ജൂൺ 30നു മുന്നേ കെഎസ്എഫ്ഇ ചിട്ടിയിൽ ചേർന്നാൽ ഒരു ഫ്യുവൽ കാർഡ് സ്വന്തമാക്കാം: ഹാർമണി ചിട്ടീസ് 2025

കെഎസ്എഫ്ഇ ചിട്ടികൾ കൂടുതൽ സാമ്പത്തിക ഭദ്രതയും നേട്ടവും വാ​ഗ്ദാനം ചെയ്യുന്നു. ഓരോ ചിട്ടിയിലും നിങ്ങളുടെ സാമ്പത്തിക ആവശ്യകത മനസിലാക്കിയ ശേഷം മാത്രം ചേരുന്നതാണ് നല്ലത്. 2025-26 വർഷത്തേക്ക് കെഎസ്എഫ്ഇ ഇപ്പോൾ പുതിയ ചിട്ടി സ്കീം അവതരിപ്പിച്ചിട്ടുണ്ട്. 2025 ഏപ്രിൽ 1 മുതലാണ് ഈ സ്കീം പ്രാബല്യത്തിൽ വന്നത്. ഹാർമണി ചിട്ടീസ് 2025 എന്നറിപ്പെടുന്ന ഈ പുതിയ പദ്ധതിയുടെ ഭാ​ഗമായി ചേരുന്ന എല്ലാ ചിട്ടികളിലും ഭാ​ഗ്യശാലികൾ ഒളിഞ്ഞിരിപ്പുണ്ട്.

ഫ്യുവൽ കാർഡ് കിട്ടും...

ജൂൺ 30നുള്ളിൽ ഹാർമണി ചിട്ടീസിനു കീഴിലുള്ള ഏതെങ്കിലും കെഎസ്എഫ്ഇ ചിട്ടിയിൽ ചേർന്നാൽ ലഭിക്കുന്നത് 1,500 രൂപ വിലമതിക്കുന്ന ഒരു ഫ്യുവൽ കാർഡാണ്. ഇനി വെറും 5 ദിവസം മാത്രം ബാക്കി നിൽക്കേ ഈ സുവർണാവസരം ഉപയോ​ഗപ്പെടുത്താം. നിങ്ങളായിരിക്കും ആ ഭാഗ്യശാലി.

ഹാർമണി ചിട്ടീസ് 2025 പദ്ധതി നാല് സീരീസുകളിലായിട്ടാണ് അവതരിപ്പിക്കുന്നത്. ഓരോ സീരീസും 3 മാസത്തേക്കാണ്. അത്തരത്തിൽ ഓരോ സീരീസും അവസാനിക്കുമ്പോൾ നറുക്കെടുപ്പിലൂടെ ബ്രാഞ്ച് തലത്തിൽ ഭാ​ഗ്യശാലികളെ തിരഞ്ഞെടുക്കുന്നു. ആദ്യത്തെ സീരീസാണ് ജൂൺ 30ന് അവസാനിക്കുന്നത്. അതിനാൽ ഈ കാലാവധി അവസാനിക്കുമ്പോൾ തിരഞ്ഞെടുത്ത അഞ്ചു പേരിൽ നിന്നും ഒരാൾക്ക് നറുക്കെടുപ്പിലൂടെ 1500 രൂപ വില വരുന്ന ഒരു ഫ്യുവൽ കാർഡ് സമ്മാനമായി ലഭിക്കും. ഈ കാർഡ് പെട്രോൾ പമ്പുകളിൽ ഉപയോ​ഗിക്കാം.

സിം​ഗപ്പൂരിലേക്ക് യാത്ര പോവാം...

ഇതിനു പുറമേ ഒരു ബമ്പർ സമ്മാനവുമുണ്ട്. അതായത് ഈ ഹാർമണി ചിട്ടീസ് അവസാനിക്കുമ്പോൾ ഈ ഒരു വർഷത്തിൽ നിന്നും തിരഞ്ഞെടുത്തവരിൽ നിന്നും 100 ഭാ​ഗ്യശാലികൾക്ക് സിം​ഗപ്പൂരിലേക്ക് യാത്ര പോവാം. ഇതാണ് ഇത്തവണ ബമ്പർ സമ്മാനം. എന്നാൽ ഈ സമ്മാനങ്ങളും ഭാ​ഗ്യവും എല്ലാവർക്കും അത്ര എളുപ്പത്തിൽ ലഭിക്കില്ല. അതിന് ചില കാര്യങ്ങൾ ശ്രദ്ധിക്കണം....

