നിക്ഷപത്തിലൂടെ ഉയര്ന്ന നേട്ടം ഉറപ്പാക്കുന്ന ഓഹരികളില് നിക്ഷേപിക്കുവാന് തന്നെയാണ് ഓരോ നിക്ഷേപകനും ആഗ്രഹിക്കുന്നത്.അത്തരത്തില് മികച്ച പ്രകടനം നടത്തുന്ന ഓഹരികള് ഏതൊക്കെയാണെന്ന് കണ്ടെത്തുവാനുള്ള നിരന്തരമായ അന്വേഷണത്തിലായിരിക്കും ഓഹരി വിപണിയിലെ ഓരോ നിക്ഷേപകനും. നിക്ഷേപകര് അറിഞ്ഞിരിക്കേണ്ട ഒരു ഓഹരിയെക്കുറിച്ചാണ് ഇപ്പോഴിവിടെ പറയാന് പോകുന്നത്. ഒരു വര്ഷത്തില് 259 ശതമാനം ആദായമാണ് ഓഹരി ഉടമകള്ക്ക് ഈ കമ്പനി നല്കിയിരിക്കുന്നത്.
2020 ജൂണ് മാസത്തിലെ മൂന്നാം വാരത്തില് 1,146.35 രൂപയുണ്ടായിരുന്ന ലക്സ് ഇന്ഡസ്ട്രീസ് ലിമിറ്റഡ് എന്ന കമ്പനിയുടെ ഓഹരി വില ഒരു വര്ഷം പിന്നിട്ട് 2021 ജൂലൈ മൂന്നാം വാരം അവസാനിക്കുമ്പോള് 4,120.00 രൂപയായാണ് ഉയര്ന്നിരിക്കുന്നത്. അതായത് ഒരു വര്ഷം കൊണ്ട് 259 ശതമാനത്തിന്റെ നേട്ടം.
ഗൂഗിള് സിഇഒ സുന്ദര് പിച്ചൈയുടെ വരുമാനം അറിയാമോ? അദ്ദേഹത്തിന്റെ ആകെ ആസ്തി ഇത്രയും തുക വരും!
ഒരു വര്ഷത്തില് 39 ശതമാനമാണ് സെന്സെക്സിന്റെ വളര്ച്ച. 1 വര്ഷം മുമ്പ് നിങ്ങള് 5 ലക്ഷം രൂപ നിക്ഷേപിച്ചിരുന്നുവെങ്കില് ഇപ്പോഴത് 17.97 ലക്ഷം രൂപയായി ഉയര്ന്നിരിക്കും. കഴിഞ്ഞ മൂന്ന് മാസങ്ങളായി 118 ശതമാനം നേട്ടമാണ് ലക്സ് ഇന്ഡസ്ട്രീസ് ലിമിറ്റഡിന്റെ ഓഹരി നേടിയിരിക്കുന്നത്. ഈ വര്ഷത്തിന്റെ ആദ്യം മുതല് 145 ശതമാനമാനം ഉയര്ച്ചയാണ് ഓഹരിയിലുണ്ടായത്.
ആറ് മാസത്തിനിടെ ഓഹരി വിലയില് 1000 രൂപയിലേറെ വര്ധന; അറിയാമോ ഈ ടെക് കമ്പനിയെ?
12,000 കോടി രൂപയ്ക്ക് മുകളിലാണ് കമ്പനിയുടെ മാര്ക്കറ്റ് ക്യാപ്പിറ്റലൈസേഷന്. 2021 മാര്ച്ചില് അവസാനിച്ച പാദത്തില് അറ്റാദായം 202.85 ശതമാനം ഉയര്ന്ന് 91.32 കോടിയായി. മുന്വര്ഷം നേടിയ ലാഭം 30.15 കോടിയായിരുന്നു. മാര്ച്ചില് അവസാനിച്ച പാദത്തില് കമ്പനിയുടെ മൊത്ത വ്യാപാരം 106.87 ശതമാനം ഉയര്ന്ന് 596.13 കോടിയായി ഉയര്ന്നു. കഴിഞ്ഞ വര്ഷം കമ്പനിയുടെ മൊത്ത വില്പ്പന 288.16 കോടിയായിരുന്നു.
ഇന്നര്വെയര് ഇന്ഡസ്ട്രിയിലെ വര്ധിച്ച ഉപഭോഗവും ആവശ്യകതയുമാണ് കമ്പനിയുടെ ഈ വളര്ച്ചയ്ക്ക് കാരണമായിരിക്കുന്നതെന്ന് ലക്സ് ഇന്ഡസ്ട്രീസ് ചെയര്മാന് ആശോക് കുമാര് ടോഡി പറഞ്ഞു. കോവിഡ് 19 വ്യാപനം മേഖലയില് സൃഷ്ടിച്ച പ്രതിസന്ധികള്ക്കിടയിലും മികച്ച പ്രകടനം കാഴ്ചവയ്ക്കുവാന് കമ്പനിയ്ക്ക് സാധിച്ചു.
ഈ പോസ്റ്റ് ഓഫീസ് നിക്ഷേപത്തിലൂടെ കുറഞ്ഞ സമയത്തില് നിങ്ങളുടെ പണം ഇരട്ടിയാക്കാം
വാക്സിനേഷന് നിരക്ക് ഉയരുന്നതോടെ ഇന്ഡസ്ട്രി വീണ്ടും സജീവമാകുമെന്നും അദ്ദേഹം പ്രത്യാശ പ്രകടിപ്പിച്ചു. 2021 സാമ്പത്തീക വര്ഷത്തിലെ രണ്ടാം പാദത്തിലും മൂന്നാം പാദത്തിലും ദൃശ്യമായത് പോലെ വരും മാസങ്ങളില് സമ്പദ് വ്യവസ്ഥ ഉണര്വ് പ്രാപിക്കുമെന്നും അദ്ദേഹം പറഞ്ഞു.