റിട്ടയർമെന്റിൽ സ്ഥിരമായ വരുമാനം നൽകുന്ന എൽ.ഐ.സിയുടെ സൂപ്പർ പ്ലാൻ; വാർഷിക പേഔട്ടുകൾ എത്രയാണ്?

ജോലിയിൽ നിന്ന് വിരമിക്കുമ്പോൾ സ്ഥിരമായ വരുമാനം നേടാൻ ആഗ്രഹിക്കുന്ന മുതിർന്ന പൗരന്മാർ ഉൾപ്പെടെ നിരവധി നിക്ഷേപകർക്കിടയിൽ ആന്വിറ്റി പ്ലാനുകൾ ജനപ്രിയമാണ്. വിരമിക്കുമ്പോഴും ജോലി ചെയ്യുമ്പോഴും സ്ഥിരമായ വരുമാനം ആവശ്യമുള്ള നിക്ഷേപകർ ഈ ആന്വിറ്റി പ്ലാനുകൾ വാങ്ങുന്നു. നിങ്ങൾ പോളിസി വാങ്ങിയ ഉടനെയോ അല്ലെങ്കിൽ കുറച്ച് വർഷങ്ങൾക്ക് ശേഷമോ ഈ പ്ലാനുകൾക്ക് ആന്വിറ്റി നൽകാൻ കഴിയും.

പോളിസി ഉടമയ്ക്ക്, അല്ലെങ്കിൽ ആന്വിറ്റന്റിന്, ഡിഫർമെന്റ് കാലയളവും ആന്വിറ്റി പേഔട്ടുകൾ ലഭിക്കാൻ ആഗ്രഹിക്കുന്ന വർഷങ്ങളുടെ എണ്ണവും തിരഞ്ഞെടുക്കാം. അത്തരം ആന്വിറ്റി പ്ലാനുകൾ മാർക്കറ്റ്-ലിങ്ക്ഡ് അല്ലെങ്കിൽ നോൺ-മാർക്കറ്റ്-ലിങ്ക്ഡ് ആകാം. ലൈഫ് ഇൻഷുറൻസ് കോർപ്പറേഷൻ ഓഫ് ഇന്ത്യയുടെ (എൽ.ഐ.സി) ആന്വിറ്റി പേഔട്ട് പ്ലാനുകളിൽ ഒന്നാണ് എൽ.ഐ.സി ന്യൂ ജീവൻ ശാന്തി പ്ലാൻ (758). ഇത് നിങ്ങളുടെ റിട്ടയർമെൻ്റ് ലക്ഷ്യം പൂർത്തീകരിക്കാൻ സഹായിക്കും.

എൽ.ഐ.സി ന്യൂ ജീവൻ ശാന്തി പ്ലാൻ: ആന്വിറ്റി ഓപ്ഷനുകൾ

സിംഗിൾ പോളിസിക്കും ജോയിന്റ് പോളിസിക്കും ഒരു ഡിഫർഡ് ആന്വിറ്റി പ്ലാൻ നൽകുന്നു. ഡിഫർമെന്റ് കാലയളവ് 1 വർഷം മുതൽ 5 വർഷം വരെയാകാം.

• എൽ.ഐ.സി ന്യൂ ജീവൻ ശാന്തി പ്ലാൻ: ആനുകൂല്യങ്ങൾ

ആന്വിറ്റന്റ് മരണപ്പെട്ടാൽ, ആന്വിറ്റന്റ് ജീവിച്ചിരിക്കുന്നിടത്തോളം കാലം ആന്വിറ്റി പേയ്‌മെന്റുകൾ കുടിശ്ശികയായി നൽകും. ആന്വിറ്റന്റ് മരിക്കുമ്പോൾ, ആന്വിറ്റി പേയ്‌മെന്റുകൾ നിർത്തലാക്കും. കൂടാതെ മരിച്ച ശേഷമുള്ള ആനുകൂല്യം നോമിനികൾക്ക് നൽകും. മരണ ആനുകൂല്യം അന്വിറ്റി വാങ്ങുന്ന വിലയേക്കാൾ ഉയർന്നതായിരിക്കണം. മരണപ്പെട്ടാൽ അധിക ആനുകൂല്യം നൽകുന്നതിനുള്ള വ്യവസ്ഥയും ഈ പോളിസിയിലുണ്ട്. എന്നിരുന്നാലും, പോളിസി പൂർത്തിയാകുമ്പോൾ പോളിസി ഉടമയ്ക്ക് ഒരു ബോണസും ലഭിക്കില്ല.

• എൽ.ഐ.സി ന്യൂ ജീവൻ ശാന്തി പ്ലാൻ: ഏറ്റവും കുറഞ്ഞതും കൂടിയതുമായ വാങ്ങൽ വില

ഏറ്റവും കുറഞ്ഞ വാങ്ങൽ വില 1,50,000 ലക്ഷം രൂപയാണ്. അതേസമയം അന്വിറ്റി വാങ്ങുന്നതിനുള്ള പരമാവധി തുകയില്ല.

