ഒരു ദിവസം എത്ര രൂപ എടിഎം വഴി പിൻവലിക്കാം, അറിഞ്ഞിരിക്കുന്നത് നല്ലതാണ്, നാളെ പണികിട്ടുന്നത് ഒഴിവാക്കാം

ഏത് സമയത്തും എവിടെ വച്ചും എപ്പോഴും പണം പിൻവലിക്കാൻ നമ്മളെ സഹായിക്കുന്നത് എടിഎം കാർഡുകളാണ്. അതേസമയം ഒരു ദിവസം എത്ര തുക എടിഎം വഴി പിൻവലിക്കാൻ സാധിക്കും എന്ന കാര്യം നിങ്ങൾ ശ്രദ്ധിച്ചിട്ടുണ്ടോ...? മിക്ക ഇന്ത്യൻ ബാങ്കുകൾക്കും പ്രതിദിന എടിഎം വഴിയുള്ള പണം പിൻവലിക്കൽ പരിധി 20,000 മുതൽ 50,000 രൂപ വരെയാണ്.

ഇന്ത്യയിലെ ചില മുൻനിര ബാങ്കുകളുടെ പരമാവധി എടിഎം പിൻവലിക്കൽ പരിധികൾ എത്രയാണെന്ന് നമുക്ക് പരിശോധിക്കാം.

1. എസ്ബിഐ എടിഎം

1. നിങ്ങൾക്ക് ഒരു മാസ്ട്രോ ഡെബിറ്റ് കാർഡോ ക്ലാസിക് ഡെബിറ്റ് കാർഡോ ഉണ്ടെങ്കിൽ പ്രതിദിനം പരമാവധി 40,000 രൂപ പിൻവലിക്കാം.
2. എസ്ബിഐ പ്ലാറ്റിനം ഇൻ്റർനാഷണൽ ഡെബിറ്റ് കാർഡ് ഉപയോഗിച്ച് പ്രതിദിനം പരമാവധി 1,00,000 രൂപ പിൻവലിക്കാം.

2. എച്ച്ഡിഎഫ്സി എടിഎം

1. എച്ച്ഡിഎഫ്സി അക്കൗണ്ടുമായി ലിങ്ക് ചെയ്‌തിരിക്കുന്ന ഇൻ്റർനാഷണൽ, വുമൺ അഡ്വാൻ്റേജ് അല്ലെങ്കിൽ NRO ഡെബിറ്റ് കാർഡുകൾ ഉണ്ടെങ്കിൽ പ്രതിദിനം പരമാവധി 25,000 രൂപ പിൻവലിക്കാം.
2. അക്കൗണ്ടുമായി ലിങ്ക് ചെയ്‌തിരിക്കുന്ന ഇൻ്റർനാഷണൽ ബിസിനസ്, ടൈറ്റാനിയം അല്ലെങ്കിൽ ഗോൾഡ് ഡെബിറ്റ് കാർഡുകൾക്ക്, പ്രതിദിന പിൻവലിക്കൽ പരിധി 50,000 രൂപയാണ്.
3. പ്ലാറ്റിനം, ഇമ്പീരിയ പ്ലാറ്റിനം ചിപ്പ് ഡെബിറ്റ് കാർഡുകൾക്ക് പ്രതിദിനം പിൻവലിക്കാവുന്ന തുക 1,00,000 രൂപയാണ്.

3. കാനറ ബാങ്ക്

1. കാനറ ബാങ്ക് ക്ലാസിക് റുപേ, വിസ അല്ലെങ്കിൽ സ്റ്റാൻഡേർഡ് മാസ്റ്റർകാർഡ് ഡെബിറ്റ് കാർഡ് ഉണ്ടെങ്കിൽ പ്രതിദിനം പരമാവധി 75,000 രൂപ പിൻവലിക്കാം.
2. ഒരു പ്ലാറ്റിനം അല്ലെങ്കിൽ മാസ്റ്റർകാർഡ് ബിസിനസ് ഡെബിറ്റ് കാർഡ് നിങ്ങളുടെ കാനറ ബാങ്ക് അക്കൗണ്ടുമായി ലിങ്ക് ചെയ്യുമ്പോൾ, എടിഎമ്മിൽ നിന്ന് പ്രതിദിനം 1,00,000 രൂപ വരെ പിൻവലിക്കാം.

