കൊഡാക് മഹീന്ദ്ര ബാങ്ക് സ്ഥിര നിക്ഷേപങ്ങളുടെ പലിശ നിരക്ക് പുതുക്കി ; അറിയാം

കൊഡാക് മഹീന്ദ്ര ബാങ്ക് സ്ഥിര നിക്ഷേപങ്ങളുടെ പലിശ നിരക്ക് പുതുക്കി. 7 ദിവസം മുതല്‍ 30 വരെയുള്ള സ്ഥിര നിക്ഷേപങ്ങള്‍ക്ക് 2.5 ശതമാനവും 31 മുതല്‍ 90 ദിവസം വരെയുള്ള നിക്ഷേപങ്ങള്‍ക്ക് 2.75 ശതമാനവും 91 മുതല്‍ 179 ദിവസം വരെയുള്ള സ്ഥിര നിക്ഷേപങ്ങള്‍ക്ക് 3.25 ശതമാനവുമാണ് പുതുക്കിയ പലിശ നിരക്ക്.

180 ദിവസം മുതല്‍ ഒരു വര്‍ഷത്തില്‍ താഴെ വരെയുള്ള ടേം ഡെപ്പോസിറ്റുകള്‍ക്ക് 4.40 ശതമാനമാണ് കൊഡാക് മഹീന്ദ്ര ബാങ്ക് നല്‍കുന്ന പലിശ നിരക്ക്. ഒരു വര്‍ഷം മുതല്‍ 389 ദിവസങ്ങള്‍ വരെയുള്ള നിക്ഷേപങ്ങള്‍ക്ക് 4.50 ശതമാനം പലിശ നിരക്ക് ലഭിക്കും.

390 ദിവസങ്ങള്‍ മുതല്‍ 23 മാസം വരെയുള്ള സ്ഥിര നിക്ഷേപങ്ങള്‍ക്ക് 4.90 ശതമാനമാണ് പലിശ നിരക്ക്. 23 മാസം മുതല്‍ 3 വര്‍ഷം വരെയുള്ള നിക്ഷേപങ്ങള്‍ക്ക് 5 ശതമാനം പലിശ നിരക്ക് ലഭിക്കും. 3 വര്‍ഷം മുതല്‍ 4 വര്‍ഷം വരെയുള്ള 5.10 ശതമാനമാണ് പലിശ നിരക്ക്. 4 വര്‍ഷം മുതല്‍ 5 വര്‍ഷം വരെയുള്ള നിക്ഷേപങ്ങള്‍ക്ക് ലഭിക്കുന്ന പലിശ നിരക്ക് 5.25 ശതമാനമാണ്. 5 വര്‍ഷം മുതല്‍ 10 വര്‍ഷം വരെ കാലാവധിയുള്ള നിക്ഷേപങ്ങള്‍ക്ക് 5.30 ശതമാനം പലിശ നിരക്ക് ലഭിക്കും.

2021 മാര്‍ച്ച് 25 മുതല്‍ പുതിയ നിരക്ക് നിലവില്‍ വരും.

മുതിര്‍ന്ന പൗരന്മാര്‍ക്ക് മറ്റ് നിക്ഷേപകരെക്കാളും 50 ബേസിസ് പോയിന്റുകള്‍ അധികം ഉയര്‍ന്ന പലിശ നിരക്ക് ലഭിക്കും. 7 ദിവസം മുതല്‍ 10 വര്‍ഷം വരെ കാലാവധിയുള്ള നിക്ഷേപങ്ങള്‍ക്ക് മുതിര്‍ന്ന പൗരന്മാര്‍ക്ക് ലഭിക്കുന്ന പലിശ നിരക്ക് 3 ശതമാനം മുതല്ഡ 5.8 ശതമാനം വരെയാണ്.