• എൽ.ഐ.സി ന്യൂ ജീവൻ ശാന്തി പ്ലാൻ: കുറഞ്ഞതും കൂടിയതുമായ പ്രായം

ഈ പ്ലാൻ പ്രകാരമുള്ള ഏറ്റവും കുറഞ്ഞ പ്രവേശന പ്രായം 30 വയസ്സും പരമാവധി പ്രായം 79 വയസ്സുമാണ്.

ഇവിടെ കുറഞ്ഞ വെസ്റ്റിംഗ് പ്രായം 31 വയസ്സും പരമാവധി 80 വയസ്സുമാണ്. (പെൻഷൻ തുക അല്ലെങ്കിൽ സമാനമായ ആനുകൂല്യങ്ങൾ ഉറപ്പാക്കുന്ന പ്രായമാണ് വെസ്റ്റിം​ഗ്)

• എൽ.ഐ.സി ന്യൂ ജീവൻ ശാന്തി പ്ലാൻ: കുറഞ്ഞതും കൂടിയതുമായ ഡിഫർമെൻ്റ് കാലയളവ്

ഏറ്റവും കുറഞ്ഞ ഡിഫർമെൻ്റ് കാലയളവ് 1 വർഷമാണ്, പരമാവധി 5 വർഷവുമാണ്.

എൽ.ഐ.സി ന്യൂ ജീവൻ ശാന്തി പ്ലാൻ: ഒരു ലക്ഷം രൂപ വരെയുള്ള നിക്ഷേപത്തിന് ഏറ്റവും കുറഞ്ഞ ആന്വിറ്റി അല്ലെങ്കിൽ വാർഷിക തുക എത്രയാണ്..?

• പ്രതിമാസം: 1,000 രൂപ
• ത്രൈമാസികം: 3,000 രൂപ
• അർദ്ധ വാർഷികം: 6,000 രൂപ
• വാർഷികം: 12,000 രൂപ

എൽഐസി ന്യൂ ജീവൻ ശാന്തി പ്ലാൻ

6 ലക്ഷം, 1,200,000 ലക്ഷം രൂപ, 1,800,000 ലക്ഷം രൂപ എന്നീ നിക്ഷേപങ്ങൾക്ക് പ്രതിമാസ, ത്രൈമാസ, അർദ്ധ വാർഷിക, വാർഷിക പേഔട്ടുകൾ എത്രയാണെന്ന് അറിയാം. സിംഗിൾ ലൈഫിന് ഒരു ഡിഫർഡ് ആന്വിറ്റിയാണ് ഇവിടെ പരിശോധിക്കുന്നത്. ഓരോ കേസിലും ഡിഫർമെൻ്റ് കാലയളവ് 5 വർഷമാണ്.

1. എൽ.ഐ.സി ന്യൂ ജീവൻ ശാന്തി പ്ലാൻ: 6,00,000 രൂപയുടെ നിക്ഷേപത്തിന്റെ തിരിച്ചടവ്

• വാർഷിക വരുമാനം: 38,400 രൂപ മുതൽ 57,600 രൂപ വരെ
• അർദ്ധ വാർഷികം: 19200 രൂപ മുതൽ 28,800 രൂപ വരെ
• ത്രൈമാസികം: 9,600 രൂപ മുതൽ 14,400 രൂപ വരെ
• പ്രതിമാസം: 3200 രൂപ-4800 രൂപ

2. എൽ.ഐ.സി ന്യൂ ജീവൻ ശാന്തി പ്ലാൻ: 12,00,000 രൂപയുടെ നിക്ഷേപത്തിൻ്റെ തിരിച്ചടവ്

• വാർഷിക വരുമാനം: 76,800 രൂപ മുതൽ 1,15,200 രൂപ വരെ
• അർദ്ധ വാർഷികം: 38,400 രൂപ മുതൽ 57,600 രൂപ വരെ
• ത്രൈമാസികം: 19,200 രൂപ മുതൽ 28,800 രൂപ വരെ
• പ്രതിമാസം: 6400 രൂപ മുതൽ 9600 രൂപ വരെ

3. എൽ.ഐ.സി ന്യൂ ജീവൻ ശാന്തി പ്ലാൻ: 18,00,000 രൂപയുടെ നിക്ഷേപത്തിന്റെ തിരിച്ചടവ്

• വാർഷിക വരുമാനം: 1,15,200 രൂപ മുതൽ 1,72,800 രൂപ വരെ
• അർദ്ധ വാർഷികം: 57,600 രൂപ മുതൽ 86,400 രൂപ വരെ
• ത്രൈമാസികം: 28800 രൂപ-43,200 രൂപ
• പ്രതിമാസം: 9,600 രൂപ- 14,400 രൂപ