കുറഞ്ഞ പലിശ നിരക്കിൽ ഭവന വായ്പ വേണോ? ഈ പൊതുമേഖലാ ബാങ്കുകൾ നിങ്ങളെ സഹായിക്കും

സാധാരണക്കാരൻ്റെ ഏറ്റവും വലിയ മോഹമാണ് സ്വന്തമായൊരു വീട്. സാമ്പത്തിക പ്രതിസന്ധികൾക്കിടയിലും ആളുകൾ വീട് വെക്കുന്നതും വാങ്ങുന്നതുമെല്ലാം പലപ്പോഴും ഭവന വായ്പകളുടെ സഹായത്തോടെയാണ്. ഈ വർഷം തുടർച്ചയായ മൂന്ന് തവണ ആർബിഐ അടിസ്ഥാന പലിശ നിരക്ക് വെട്ടിക്കുറച്ചതോടെ ഭവന വായ്പകളുടെ പലിശ നിരക്കും കുറഞ്ഞു. ഇത് സാധാരണക്കാർക്ക് ഏറെ ആശ്വാസം നൽകുന്നു.

ഭവന വായ്പ എടുക്കുമ്പോൾ കുറഞ്ഞ പലിശ നിരക്കുള്ള ബാങ്കുകൾ പരി​ഗണിക്കണം. എപ്പോഴും പൊതുമേഖലാ ബാങ്കുകളാണ് കുറഞ്ഞ പലിശ നിരക്ക് വാ​ഗ്ദാനം ചെയ്യുന്നത്. എങ്കിലും ഈ പലിശ നിരക്ക് നിങ്ങളുടെ ക്രെഡിറ്റ് സ്കോറും, അപേക്ഷിക്കുന്ന തുകക്കും, മറ്റു യോ​ഗ്യതകൾക്കും അനുസരിച്ച് വ്യത്യാസപ്പെടും. കുറഞ്ഞ പലിശ നിരക്കോടെ വാ​ഗ്ദാനം ചെയ്യുന്ന ഭവന വായ്പകൾ ഏതെല്ലാമെന്ന് പരിശോധിക്കാം;

എസ്‌ബി‌ഐ: ഏറ്റവും വലിയ പൊതുമേഖലാ ബാങ്കായ എസ്ബിഐ ഭവന വായ്പകൾക്ക് നിലവിൽ 7.50% മുതൽ 8.95% വരെ പലിശ ഈടാക്കുന്നു.

ബാങ്ക് ഓഫ് ബറോഡ: ഈ പൊതുമേഖലാ ബാങ്ക് 75 ലക്ഷം രൂപ വരെയുള്ള ഭാവന വായ്പകൾക്ക് 7.45% മുതൽ 9.25% വരെ പലിശ നിരക്ക് ഈടാക്കുന്നു.

യൂണിയൻ ബാങ്ക് ഓഫ് ഇന്ത്യ: 7.35% മുതൽ 10% വരെയാണ് ഭവനവായ്പക്ക് പലിശ ഈടാക്കുന്നത്.

പഞ്ചാബ് നാഷണൽ ബാങ്ക്: ഭവന വായ്പകൾക്ക് പിഎൻബി 7.45% മുതൽ 9.25% വരെ പലിശ നിരക്ക് ഈടാക്കുന്നു.

ബാങ്ക് ഓഫ് ഇന്ത്യ: 75 ലക്ഷം രൂപ വരെയുള്ള ഭവന വായ്പകൾക്ക് ഈ പൊതുമേഖലാ ബാങ്ക് 7.35% മുതൽ 10.10% വരെയാണ് പലിശ നിരക്ക് ഈടാക്കുന്നത്.

കാനറ ബാങ്ക്: ഭവന വായ്പകൾക്ക് നിലവിൽ 7.45% മുതൽ 10.25% വരെ പലിശ നിരക്ക് ഈടാക്കുന്നു.

ബാങ്ക് ഓഫ് മഹാരാഷ്ട്ര: ഭവന വായ്പകൾക്ക് ഈ ബാങ്ക് 7.35% മുതൽ 10.15% വരെയാണ് പലിശ ഉറപ്പാക്കുന്നത്.

ഇന്ത്യൻ ഓവർസീസ് ബാങ്ക് (IOB): എല്ലാ ഭവന വായ്പകളുടെയും പലിശ നിരക്ക് 7.35% മുതൽ ആരംഭിക്കുന്നു.

പഞ്ചാബ് ആൻഡ് സിന്ധ് ബാങ്ക്: ഇവിടെ 7.55% മുതൽ 10.75% വരെയാണ് ഭവന വായ്പകൾക്ക് പലിശ ഈടാക്കുന്നത്.

മറ്റു ധനകാര്യ സ്ഥാപനങ്ങളുടെ ഭവന വായ്പകൾ

1. എൽഐസി ഹൗസിംഗ് ഫിനാൻസിലൂടെ 50 ലക്ഷം രൂപ ഭവനവായ്പയെടുത്താൽ നിലവിൽ 7.5% മുതലാണ് പലിശ നിരക്ക് ആരംഭിക്കുന്നത്. ഈ പലിശ നിരക്ക് ഐസിഐസിഐ ഹൗസിംഗ് ഫിനാൻസ് ഭവനവായ്പ നിരക്കുകൾക്കും ബാധകമാണ്.

2. പിഎൻബി ഹൗസിംഗ് ഫിനാൻസിൽ ഭവന വായ്പക്ക് അപേക്ഷിച്ചാൽ പലിശ നിരക്ക് 8.25% -11.50% വരെയാണ്.

ഭവന വായ്പകളെല്ലാം നിലവിൽ കുറഞ്ഞ നിരക്കിൽ തന്നെ വാ​ഗ്ദാനം ചെയ്യുന്നു. എന്നാൽ മുകളിൽ പറഞ്ഞവയെല്ലാം വിവിധ പൊതുമേഖലാ ബാങ്കുകൾ വാ​ഗ്ദാനം ചെയ്യുന്ന ഭവന വായ്പകളാണ്. എന്നാൽ സ്വകാര്യ ബാങ്കുകളുടെ പലിശ നിരക്കുകൾ ഇതിൽ നിന്നും വ്യത്യാസപ്പെടും. അതിനാൽ ഭവന വായ്പക്ക് അപേക്ഷിക്കുന്നതിനു മുന്നേ വാർഷിക പലിശ നിരക്കിനെ കുറിച്ച് മനസിലാക്കുക.

അറിയിപ്പ്:
മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗുഡ്റിട്ടേൺസ് മലയാളവും ലേഖകനും ഉത്തരവാദികളല്ല.