'2007 ൽ 1 ലക്ഷം നിക്ഷേപിച്ചിരുന്നെങ്കിൽ ഇന്ന് ₹11.57 ലക്ഷം തിരിച്ചു കിട്ടുമായിരുന്നു', ആ കിടിലൻ മ്യൂച്വൽ ഫണ്ട്

ധനസൃഷ്ടിക്ക് ഏറ്റവും മികച്ച മാർഗങ്ങളിൽ ഒന്നാണ് നീണ്ടകാലം നിക്ഷേപത്തിൽ തുടരുന്നത്. വിപണി വിദഗ്ധർ പറയുന്നത് പോലെ, പണത്തിന്റെ വർദ്ധനവിൽ അതിശക്തമായ ഒരു തന്ത്രമാണ് ചിട്ടയായ നിക്ഷേപവും കോമ്പൗണ്ടിംഗ് ഫലവും. വലിയ ആസ്തി സൃഷ്ടിക്കാൻ ഏറെ സഹായിക്കുന്ന ഈ തന്ത്രം തികച്ചും കാര്യക്ഷമമാണ്. എത്രത്തോളം കാത്തിരിക്കാൻ നിങ്ങൾ തയ്യാറാകുന്നു അത്രതന്നെ ലാഭവും നിങ്ങൾക്ക് സ്വന്തമാക്കും നിക്ഷേപങ്ങളുടെ അടിസ്ഥാനതത്വം.

കോമ്പൗണ്ടിംഗ് എങ്ങനെ ആസ്തി വർദ്ധിപ്പിക്കുന്നു?

നിക്ഷേപിച്ച തുക നീണ്ട കാലം നിലനിർത്തുമ്പോൾ ആദ്യം ലഭിക്കുന്ന ലാഭം പ്രാഥമിക മൂലധനത്തിൽ ചേർന്നു വലിയ വരുമാന സാധ്യതകൾ സൃഷ്ടിക്കുന്നു. ആദ്യ വർഷങ്ങളിൽ കുറഞ്ഞ തോതിൽ ലാഭമുണ്ടായാലും കാലാകാലങ്ങളിൽ ഈ ലാഭം തന്നെ നിക്ഷേപ തുകയായി മാറി കൂടുതൽ വർദ്ധിക്കുകയും ചെയ്യുന്ന അതിശക്തമായ ഘടനയാണ് കോമ്പൗണ്ടിംഗ്. ഏതൊരു നിക്ഷേപത്തിന്റെയും അടിസ്ഥാനം അല്ലെങ്കിൽ വേര് എന്നു പറയുന്നത് കോമ്പൗണ്ടിംഗ് ആണ്. അത് തിരിച്ചറിഞ്ഞു നിക്ഷേപിച്ചാൽ ഒരിക്കലും നഷ്ടം നേരിടേണ്ടി വരില്ല.

പ്രസിദ്ധ ശാസ്ത്രജ്ഞനായ അൽബർട്ട് ഐൻസ്റ്റൈൻ പോലും കോമ്പൗണ്ടിംഗിനെ "ലോകത്തിലെ എട്ടാം അത്ഭുതം" എന്ന് വിശേഷിപ്പിച്ചിരുന്നു. ഒരു വ്യക്തി തങ്ങളുടെ സമ്പത്ത് ഉയർത്തണമെങ്കിൽ കോമ്പൗഡിംഗ് പലിശയുടെ ശക്തി ഉപയോഗപ്പെടുത്തേണ്ടത് നിർബന്ധമാണ്.

ഇൻവെസ്‌കോ ഇന്ത്യ കോൺട്രാ ഫണ്ടിന്റെ പ്രകടനം

2007 ഏപ്രിൽ 11നാണ് ഇൻവെസ്‌കോ ഇന്ത്യ കോൺട്രാ ഫണ്ട് ആരംഭിച്ചത്. വിപണിയിൽ ലഭ്യമായ വിലമതിപ്പിൽ ഏറ്റവും നല്ല അവസ്ഥയിലുള്ള സ്ഥാപനങ്ങളിൽ നിക്ഷേപം നടത്തുന്നതിനുള്ള ഒരു കോൻട്രേറിയൻ നിക്ഷേപ തന്ത്രം ഈ ഫണ്ട് പിന്തുടർന്നിരുന്നു. അഥവാ, ഇത് ഒരു കമ്പനിയുടെ ഓഹരികളുടെ മൂല്യം കുറവാണെന്ന് കണക്കാക്കുമ്പോൾ തന്നെ, അതിന്റെ അടിസ്ഥാനവിതാനങ്ങളിലോ ഭാവി വളർച്ചാ സാധ്യതകളിലോ വിശ്വാസമുള്ള നിക്ഷേപകർക്ക് ഈ ഫണ്ട് ആകർഷകമായി തോന്നും. അതായത് കുറഞ്ഞു നിൽക്കുമ്പോൾ ഈ ഫണ്ടിൽ നിക്ഷേപിച്ചാൽ തീർച്ചയായും ഇത് കൂടും എന്ന വിശ്വാസം.

