ക്രെഡിറ്റ് സ്കോർ കുറവാണെങ്കിൽ വിഷമിക്കേണ്ട, നിങ്ങൾക്കും ക്രെഡിറ്റ് കാർഡിന് അപേക്ഷിക്കാം

ക്രെഡിറ്റ് കാർഡ് സ്വന്തമാക്കാൻ വളരെ എളുപ്പമാണ്. എന്നാൽ നിങ്ങളുടെ ക്രെഡിറ്റ് സ്കോർ കുറവാണെങ്കിൽ ക്രെഡിറ്റ് കാർഡ് ലഭിക്കുമോ? സാധാരണയായി 750ഉം അതിൽ കൂടുതലും സ്കോറുണ്ടെങ്കിൽ ക്രെഡിറ്റ് സ്കോർ എളുപ്പത്തിൽ ഉറപ്പാക്കാം. പക്ഷേ സ്കോർ 650ൽ കുറവാണെങ്കിൽ ക്രെഡിറ്റ് ഹെൽത്തിൽ അപകട സാധ്യത ഉയർന്നേക്കാം. പലപ്പോഴും ഈ കുറഞ്ഞ സ്കോറുള്ളവരുടെ ക്രെഡിറ്റ് കാർഡ് അപേക്ഷ മുതൽ വായ്പാ അപേക്ഷകൾ വരെ നിരസിക്കാൻ സാധ്യതയുണ്ട്. അല്ലെങ്കിൽ വായ്പക്ക് ഉയർന്ന പലിശ നിരക്ക് ഈടാക്കിയേക്കാം.

കുറഞ്ഞ സ്കോറുള്ളവർക്ക് ഒരു സുരക്ഷിത ക്രെഡിറ്റ് കാർഡ് സ്വന്തമാക്കാൻ സാധിക്കും. നിങ്ങളുടെ പേരിലുള്ള ഒരു സ്ഥിര നിക്ഷേപത്തിന് കീഴിൽ ഒരു ക്രെഡിറ്റ് കാർഡിന് അപേക്ഷിക്കാം. എസ്ബിഐ, ഐസിഐസിഐ, ആക്സിസ് തുടങ്ങിയ ബാങ്കുകൾ എഫ്ഡി മൂല്യത്തിന്റെ 75% മുതൽ 90% വരെ പരിധിയുള്ള കാർഡുകൾ നൽകും.

ഇത്തരം കാർഡിന് അപേക്ഷിച്ചാൽ ബാങ്കിനുള്ള അപകടസാധ്യത നിങ്ങളുടെ നിക്ഷേപം വഴി ഇൻഷ്വർ ചെയ്യുന്നു. അതിനാൽ അപേക്ഷ പെട്ടെന്ന് തന്നെ പരി​ഗണിക്കും. ഈ കാർഡിൽ കൃത്യസമയത്ത് പേയ്‌മെന്റ് നടത്തിയാൽ നിങ്ങളുടെ ക്രെഡിറ്റ് സ്കോർ ക്രമേണ വർദ്ധിക്കും. അത് നിങ്ങളുടെ ക്രെഡിറ്റ് ഹെൽത്ത് വളരും.

കുറഞ്ഞ ക്രെഡിറ്റ് സ്കോറുള്ളവർക്കും കാർഡ് ലഭിക്കും.

ഉയർന്ന സിബിൽ സ്കോർ ആവശ്യമില്ലാത്ത ചില ഫിൻടെക്ക് കമ്പനികളും, ചെറിയ ബാങ്കുകളും തുടക്കക്കാരായ ആവശ്യക്കാർക്ക് ക്രെഡിറ്റ് കാർഡുകൾ ലഭിക്കും. അവയ്ക്ക് കുറഞ്ഞ ക്രെഡിറ്റ് പരിധികളായിരിക്കും. പക്ഷേ അതിന് ഉയർന്ന ജോയിനിം​ഗ് ഫീസും, വാർഷിക നിരക്കുകളും ഉണ്ടായിരിക്കാം. നിങ്ങൾ ആ​ഗ്രഹിക്കുന്ന പോലുള്ള പ്രീമിയം സവിശേഷതകൾ ഇത്തരം കാർഡുകൾക്ക് ഉണ്ടായിരിക്കണമെന്നില്ല.

