് രാഹുല്, പക്ഷെ സഞ്ജുവിനോളം വരുമോ? പോരാട്ടം കടുക്കുന്നു -
ബാലൻസില്ലെങ്കിലും ഇത് ചെയ്തിരിക്കണം! SBI അക്കൗണ്ടുമായി പുതിയ മൊബൈൽ നമ്പർ ലിങ്ക് ചെയ്യാനുള്ള വഴി -
'കഴമ്പുണ്ടെന്ന് തോന്നുന്ന പ്രസ്താവനകളില്ല ബാലിശമായ വെല്ലുവിളി മാത്രം, പിന്നെങ്ങനെ സിജോ വരുമ്പോൾ കളി മാറും?'
രാകേഷ് ജുന്‍ജുന്‍വാലയുടെ നിക്ഷേപ പോര്‍ട്ട് ഫോളിയോ ഇപ്പോള്‍ വീണ്ടും വാര്‍ത്തകളില്‍ നിറഞ്ഞിരിക്കുകയാണ്. സ്‌മോള്‍ ക്യാപ് കമ്പനിയായ രാഘവ് പ്രൊഡക്ടിവിറ്റി എന്‍ഹാന്‍സേഴ്‌സിന്റെ റെഗുലേറ്ററി ഫയലിംഗിന് ശേഷമാണിത്. ഇന്ത്യന്‍ വാറന് ബഫറ്റ് എന്ന് വിശേഷിപ്പിക്കപ്പെടുന്ന രാകേഷ് ജുന്‍ജുന്‍വാല രാഘവ് പ്രൊഡക്ടിവിറ്റി എന്‍ഹാന്‍സേഴ്‌സിന്റെ 6 ലക്ഷം അണ്‍സെക്യുവേര്‍ഡ് കമ്പല്‍സറി കണ്‍വേര്‍ട്ടിബിള്‍ ഡിബഞ്ചറുകളാണ് വാങ്ങിക്കുവാന്‍ തയ്യാറെടുക്കുന്നത്. 30.9 കോടി രൂപയുടെ നിക്ഷേപമാണിത്.
രാഘവ് പ്രൊഡക്ടിവിറ്റി എന്‍ഹാന്‍സേഴ്‌സ്
ആഗസ്ത് മാസം തുടക്കത്തിലാണ് കമ്പനി ഈ വാര്‍ത്ത പുറത്ത് വിട്ടിരിക്കുന്നത്. റീട്ടെയില്‍ നിക്ഷേപകര്‍ക്ക് ഇതൊരു സുവര്‍ണാവസരമായി മാറുകയും ചെയ്്തു. വാര്‍ത്ത പുറത്തു വന്നത് മുതല്‍ ഇതിനോടകം തന്നെ കമ്പനിയുടെ സ്‌മോള്‍ ക്യാപ് ഓഹരികളുടെ വില 27 ശതമാനത്തിലേറെ കുതിച്ചു ചാട്ടം നടത്തിയിരിക്കുകയാണ്. 2016 ഏപ്രില്‍ 13നാണ് ബോംബൈ സ്‌റ്റോക്ക് എക്‌സ്‌ചേഞ്ചില്‍ രാഘവ് പ്രൊഡക്ടിവിറ്റി എന്‍ഹാന്‍സേഴ്‌സിന്റെ ഓഹരികള്‍ ലിസ്റ്റ് ചെയ്യപ്പെട്ടത്. 39 രൂപയായിരുന്നു ഐപിഒയുടെ ഇഷ്യു വില. 2016 ഏപ്രിലില്‍ ലിസ്റ്റ് ചെയ്ത കമ്പനി ഓഹരികള്‍ ഇക്കഴിഞ്ഞ ദിവസം ഒരു ഓഹരിക്ക് 1008.50 രൂപ വരെ എത്തിയിരുന്നു.