4. ഐസിഐസിഐ എടിഎം

1. ഐസിഐസിഐ ബാങ്ക് കോറൽ പ്ലസ് ഡെബിറ്റ് കാർഡ് ഉപയോഗിക്കുന്നവർക്ക് പ്രതിദിനം പിൻവലിക്കാവുന്ന തുക 1,50,000 രൂപയാണ്.
2. അക്കൗണ്ടുമായി ഒരു ഐസിഐസിഐ എക്സ്പ്രഷൻ, പ്ലാറ്റിനം അല്ലെങ്കിൽ ടൈറ്റാനിയം ഡെബിറ്റ് കാർഡ് ലിങ്ക് ചെയ്തിട്ടുണ്ടെങ്കിൽ, പ്രതിദിന പിൻവലിക്കൽ പരിധി 1,00,000 രൂപയാണ്.
3. ഐസിഐസിഐ സ്മാർട്ട് ഷോപ്പർ സിൽവർ ഡെബിറ്റ് കാർഡിന് എടിഎം വഴിയുള്ള പ്രതിദിന പിൻവലിക്കൽ പരിധി 50,000 രൂപയാണ്.

5. ആക്സിസ് ബാങ്ക് എ.ടി.എം

1. രൂപേ പ്ലാറ്റിനം അല്ലെങ്കിൽ പവർ സല്യൂട്ട് ഡെബിറ്റ് കാർഡ് ഉണ്ടെങ്കിൽ, പ്രതിദിനം 40,000 രൂപ പിൻവലിക്കാം.
2. പ്രസ്റ്റീജ്, ഡിലൈറ്റ് അല്ലെങ്കിൽ വാല്യൂ പ്ലസ് ഡെബിറ്റ് കാർഡ് ഉണ്ടെങ്കിൽ, പ്രതിദിനം 1,00,000 രൂപ പിൻവലിക്കാം.
3. ആക്‌സിസ് ബാങ്ക് ബർഗണ്ടി ഡെബിറ്റ് കാർഡിൻ്റെ പ്രതിദിന പിൻവലിക്കൽ പരിധി 3,00,000 രൂപയാണ്.

6. ഇന്ത്യൻ ബാങ്ക് എ.ടി.എം

1. നിങ്ങളുടെ അക്കൗണ്ടുമായി റുപേ പ്ലാറ്റിനം, റുപേ ഡെബിറ്റ് സെലക്ട്, മാസ്റ്റർകാർഡ് വേൾഡ് അല്ലെങ്കിൽ മാസ്റ്റർകാർഡ് വേൾഡ് പ്ലാറ്റിനം ലിങ്ക് ചെയ്‌തിട്ടുണ്ടെങ്കിൽ, നിങ്ങൾക്ക് പ്രതിദിനം 50,000 രൂപ പിൻവലിക്കാം.
2. അക്കൗണ്ടുമായി റുപേ ഇൻ്റർനാഷണൽ പ്ലാറ്റിനം ഡെബിറ്റ് കാർഡ് ലിങ്ക് ചെയ്‌തിട്ടുണ്ടെങ്കിൽ, എടിഎമ്മിൽ നിന്ന് പ്രതിദിനം 1,00,000 രൂപ പിൻവലിക്കാം.

7. ഫെഡറൽ ബാങ്ക് എ.ടി.എം

1. അക്കൗണ്ടുമായി ഒരു റുപേ ക്രൗൺ ഡെബിറ്റ് കാർഡ് ലിങ്ക് ചെയ്‌തിട്ടുണ്ടെങ്കിൽ, നിങ്ങൾക്ക് പ്രതിദിനം 25,000 രൂപ പിൻവലിക്കാം.
2. മാസ്റ്റർകാർഡ് ക്രൗൺ കോൺടാക്‌റ്റ്‌ലെസ്, വിസ ഇംപീരിയോ ബിസിനസ് കോൺടാക്‌റ്റ്‌ലെസ്, വിസ ക്രൗൺ കോൺടാക്‌റ്റ്‌ലെസ് ഡെബിറ്റ് കാർഡുകൾ വഴി പ്രതിദിനം 50,000 രൂപ പിൻവലിക്കാം.