അടുത്ത ഓണം സ്വന്തം വീട്ടിൽ ആഘോഷിക്കാം, 50 ലക്ഷം രൂപ കുറഞ്ഞ പലിശയിൽ ഇവർ നൽകും, നോക്കുന്നോ..?

സ്വന്തമായി വീട് എന്നത് എല്ലാവരുടേയും സ്വപ്നമാണ്. അതുകൊണ്ടുതന്നെ എല്ലാവരും ആ സ്വപ്നം യാഥാർത്യമാക്കാനുള്ള പരിശ്രമം നടത്താറുമുണ്ട്. വീട് പണിയാൻ പ്രത്യേക സാമ്പത്തിക നിക്ഷേപമില്ലാത്ത ആളുകൾ ഭവന വായ്പ അഥവാ ഹോം ലോൺ എടുക്കുകയാണ് പതിവ്. രാജ്യത്തെ ബാങ്കുകളും മറ്റ് ധനകാര്യ സ്ഥാപനങ്ങളും 50 ലക്ഷം രൂപ വരെ ഭവന വായ്പകൾ നൽകാറുണ്ട്. ധനകാര്യ സ്ഥാപനങ്ങൾ വാഗ്ദാനം ചെയ്യുന്ന ഭവന വായ്പകളുടെ പലിശ നിരക്ക് 7.35 ശതമാനത്തിൽ നിന്നാണ് ആരംഭിക്കുന്നത്. ചില വലിയ ബാങ്കുകളുടേതിന് തുല്യമാണിത്. അതേസമയം മിക്ക ബാങ്കുകളും സ്വീകരിച്ചിട്ടുള്ള റിസർവ് ബാങ്ക് ഓഫ് ഇന്ത്യയുടെ (ആർ‌ബി‌ഐ) റിപ്പോ നിരക്ക് പോലുള്ള ഒരു ബാഹ്യ മാനദണ്ഡവുമായി അവയുടെ നിരക്കുകൾ ബന്ധിപ്പിച്ചിട്ടില്ല.

50 ലക്ഷം രൂപയും 20 വർഷ കാലാവധിയുമുള്ള ഭവനവായ്പയുടെ പലിശ നിരക്ക് 7.35 മുതൽ 9.50 ശതമാനം വരെയാണ്. ക്രെഡിറ്റ് സ്കോർ, വരുമാനം തുടങ്ങിയ വ്യക്തിഗത ഘടകങ്ങളെ അടിസ്ഥാനമാക്കി ഈ പലിശ നിരക്കുകളിൽ വ്യത്യാസം സംഭവിക്കാം. അതുകൊണ്ടുതന്നെ മുൻനിര ധനകാര്യ കമ്പനികൾ വാഗ്ധാനം ചെയ്യുന്ന പലിശ നിരക്കുകൾ നമുക്ക് നോക്കാം.

ബജാജ് ഫിൻസെർവ്: എല്ലാ ഹൗസിംഗ് ഫിനാൻസ് കമ്പനികളിലും വച്ച് ഏറ്റവും കുറഞ്ഞ ഹോം ലോൺ പലിശ നിരക്ക് ബജാജ് ഫിൻസെർവ് വാഗ്ദാനം ചെയ്യുന്നു. 7.35 ശതമാനം മുതലാണ് പലിശ ആരംഭിക്കുന്നത്. 50 ലക്ഷം രൂപയും 20 വർഷത്തെ കാലാവധിയുമുള്ള ലോണിന് 39,822 രൂപയാണ് ഇഎംഐ.

എൽഐസി ഹൗസിംഗ് ഫിനാൻസ് ലിമിറ്റഡ്: എൽഐസി ഹൗസിംഗ് ഫിനാൻസ് ലിമിറ്റഡ് ഭവനവായ്പ 7.50 ശതമാനത്തിൽ ആരംഭിക്കുന്നു. 50 ലക്ഷം രൂപയുടെ 20 വർഷത്തെ വായ്പയുടെ ഇഎംഐ 40,280 രൂപയാണ്.

ടാറ്റാ ക്യാപിറ്റൽ: ടാറ്റാ ക്യാപിറ്റൽ 7.75 ശതമാനം നിരക്കിൽ ആരംഭിക്കുന്ന ഭവന വായ്പകൾ വാഗ്ദാനം ചെയ്യുന്നു. 50 ലക്ഷം രൂപ മുതൽ 20 വർഷത്തെ വായ്പയ്ക്ക് 41,047 രൂപ വരെ ഇഎംഐ ഈടാക്കും.

പിഎൻബി ഹൗസിംഗ് ഫിനാൻസ്: പിഎൻബി ഹൗസിംഗ് ഫിനാൻസ് ഭവനവായ്പ 8.25 ശതമാനത്തിൽ ആരംഭിക്കുന്നു. 50 ലക്ഷം രൂപ മുതൽ 20 വർഷത്തെ ഭവനവായ്പയുടെ ഇഎംഐ 42,603 ​​രൂപയായി മാറുന്നു.

പിരമൽ ക്യാപിറ്റൽ & ഹൗസിംഗ് ഫിനാൻസ്: പിരമൽ ക്യാപിറ്റൽ & ഹൗസിംഗ് ഫിനാൻസ് ഭവനവായ്പ നിരക്ക് 9.50 ശതമാനത്തിൽ ആരംഭിക്കുന്നു. 50 ലക്ഷം രൂപ മുതൽ 20 വർഷത്തെ വാമറ്റ് വഴികൾ

ഭവന വായ്പകളുടെ പലിശ കുറയ്ക്കാൻ സഹായകമായ കാര്യങ്ങൾ

1. ലഭ്യമായതിൽ ഏറ്റവും കുറഞ്ഞ കാലപരിധിയിൽ വായ്പ എടുക്കാൻ ശ്രദ്ധിക്കുന്നത് പലിശ നിരക്കുകൾ കുറയ്ക്കാൻ സഹായിക്കും. ദീർഘകാലാടിസ്ഥാനത്തിൽ ഇത് നേട്ടമാണ്.

2. യോജിച്ച തിരിച്ചടവ് ഓപ്ഷൻ തെരഞ്ഞെടുക്കുക

3. ഒരു വായ്പ ലഭിക്കുമ്പോൾ ആദ്യം തന്നെ ഒരു തുക ഡൗൺപേയ്മെന്റായി അടയ്ക്കേണ്ടതാണ്. കൂടുതൽ തുക ഡൗൺ പേയ്മെന്റായി നൽകാൻ സാധിച്ചാൽ അതിലൂടെ പ്രിൻസിപ്പൽ തുക കുറയുകയും ഇത്തരത്തിൽ പലിശ താഴ്ന്നു നിൽക്കാൻ സഹായകമാവുകയും ചെയ്യും.

4. വർഷം തോറും ഒരു അധിക ഇഎംഐ അടയ്ക്കുക എന്ന തന്ത്രം ലളിതവും എന്നാൽ ശക്തവുമായ ഒരു രീതിയാണ്.

അറിയിപ്പ്: മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് വായ്പ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. സ്വന്തം റിസ്‌കില്‍ മാത്രം വായ്പ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.