ഈ ഫണ്ടിൽ ₹1 ലക്ഷം നിക്ഷേപിച്ചിരുന്നെങ്കിൽ 17-18 വർഷത്തിനുള്ളിൽ അതിന്റെ മൂല്യം ₹11.57 ലക്ഷം ആയി വർദ്ധിച്ചേനേ എന്ന് കണക്കാക്കപ്പെടുന്നു. ഇത് 14.70% വാർഷിക വരുമാനം നൽകുന്നതാണ്. ഇതിന്റെ നേട്ടം കണക്കാക്കിയാൽ 11 മടങ്ങ് കൂടുതലായി മൂലധനം വളർന്നിരിയ്ക്കുന്നു എന്ന് മനസ്സിലാക്കാം.

കാലഘട്ടം അനുസരിച്ച് ഈ ഫണ്ടിൽ 1 ലക്ഷം രൂപ നിക്ഷേപിച്ചപ്പോൾ ലഭിച്ച ലാഭം

1 വർഷം: ₹1.06 ലക്ഷം

3 വർഷം: ₹1.58 ലക്ഷം

5 വർഷം: ₹2.39 ലക്ഷം

7 വർഷം: ₹2.48 ലക്ഷം

10 വർഷം: ₹3.62 ലക്ഷം

2007 മുതൽ: ₹11.57 ലക്ഷം

ഫണ്ടിന്റെ പ്രവർത്തന തന്ത്രം

ഇത് ഒരു കോണ്ട്രേറിയൻ നിക്ഷേപ തന്ത്രം പിന്തുടരുന്ന ഫണ്ടാണ്. അതായത് നിലവിലുള്ള വിപണി പ്രവണതകളെ ചോദ്യംചെയ്യുന്ന രീതിയിൽ, കുറഞ്ഞ വിലയുള്ള ഓഹരികളിൽ നേരത്തെ നിക്ഷേപം നടത്തുന്നതിനാണ് ഈ ഫണ്ട് മുൻഗണന നൽകുന്നത്. വിപണിയിൽ നേട്ടമില്ലാത്ത, എന്നാൽ ഭാവിയിൽ വളർച്ചക്കുള്ള സാധ്യതയുള്ള കമ്പനികളിലാണ് നിക്ഷേപം.

ഈ ഫണ്ടിന്റെ ആകെ ആസ്തി ഇപ്പോൾ ₹16,292 കോടി ആയി (എ എം എഫ് ഐ യുടെ ഏറ്റവും പുതിയ വിവരങ്ങൾ അനുസരിച്ച്). ഇതിൽ 97.5% ഓഹരികളിലും ശേഷിക്കുന്ന തുക പണത്തിലും നിക്ഷേപിച്ചിരിയ്ക്കുന്നു.

മേഖലയിലുമുള്ള പ്രധാന ഓഹരികൾ

ഇൻവെസ്‌കോ ഇന്ത്യ കോൺട്രാ ഫണ്ടിൽ ഉൾപ്പെടുന്ന പ്രധാന കമ്പനികൾ:

*എച്ഡിഎഫ്സി ബാങ്ക്

*ഐ സി ഐ സി ഐ ബാങ്ക്

*ഇൻഫോസിസ്

*ആക്സിസ് ബാങ്ക്

*മഹീന്ദ്ര & മഹീന്ദ്ര

*അപ്പോളോ ഹോസ്പിറ്റൽസ്

*സൊമാറ്റോ

*എൻ ടി പി സി

*എൽ ആൻഡ് ടി

നിക്ഷേപകരോട്

നീണ്ട കാലത്തേക്ക് നിക്ഷേപം തുടരുമ്പോൾ, ചെറുതായി തുടങ്ങിയാലും കോമ്പൗണ്ടിംഗ് വഴി വലിയ ആസ്തി സൃഷ്ടിക്കാൻ കഴിയും. വലിയ ലാഭം നേടാൻ, പെട്ടെന്ന് നിക്ഷേപം പിൻവലിക്കാതെ ക്ഷമ കാണിക്കണം. വിപണിയിലെ മാറ്റങ്ങൾക്കെതിരായ ഉചിതമായ തന്ത്രങ്ങൾ പിന്തുടരുന്ന ഫണ്ടുകൾക്ക് മുമ്പേ മികച്ച നേട്ടങ്ങൾ ഉണ്ടാക്കാൻ കഴിയും.

ഇൻവെസ്‌കോ ഇന്ത്യ കോൺട്രാ ഫണ്ടിന്റെ ഉദാഹരണത്തിൽ നിന്ന് നമ്മൾ മനസിലാക്കേണ്ടത് നീണ്ട കാലത്തെ നിക്ഷേപം ധനസൃഷ്ടിക്ക് ഏറ്റവും പ്രയോജനപ്രദമാണ് എന്നതാണ്. അതിനാൽ, സാമ്പത്തിക ഭാവിയെ പരിഗണിച്ച് കൃത്യമായ സമ്പത്തിക പദ്ധതികൾ സ്വീകരിച്ചാൽ മാത്രമേ കൂടുതൽ ആസ്തി വളർത്താൻ കഴിയൂ.