ഈ മാസത്തെ ആദ്യ ബാങ്ക് അവധി ഇന്ന്; ബാങ്ക് അവധിയുള്ള മറ്റ് ദിവസങ്ങള്‍ ഏതൊക്കെയെന്ന് നോക്കാം

പെട്ടെന്ന് എന്തെങ്കിലും അടിയന്തിര ആവശ്യത്തിന് ഓടിപ്പിടിച്ച് ബാങ്കിന് മുന്നിലെത്തുമ്പോഴായിരിക്കും ബോധം വരിക, അയ്യോ ഇന്ന് ബാങ്ക് അവധിയാണല്ലോ എന്ന്. ഈ ഒരനുഭവത്തിലൂടെ കടന്ന് പോകാത്തവര്‍ ചുരുക്കമായിരിക്കും.

ഓരോ മാസവും നേരത്തെ തന്നെ ബാങ്ക് അവധിയുള്ള ദിവസങ്ങള്‍ മനസ്സിലാക്കി വച്ച് നമ്മുടെ സാമ്പത്തിക ഇടപാടുകള്‍ അതിനനുസരിച്ച് ആസൂത്രണം ചെയ്യുന്ന ശീലമാണ് നല്ലത്. ഏതായാലും പുതിയ സാമ്പത്തിക വര്‍ഷത്തിന്റെ ആദ്യ മാസമായ ഈ ഏപ്രില്‍ മാസത്തെ ബാങ്ക് അവധി ദിവങ്ങള്‍ ഏതൊക്കയാണെന്ന് നമുക്ക് നോക്കാം.

റിസര്‍സ് ബാങ്കിന്റെ റിപ്പോര്‍ട്ട് പ്രകാരം 9 ദിവസങ്ങളാണ് ഏപ്രില്‍ മാസത്തില്‍ ബാങ്കുകള്‍ക്ക് അവധിയുള്ളത്. ഇത് ഓരോ സംസ്ഥാനങ്ങള്‍ക്കും ഓരോ ബാങ്കുകള്‍ക്കും ചിലപ്പോള്‍ വ്യത്യാസപ്പെട്ടിരിക്കുമെന്ന് ശ്രദ്ധിക്കേണം. ഓരോ സംസ്ഥാനത്തിന്റെയും പ്രത്യേക ആഘോഷ ദിവസങ്ങള്‍ പരിഗണിച്ചാണ് റിസര്‍വ് ബാങ്ക് അവധി ദിവസങ്ങള്‍ പ്രഖ്യാപിക്കുക.

ധാരാളം ബാങ്ക് അവധി ദിവസങ്ങളുള്ള മാസമാണ് ഏപ്രില്‍. ആദ്യത്തെ അവധി ദിനമായ ഏപ്രില്‍ 1ന് ബാങ്കുകള്‍ അവരുടെ വാര്‍ഷിക അക്കൗണ്ടുകള്‍ ക്ലോസ് ചെയ്യുന്നതിനായുള്ള പ്രവര്‍ത്തനങ്ങളിലായിരിക്കും.

2021 ഏപ്രില്‍ മാസത്തെ രാജ്യത്തെ ബാങ്ക് അവധി ദിവസങ്ങള്‍ ഇവയൊക്കെയാണ്.

1. ഏപ്രില്‍ 1 വാര്‍ഷിക അക്കൗണ്ടുകള്‍ ബാങ്കുകള്‍ ക്ലോസ് ചെയ്യുന്ന ദിനം
2. ഏപ്രില്‍ രണ്ട് - ദുഖവെള്ളി
3. ഏപ്രില്‍ 5 - ബാബു ജഗ്ജീവന്‍ റാം ജന്മദിവം
4. ഏപ്രില്‍ 6 -പൊതു തിരഞ്ഞെടുപ്പ്
5. ഏപ്രില്‍ 13 -ഗുഡി പഡ്വ
6. ഏപ്രില്‍ 14- വിഷു
7. ഏപ്രില്‍ 15 - ഹിമാചല്‍ ദിനം, ബംഗാളി പുതുവര്‍ഷം
8. ഏപ്രില്‍ 16- ബൊഹാഗ് ബിഹു
9. ഏപ്രില്‍ 21 - ശ്രീരാമ നവമി

നെഗോഷ്യബിള്‍ ഇന്‍ഷ്ട്രുമെന്റ്‌സ് ആക്ട്, നെഗോഷ്യബിള്‍ ഇന്‍ഷ്ട്രുമെന്റ് ആക്ട് ആന്റ് റിയല്‍ ടൈം ഗ്രോസ് സെറ്റില്‍മെന്റ് അവധി എന്നിങ്ങനെ രണ്ട് തരത്തിലാണ് റിസേര്‍വ് ബാങ്ക് ബാങ്ക് അവധി ദിനങ്ങള്‍ പ്രഖ്യാപിക്കുന്നത്.