Take a Poll

കാർഡിന് അപേക്ഷിക്കുന്നതിനു മുന്നേ ഈ കാര്യങ്ങൾ ശ്രദ്ധിക്കണം

നിങ്ങളുടെ ക്രെഡിറ്റ് സ്കോർ കുറവാണെങ്കിലും ശ്രദ്ധയോടെ പ്രവർത്തിച്ചാൽ ക്രെഡിറ്റ് കാർഡ്, വായ്പാ അപേക്ഷകൾ അം​ഗീകരിക്കുന്നതിനുള്ള സാധ്യതകൾ ഉയർത്താം. അതായത് നിലവിലെ കുടിശ്ശിക അടച്ചുതീർക്കുക, കാലാവധി തെറ്റിയ ഇഎംഐകൾ സെറ്റിൽ ചെയ്യുക, ഒരേ സമയം നിരവധി വായ്പകൾക്കോ ക്രെഡിറ്റ് കാർഡുകൾക്കോ അപേക്ഷിക്കാതിരിക്കുക എന്നീ കാര്യങ്ങൾ ശ്രദ്ധിക്കണം. ഇവ കൃത്യമായി പാലിച്ചാൽ നിങ്ങളുടെ ക്രെഡിറ്റ് സ്കോർ മെച്ചപ്പെടാൻ സാധ്യതയുണ്ട്.ഒരു വായ്പ അല്ലെങ്കിൽ ഇഎംഐ അടച്ചു തീർത്താൽ കുറഞ്ഞത് മൂന്ന് മുതൽ ആറ് മാസം വരെ ഇടവേള എടുക്കുന്നതും നിങ്ങളുടെ ക്രെഡിറ്റ് ഹെൽത്തിന് ​ഗുണകരമാവുന്നു.

നിങ്ങളുടെ ക്രെഡിറ്റ് സ്കോർ കുറവാണെങ്കിലും സ്ഥിരതയുള്ള വരുമാനമുണ്ടെങ്കിൽ വരുമാന രേഖകൾ ബാങ്കുകൾക്ക് സമർപ്പിക്കുക, ഇത് നിങ്ങളുടെ അം​ഗീകാര സാധ്യത ഉയർത്തുന്നു.

ചുരുങ്ങിയ കാലത്തിനുള്ളിൽ നിങ്ങളുടെ ക്രെഡിറ്റ് സ്കോറും മെച്ചപ്പെടും

സുരക്ഷിതമായ അല്ലെങ്കിൽ കുറഞ്ഞ പരിധിയിലുള്ള ഒരു ക്രെഡിറ്റ് കാർഡ് ലഭിച്ചാൽ അവ ശരിയായ രീതിയിൽ ഉപയോ​ഗിക്കുക. ബില്ലുകൾ കൃത്യസമയത്ത് അടയ്ക്കുക, നിങ്ങളുടെ ക്രെഡിറ്റ് ഉപയോഗം 30 ശതമാനത്തിൽ താഴെയായി നിലനിർത്തുക, കൂടാതെ അവസാന തീയതികൾ ഒഴിവാക്കുക. ഇത് നിങ്ങളുടെ ക്രെഡിറ്റ് സ്കോർ ഉയർത്തുകയും വായ്പകൾക്ക് അപേക്ഷിക്കുമ്പോൾ ആകർഷകമായ ആനുകൂല്യങ്ങൾ ലഭിക്കുന്നതിന് കാരണമാവുകയും ചെയ്യുന്നു.