ചിട്ടിയിൽ ചേർന്നാൽ ശ്രദ്ധിക്കേണ്ട കാര്യങ്ങൾ....

നിങ്ങൾ ചേരുന്ന ചിട്ടിയിൽ തവണകൾ മുടങ്ങാതെ കൃത്യമായ പ്രതിമാസം തുക അടക്കുന്നവർക്ക് മാത്രമാണ് ഈ നറുക്കെടുപ്പിൽ യോ​ഗ്യത ലഭിക്കുന്നത്. അതിനാൽ ചിട്ടിയിൽ ചേർന്നവർ മുടങ്ങാതെ തവണകൾ അടക്കേണ്ടതുണ്ട്. ചിട്ടി അച്ചടക്കത്തോടെ ഉപയോ​ഗിച്ചാൽ നിങ്ങൾക്കും ബമ്പർ സമ്മാനം അടിച്ചേക്കാം...

ഓരോ സീരീസിലും കിടിലൻ സമ്മാനങ്ങൾ ലഭിക്കും. ആദ്യ സീരീസിലാണ് ഫ്യുവൽ കാർഡ് ലഭിക്കുന്നത്. വരുന്ന ഓരോ സീരീസിലും വ്യത്യസ്ത സമ്മാനങ്ങൾ ലഭിക്കും.

ഹാർമണി ചിട്ടീസ് 2025..

കെഎസ്എഫ്ഇ ചിട്ടികൾ കൂടുതൽ ജനപ്രിയമാക്കുന്നതിനും, അതിൻ്റെ ഉപയോ​ഗം വർദ്ധിപ്പിക്കുന്നതിനും വേണ്ടിയാണ് ഹാർമണി ചിട്ടീസ് എന്ന പുതിയ പദ്ധതി അവതരിപ്പിച്ചിരിക്കുന്നത്. ഏപ്രിൽ 1 ന് ശേഷം ആരംഭിച്ച എല്ലാ ചിട്ടികളും ഈ പദ്ധതിക്ക് കീഴിലായിരിക്കും. ഈ പദ്ധതിയുടെ ഭാ​ഗമായി ചിട്ടിയിൽ ചേരുന്ന ഭാ​ഗ്യശാലികൾക്ക് ആകർഷകമായ സമ്മാനങ്ങളും ലഭിക്കുന്നു. ആദ്യത്തെ സീരീസ് ജൂൺ 30ന് അവസാനിക്കും. ആദ്യ നറുക്കെടുപ്പിലെ ഭാ​ഗ്യശാലിയാവാൻ നിങ്ങൾ ആ​ഗ്രഹിക്കുന്നുണ്ടെങ്കിൽ വേ​ഗം തന്നെ ജൂൺ 30ന് മുന്നേ ചിട്ടിയിൽ ചേരുന്നതാണ് നല്ലത്.

പുതിയ സ്കീമിലെ ഏറ്റവും വലിയ ആകർഷക ഘടകം അതിന്റെ ഒന്നാം സമ്മാനമാണ്. സിംഗപ്പൂരിലേക്ക് കുടുംബ സമേതം ഒരു യാത്ര പോകാൻ ആ​ഗ്രഹിക്കുന്നവർക്ക് കെഎസ്എഫ്ഇ ചിട്ടി ഒരു എളുപ്പ വഴിയാണ്. ബാങ്ക് വായ്പ എടുക്കാതെ, പലിശ അടക്കാതെ ചിട്ടിയിലൂടെ സമ്പാദിക്കാം, ഒപ്പം മറ്റൊരു രാജ്യം കാണാനും ആസ്വദിക്കാനും സാധിക്കും.

അറിയിപ്പ്:
മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗുഡ്റിട്ടേൺസ് മലയാളവും ലേഖകനും ഉത്തരവാദികളല്ല.