പലിശ നിരക്കും വായ്പ തുകയും മാത്രം നോക്കിയാൽ പോരാ; തിരിച്ചടവ് കൂടാനുള്ള പ്രധാന കാരണം ഇതാണ്

വ്യക്തിഗത വായ്പകൾക്ക് അപേക്ഷിക്കുന്നവരുടെ എണ്ണം ദിനംപ്രതി കൂടിവരികയാണ്. അപ്രതീക്ഷിത സാമ്പത്തിക ആവശ്യങ്ങൾ നിറവേറ്റാൻ പലരും വ്യക്തിഗത വായ്പകളെയാണ് ആശ്രയിക്കുന്നത്. വളരെ എളുപ്പത്തിൽ ഇവ കിട്ടുമെന്നതാണ് സവിശേഷമായ കാര്യം. വ്യക്തിഗത വായ്പാ കാലാവധി വ്യത്യാസപ്പെട്ടിരിക്കുന്നു. വായ്പാ കാലാവധി ഒരാളുടെ പ്രതിമാസ ഇഎംഐയിലും വായ്പയുടെ മൊത്തത്തിലുള്ള ചെലവിലും നേരിട്ട് സ്വാധീനം ചെലുത്തുന്നുണ്ട്.

1. സാധാരണ കാലാവധി

മിക്ക ബാങ്കുകളും ധനകാര്യ സ്ഥാപനങ്ങളും 12 മാസം മുതൽ 60 മുതൽ 84 മാസം വരെ, അതായത് അഞ്ച് മുതൽ ഏഴ് വർഷം വരെ, വ്യക്തിഗത വായ്പാ കാലാവധികൾ നൽകുന്നു.

ഉദാഹരണത്തിന്, ആക്സിസ് ബാങ്ക്, എച്ച്ഡിഎഫ്സി ബാങ്ക്, കൊട്ടക് ബാങ്ക് തുടങ്ങിയ മുൻനിര ബാങ്കുകൾ ഉപഭോക്താക്കൾ അടിസ്ഥാന യോഗ്യതാ മാനദണ്ഡങ്ങളും ക്രെഡിറ്റ് സ്കോർ ആവശ്യകതകളും പാലിക്കുന്നുണ്ടെങ്കിൽ, തിരിച്ചടവ് കാലാവധിയായി 84 മാസം വരെ വാഗ്‌ദാനം ചെയ്യുന്നു.

ബജാജ് ഫിനാൻസ് പോലുള്ള പ്രമുഖ എൻ‌ബി‌എഫ്‌സികളും അപേക്ഷകന്റെ വായ്പാ പ്രൊഫൈലും ലോൺ തുകയും അനുസരിച്ച് 12 മാസം മുതൽ 96 മാസം വരെ, അതായത് 8 വർഷം വരെ, വ്യത്യസ്ത തിരിച്ചടവ് കാലാവധികൾ നൽകുന്നുണ്ട്.

പിരമൽ ഫിനാൻസ് പോലുള്ള വായ്പാദാതാക്കൾ ഒമ്പത് മാസം മുതൽ ആരംഭിക്കുന്ന ഏറ്റവും കുറഞ്ഞ കാലാവധിയാണ് നൽകുന്നത്.

2. ലോൺ കാലാവധി വായ്പാ ചെലവിനെ എങ്ങനെ ബാധിക്കും

കുറഞ്ഞ തിരിച്ചടവ് കാലാവധി: കുറഞ്ഞ തിരിച്ചടവ് കാലാവധി പ്രതിമാസ ഇഎംഐകൾ വർധിപ്പിക്കും. എന്നാൽ, മൊത്തം പലിശ കുറയ്ക്കും.

ദീർഘമായ തിരിച്ചടവ് കാലാവധി: മൊത്തം തിരിച്ചടവ് കാലാവധി കൂടുതലാകുമ്പോൾ, പ്രതിമാസ ഇഎംഐകൾ കുറയുന്നു. എന്നാൽ, മൊത്തം പലിശ കൂടുതലാകും.

