Just In
-
-
-
-
Don't Miss
-
യുപിയില് വന് ട്വിസ്റ്റ്; അഖിലേഷ് യാദവ് ലോക്സഭാ തിരഞ്ഞെടുപ്പില് മത്സരിക്കും, കനോജില് തീപ്പാറും -
നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്' -
IPL 2024: ഗില് ലോക മണ്ടന്, ഇങ്ങനെയൊരു ദുരന്തം ക്യാപ്റ്റന്സിയില്ല! ജിടിയെ തോല്പ്പിച്ച പിഴവിതാ -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
ലൈഫ് ഇന്‍ഷുറന്‍സ് കോര്‍പറേഷന്‍ ഓഫ് ഇന്ത്യയുടെ (എല്‍ഐസി) പണയ ധനസഹായ വിഭാഗമായ എല്‍ഐസി ഹൗസിംഗ് ഫിനാന്‍സ് ഭവന വായ്പകളുടെ പലിശ നിരക്ക് കുറച്ചു. 50 ലക്ഷം രൂപ വരുന്ന ഭവന വായ്പകളുടെ പലിശ നിരക്ക് 6.66 ശതമാനമായാണ് കുറച്ചിരിക്കുന്നത്.
കോവിഡ് വ്യാപനത്തിന്റെ പശ്ചാത്തലത്തില്‍ രാജ്യത്ത് വലിയൊരു അളവ് ആള്‍ക്കാരും സാമ്പത്തീക ഞെരുക്കം നേരിട്ടു കൊണ്ടിരിക്കുകയാണ്. ഈ സാഹചര്യത്തില്‍ വീടെന്ന ചിരകാല സ്വപ്നം, വൈകാരികമായ ഏവരുടെയും ആ ആഗ്രഹം സഫലമാക്കുന്നതിനായി കുറഞ്ഞ പലിശ നിരക്കില്‍ ഭവന വായ്പകള്‍ ഞങ്ങള്‍ വാഗ്ദാനം ചെയ്യുകയാണ്. പലിശ നിരക്കിലെ ഈ കുറവ് ഉപയോക്താക്കളുടെ ആത്മവിശ്വാസം ഉയര്‍ത്തുകയും മേഖലയുടെ വേഗത്തിലുള്ള തിരിച്ചു വരവിനും സഹായകമാകുമെന്ന് എല്‍ഐസി ഹൗസിംഗ് ഫിനാന്‍സ് മാനേജിംഗ് ഡയറക്ടറും സിഇഒയുമായ വിശ്വനാഥ ഗൗഡ പുറത്തിറക്കിയ പത്രക്കുറിപ്പില്‍ പറയുന്നു.
6.66 ശതമാനമെന്ന എല്‍ഐസി ഹൗസിംഗ് ഫിനാന്‍സിന്റെ പുതിയ ഭവന വായ്പാ പലിശ നിരക്ക് 30 വര്‍ഷ വായ്പാ കാലയളവിലേക്ക് വാഗ്ദാനം ചെയ്യുന്ന എക്കാലത്തെയും ഏറ്റവും കുറഞ്ഞ പലിശ നിരക്കാണെന്നും കമ്പനി വ്യക്തമാക്കുന്നു.
6.66 ശതമാനം നിരക്കില്‍ ലഭിക്കുന്ന ഭവന വായ്പയ്ക്കായി നിങ്ങള്‍ക്ക് ഓണ്‍ലൈനായി അപേക്ഷ സമര്‍പ്പിക്കാവുന്നതാണ്. എല്‍ഐസി ഹൗസിംഗ് ഫിനാന്‍സിന്റെ മൊബൈല്‍ അപ്ലിക്കേഷനായ HomY ആപ്പിലൂടെ അപേക്ഷ സമര്‍പ്പിക്കുവാനും വായ്പ അനുവദിച്ചു ലഭിക്കുന്നതിനും സാധിക്കും. എല്‍ഐസി ഹൗസിംഗ് ഫിനാന്‍സ് ഓഫീസില്‍ നേരിട്ട് സന്ദര്‍ശിക്കാതെ ഈ അപ്ലിക്കേഷന്‍ വഴി വായ്പാ അപേക്ഷയുടെ നില പരിശോധിക്കുവാനും അപേക്ഷകന് സാധിക്കും.
ശമ്പളക്കാരായ, ഇതുവരെ ഭവന വായ്പ എടുത്തിട്ടില്ലാത്ത വ്യക്തികള്‍ക്ക് എല്‍ഐസി ഹൗസിംഗ് ഫിനാന്‍സിന്റെ 6.66 ശതമാനം ഭവന വായ്പയ്ക്കായി അപേക്ഷിക്കാവുന്നതാണ്.
2021 ആഗസ്ത് 31 വരെയാണ് പുതുക്കിയ പലിശ നിരക്ക് നിലവിലുണ്ടാവുക. സിബില്‍ സ്‌കോര്‍ അനുസരിച്ചുള്ള വായ്പാ അപേക്ഷകന്റെ വായ്പാ മൂല്യവുമായും പലിശ നിരക്ക് ബന്ധപ്പെട്ടിരിക്കുന്നുവെന്ന് എല്‍ഐസി ഹൗസിംഗ് ഫിനാന്‍സ് അറിയിച്ചിട്ടുണ്ട്.
