കയ്യിൽ അഞ്ച് പൈസ ഇല്ലേ, വിഷമിക്കേണ്ട; ലക്ഷങ്ങൾ എളുപ്പത്തിൽ വായ്പ ലഭിക്കും, അതും കുറഞ്ഞ പലിശയിൽ

വായ്പ എടുക്കുന്നതിന് മുമ്പ്, വ്യത്യസ്ത വായ്പാദാതാക്കൾ ഈടാക്കുന്ന പലിശ നിരക്കുകൾ താരതമ്യം ചെയ്യുന്നത് നല്ലതാണ്. കാരണം പലിശ നിരക്കിലെ ചെറിയ മാറ്റം പോലും സാമ്പത്തിക ലാഭം നേടാൻ സഹായിക്കും. സാധാരണയായി കടം വാങ്ങുന്നയാളുടെ ക്രെഡിറ്റ് സ്കോർ അടിസ്ഥാനമാക്കി ബാങ്കുകൾ വ്യക്തിഗത വായ്പകൾക്ക് 12-18 ശതമാനം പലിശ ഈടാക്കുന്നുണ്ട്. ഉയർന്ന ക്രെഡിറ്റ് സ്കോർ ഉള്ള വായ്പക്കാർക്ക് കുറഞ്ഞ ക്രെഡിറ്റ് സ്കോർ ഉള്ള ഒരാളേക്കാൾ കുറഞ്ഞ പലിശ നിരക്കിൽ വായ്പ ലഭിക്കുമെന്ന് സാരം. 7 ബാങ്കുകൾ ഈടാക്കുന്ന വ്യക്തിഗത വായ്പ പലിശ നിരക്കുകൾ നമുക്ക് പരിശോധിക്കാം.

I. എച്ച്.ഡി.എഫ്.സി ബാങ്ക് : എച്ച്.ഡി.എഫ്.സി ബാങ്ക് പ്രതിവർഷം 9.99 ശതമാനം മുതൽ 24 ശതമാനം വരെ പലിശ ഈടാക്കുന്നു. 6,500 രൂപയാണ് പ്രോസസ്സിംഗ് ചാർജ്.

II. ഐസിഐസിഐ ബാങ്ക് : രണ്ടാമത്തെ വലിയ സ്വകാര്യ ബാങ്കായ ഐസിഐസിഐ ബാങ്ക് പ്രതിവർഷം 10.45 മുതൽ 16.50 ശതമാനം വരെ പലിശ ഈടാക്കുന്നു. കൂടാതെ പ്രോസസ്സിംഗ് ഫീസ് ലോൺ തുകയുടെ 2% വരെയാകാം, കൂടാതെ ജിഎസ്ടിയും.

III. കൊട്ടക് മഹീന്ദ്ര ബാങ്ക് : ഈ സ്വകാര്യ ബാങ്ക് പ്രതിവർഷം 9.98 ശതമാനം മുതൽ പലിശ നിരക്ക് ഈടാക്കുന്നു. അതേസമയം, പ്രോസസ്സിംഗ് ഫീസ് വായ്പ തുകയുടെ 5 ശതമാനം വരെയാകാം . വായ്പ വിതരണം ചെയ്യുമ്പോൾ ഈ ഫീസ് കുറയ്ക്കും. വിശദാംശങ്ങൾക്ക് ബാങ്കിന്റെ വെബ്‌സൈറ്റ് പരിശോധിക്കുക.

IV. ഫെഡറൽ ബാങ്ക് : ഈ സ്വകാര്യ ബാങ്കാണ് പ്രതിവർഷം 11.99 മുതൽ 18.99 ശതമാനം വരെ പലിശ ഈടാക്കുന്നത്. പ്രോസസ്സിംഗ് ഫീസ് പ്രതിവർഷം 3 ശതമാനം വരെയാണ്.

V. സ്റ്റേറ്റ് ബാങ്ക് ഓഫ് ഇന്ത്യ (എസ്‌ബി‌ഐ) : രാജ്യത്തെ ഏറ്റവും വലിയ ബാങ്ക് വ്യക്തിഗത വായ്പകൾക്ക് പ്രതിവർഷം 10.05 മുതൽ 15.05 ശതമാനം വരെ പലിശ ഈടാക്കുന്നു. പ്രോസസ്സിംഗ് ഫീസ് 1,000 രൂപ മുതൽ 15,000 രൂപ വരെയാണ്.

VII. ബാങ്ക് ഓഫ് ബറോഡ: ബാങ്ക് ഓഫ് ബറോഡ ക്രെഡിറ്റ് സ്കോർ എന്നിവ അടിസ്ഥാനമാക്കി 10.4 ശതമാനം മുതൽ 15.75 ശതമാനം വരെ പലിശ ഈടാക്കുന്നു.

VIII. യൂണിയൻ ബാങ്ക് ഓഫ് ഇന്ത്യ : യൂണിയൻ ബാങ്ക് ഓഫ് ഇന്ത്യ ഈടാക്കുന്ന വ്യക്തിഗത വായ്പകൾക്ക് പ്രതിവർഷം 10.75 മുതൽ 14.45 ശതമാനം വരെയാണ് പലിശ.

ശരിയായ പേഴ്സണൽ ലോൺ തിരഞ്ഞെടുക്കാം

1. ഒന്നിലധികം ബാങ്കുകളിലെ പലിശ നിരക്കുകൾ, പ്രോസസ്സിംഗ് ഫീസ് , മറഞ്ഞിരിക്കുന്ന ചാർജുകൾ എന്നിവ താരതമ്യം ചെയ്യുക.
2. നിങ്ങളുടെ പ്രതിമാസ വരുമാനവും ബജറ്റും താരതമ്യം ചെയ്ത് താങ്ങാനാവുന്ന ഇഎംഐ തിരഞ്ഞെടുക്കുക
3. ദീർഘകാല പലിശ ചെലവുകൾ കുറയ്ക്കുന്നതിന് പ്രീപേയ്‌മെന്‍റ് , ഫോർക്ലോഷർ നിബന്ധനകൾ അവലോകനം ചെയ്യുക .
4. സുതാര്യമായ നിരക്കുകളും വഴക്കമുള്ള തിരിച്ചടവ് ഓപ്ഷനുകളും വാഗ്ദാനം ചെയ്യുന്ന വായ്പാദാതാക്കൾക്ക് മുൻഗണന നൽകുക.
5. ഒപ്പിടുന്നതിന് മുമ്പ് എല്ലാ നിബന്ധനകളും വ്യവസ്ഥകളും ശ്രദ്ധാപൂർവ്വം വായിക്കുക.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.