കാലാവധി തിരഞ്ഞെടുക്കൽ: വായ്പക്കാരന്റെ നിലവിലെ സാമ്പത്തിക സ്ഥിതിയും തിരിച്ചടവ് ശേഷിയെയും ആശ്രയിച്ചിരിക്കും കാലാവധി തിരഞ്ഞെടുക്കുന്നത്. ശരിയായ തിരഞ്ഞെടുപ്പുകൾക്ക് സാമ്പത്തിക ഉപദേഷ്ടാവുമായി കൂടിയാലോചിക്കുക.

കടം വാങ്ങുന്നതിന്റെ ലക്ഷ്യം: ഏതൊരു കടം വാങ്ങുന്നയാളുടെയും പ്രാഥമിക ലക്ഷ്യം അത്യാവശ്യമായിരിക്കുമ്പോൾ മാത്രം കടം വാങ്ങുക എന്നതായിരിക്കണം. ഒരാളുടെ പ്രതിമാസ വരുമാനത്തെ ബാധിക്കാതെ വായ്പ തിരിച്ചടയ്ക്കുന്നതിന് ആവശ്യമായ തുക മാത്രം വായ്പയായി എടുക്കുക. പ്രതിമാസം മുടങ്ങാതെ അടയ്ക്കാൻ സാധിക്കുന്ന ഇഎംആ തിരഞ്ഞെടുക്കുക. ഇതിനായി, മുൻനിര ബാങ്കുകളുടെയും എൻബിഎഫ്സികളുടെയും ഔദ്യോഗിക വെബ്‌സൈറ്റുകളിൽ നൽകിയിരിക്കുന്ന വ്യക്തിഗത വായ്പ ഇഎംഐ കാൽക്കുലേറ്ററുകൾ വായ്പയെടുക്കാൻ ആഗ്രഹിക്കുന്നവർക്ക് ഉപയോഗിക്കാം.

പ്രതിമാസ ബജറ്റ്: വ്യക്തിഗത വായ്പ അപേക്ഷിക്കുന്നതിനു മുൻപ് നിങ്ങളുടെ പ്രതിമാസ ബജറ്റ് മനസ്സിലാക്കണം. വായ്പാ തിരിച്ചടവ് കാലാവധി എപ്പോഴും നിങ്ങൾക്ക് താങ്ങാൻ കഴിയുമോ എന്ന് നോക്കുക.

ഇഎംഐകൾ അടയ്ക്കാൻ വിട്ടുപോകുന്നതിലെ അപകടസാധ്യതകൾ മനസ്സിലാക്കുക: വ്യക്തിഗത വായ്പകളുമായി ബന്ധപ്പെട്ട സങ്കീർണതകൾ മനസിലാക്കിയിരിക്കണം. വ്യക്തിഗത വായ്പ തിരിച്ചടവിന്റെ നിബന്ധനകളും വ്യവസ്ഥകളും പാലിച്ചില്ലെങ്കിൽ നിയമപരമായ സങ്കീർണതകൾ ഉണ്ടാകാനുള്ള സാധ്യതയുണ്ട്.

മൊത്തം പലിശ: അപേക്ഷിക്കുന്നതിന് മുമ്പ്, മൊത്തം വായ്പാ തുകയും അന്തിമ പലിശ നിരക്കും വ്യക്തമായി മനസിലാക്കണം. അതുവഴി മുഴുവൻ വായ്പാ കാലയളവിലെയും പലിശ നിരക്കിനെക്കുറിച്ചുള്ള ധാരണ കിട്ടും.

ക്രെഡിറ്റ് പ്രൊഫൈലും വരുമാന സ്ഥിരതയും: നല്ല ക്രെഡിറ്റ് സ്കോർ, അതായത് 750-ൽ കൂടുതലുള്ള ഏതൊരു സ്കോറും, വായ്പക്കാർക്ക് വഴക്കമുള്ളതും ദീർഘവുമായ തിരിച്ചടവ് കാലാവധികളും എളുപ്പത്തിലുള്ള പലിശ നിരക്കുകളും നേടാൻ സഹായിക്കും.

പ്രീപേയ്‌മെന്റ് അല്ലെങ്കിൽ ഭാഗിക പേയ്‌മെന്റ് ഓപ്ഷനുകൾ: വായ്പാ സ്ഥാപനം പ്രീപേയ്‌മെന്റുകളോ ഭാഗിക പേയ്‌മെന്റുകളോ അനുവദിക്കുമോ എന്ന് അന്വേഷിക്കണം.