ആറ് മാസത്തില്‍ 273 ശതമാനം ഉയര്‍ന്ന ആദായം
കഴിഞ്ഞ മാസത്തില്‍ രാഘവ് പ്രൊഡക്ടിവിറ്റി എന്‍ഹാന്‍സേഴ്‌സ് 80 ശതമാനം ആദായമാണ് നിക്ഷേപകര്‍ക്ക് നല്‍കിയിരിക്കുന്നത്. 504.85 രൂപയില്‍ നിന്നും 912.50 രൂപയിലേക്ക് ഇക്വിറ്റി ഓഹരികളുടെ വില ഈ ഒരു മാസ കാലയളവില്‍ വളര്‍ന്നു. കഴിഞ്ഞ 6 മാസത്തെ കണക്കുകള്‍ പരിശോധിക്കുകയാണെങ്കില്‍ രാഘവ് പ്രൊഡക്ടിവിറ്റി എന്‍ഹാന്‍സേഴ്‌സ് 273 ശതമാനം ഉയര്‍ന്ന ആദായമാണ് നിക്ഷേപകര്‍ക്ക് നല്‍കിയത്. 244.45 രൂപയില്‍ നിന്നും 912.50 രൂപയിലേക്ക് ആറ് മാസത്തില്‍ രാഘവ് പ്രൊഡക്ടിവിറ്റി എന്‍ഹാന്‍സേഴ്‌സിന്റെ ഓഹരി വില ഉയര്‍ന്നു.
ഒരു വര്‍ഷത്തില്‍ 735 ശതമാനം ആദായം
109.25 രൂപയില്‍ നിന്നും 912.50 രൂപയായാണ് കഴിഞ്ഞ ഒരു വര്‍ഷത്തില്‍ രാഘവ് പ്രൊഡക്ടിവിറ്റി എന്‍ഹാന്‍സേഴ്‌സിന്റെ ഓഹരി വിലയില്‍ വര്‍ധനവ് ഉണ്ടായിരിക്കുന്നത്. അതായത് ഒരു വര്‍ഷത്തില്‍ 735 ശതമാനം ആദായം. ഇനി കഴിഞ്ഞ 5 വര്‍ഷത്തെ കമ്പനിയുടെ പ്രകടനം പരിശോധിക്കുകയാണെങ്കില്‍ കമ്പനി സ്വന്തമാക്കിയിരിക്കുന്നത് ആകെ 2,032.50 ശതമാനത്തിന്റെ വളര്‍ച്ചയാണ്. അഞ്ച് വര്‍ഷങ്ങള്‍ക്ക് മുമ്പ് 42.79 രൂപയായിരുന്നു രാഘവ് പ്രൊഡക്ടിവിറ്റി എന്‍ഹാന്‍സേഴ്‌സിന്റെ ഓഹരി വില. 5 വര്‍ഷം പിന്നിട്ട് 2021 ആഗസ്ത് മാസം ആദ്യ വാരത്തില്‍ കമ്പനിയുടെ ഓഹരി വില 912.50 രൂപയിലാണ് എത്തി നില്‍ക്കുന്നത്.
1 ലക്ഷം 21.32 ലക്ഷം രൂപയായി വളര്‍ന്നു
അതായത് നിങ്ങള്‍ 1 ലക്ഷം രൂപ 5 വര്‍ഷങ്ങള്‍ക്ക് മുമ്പ് രാഘവ് പ്രൊഡക്ടിവിറ്റി എന്‍ഹാന്‍സേഴ്‌സിന്റെ ഓഹരികളില്‍ നിക്ഷേപിച്ചിരുന്നുവെങ്കില്‍, ഇപ്പോഴും ആ നിക്ഷേപം നിലനിര്‍ത്തുകയാണ് എങ്കില്‍ നിങ്ങളുടെ ആ 1 ലക്ഷം രൂപ ഇന്ന് 21.32 ലക്ഷം രൂപയായി വളര്‍ന്നിരിക്കും. കഴിഞ്ഞ കാലങ്ങളിലെ പ്രകടനം വിലയിരുത്തുമ്പോള്‍ ഏറ്റവും മികച്ച ആദായം തന്നെ ഓഹരി ഉടമകള്‍ക്ക് വാഗ്ദാനം ചെയ്തിരിക്കുന്ന ഒരു കമ്പനിയിലാണ് രാകേഷ് ജുന്‍ജുന്‍ വാല ഇപ്പോള്‍ നിക്ഷേപത്തിന് തയ്യാറെടുക്കുന്നത് എന്ന് നമുക്ക് നിസ്സംശ്ശയം പറയാം.
