10,000 നിക്ഷേപിച്ചാൽ 82.46 ലക്ഷം സമ്പാദിക്കാം; സർക്കാർ ഉറപ്പിൽ റിട്ടയർമെന്റ് അടിച്ചുപൊളിക്കാം

റിട്ടയർമെന്റ് ജീവിതം എപ്പോഴും സാമ്പത്തികമായി സുരക്ഷിതമാക്കാനുള്ള ശ്രമങ്ങൾ നേരത്തെ തുടങ്ങണം. റിട്ടയർമെന്റിനുശേഷമുള്ള ജീവിതം എങ്ങനെ സുരക്ഷിതമാക്കാമെന്ന് ചിന്തിക്കുന്ന ഒരാളാണ് നിങ്ങൾ എങ്കിൽ ഈ സ്കീം ഗുണം ചെയ്യും. 10 ലക്ഷം നിക്ഷേപിച്ച് 82.46 ലക്ഷം കയ്യിൽ കിട്ടുന്നൊരു മികച്ച പദ്ധതിയെക്കുറിച്ചാണ് ഇനി പറയുന്നത്.

വളരെ സുരക്ഷിതവും വിപണിയിലെ അപകട സാധ്യതകളൊന്നും തന്നെ ഇല്ലാതെ വളരെ സുരക്ഷിതമായി പണം നിക്ഷേപിക്കാവുന്ന പദ്ധതിയാണിത്. പബ്ലിക് പ്രോവിഡന്റ് ഫണ്ട് സ്കീമിനെക്കുറിച്ചാണ് പറഞ്ഞുവരുന്നത്. രാജ്യത്തെ നിലവിലെ സ്കീമുകളിൽ വളരെ പ്രചാരം നേടിയ സ്കീം ആണിത്. പിപിഎഫ് എന്ന പേരിലും ഈ സ്കീം അറിയപ്പെടുന്നു. നിലവിൽ ഈ സ്കീമിൽ നിക്ഷേപിച്ചാൽ 7.1 ശതമാനമാണ് പലിശ ഇനത്തിൽ കിട്ടുക. ഈ സ്കീമിനെക്കുറിച്ച് കൂടുതൽ വിശദമായി അറിയാം.

രാജ്യത്തെ ഏത് പോസ്റ്റ് ഓഫീസിലും ഇന്ത്യൻ പൗരനായ ഒരാൾക്ക് പിപിഎഫ് അക്കൗണ്ട് തുറക്കാം എന്നതാണ് ഏറ്റവും വലിയ പ്രത്യേകത. ഒരാൾക്ക് ഒരു പിപിഎഫ് അക്കൗണ്ട് മാത്രമേ തുറക്കാൻ കഴിയുകയുള്ളൂ. പ്രായപൂർത്തിയാകാത്ത കുട്ടിയുടെ പേരിൽ രക്ഷിതാവിന് അക്കൗണ്ട് തുറക്കാം. സർക്കാർ പിന്തുണയുള്ള ഒരു നിക്ഷേപ പദ്ധതി ആയതിനാൽ തന്നെ സുരക്ഷിതമാണ്.

ത്രൈമാസ അടിസ്ഥാനത്തിൽ ധനമന്ത്രാലയം ആണ് പിപിഎഫ് പലിശ നിരക്ക് നിശ്ചയിക്കുന്നത്. അതിനാൽതന്നെ ഓരോ മൂന്നു മാസം കൂടുമ്പോഴും പലിശ നിരക്കിൽ മാറ്റം വരാം. നിലവിൽ 2024 ഒക്ടോബർ മുതൽ ഡിസംബർ വരെയുള്ള പാദത്തിൽ പിപിഎഫ് പലിശ നിരക്ക് 7.1 ശതമാനമാണ്.

പബ്ലിക് പ്രോവിഡന്റ് ഫണ്ട് സ്കീമിൽ ഏറ്റവും കുറഞ്ഞത് 500 രൂപയും പരമാവധി 1.5 ലക്ഷവും പ്രതിവർഷം നിക്ഷേപിക്കാവുന്നതാണ്. 15 വർഷമാണ് പദ്ധതിയുടെ കാലാവധി. 15 വർഷം കഴിഞ്ഞാൽ 5 വർഷം കൂടി സ്കീമിന്റെ കാലാവധി നീട്ടാവുന്നതാണ്. ദീർഘകാലം നിക്ഷേപിച്ചാൽ നല്ലൊരു തുക കാലാവധി പൂർത്തിയാകുമ്പോൾ കയ്യിൽ കിട്ടും.

റിട്ടയർമെന്റ് സമയത്ത് ഈ സ്കീം വഴി 82.46 ലക്ഷം നേടാനായി ആദ്യം നിങ്ങൾ ഒരു പിപിഎഫ് സ്കീമിൽ അക്കൗണ്ട് തുറക്കണം. അതിനുശേഷം, എല്ലാ മാസവും 10,000 രൂപ നിക്ഷേപം നടത്തണം. അങ്ങനെ വർഷത്തിൽ 1,20,000 രൂപ അക്കൗണ്ടിൽ നിക്ഷേപിക്കപ്പെടും. 25 വർഷം ഇങ്ങനെ നിക്ഷേപം നടത്തുക. നിലവിലെ പലിശ നിരക്കാ. 7.1 ശതമാനം കണക്കാക്കുമ്പോൾ സ്കീമിന്റെ കാലാവധി പൂർത്തിയാകുന്ന സമയത്ത് നിങ്ങൾക്ക് 82,46,412 രൂപ കയ്യിൽ കിട്ടും. ഈ പണം നിങ്ങളുടെ ഭാവി സാമ്പത്തികമായി സുരക്ഷിതമാക്കുക മാത്രമല്ല, ജീവിത ആവശ്യങ്ങൾ നിറവേറ്റാനും നിങ്ങളെ സഹായിക്കും.